Luke 5:14 - Chishemanituu Utayimuwin: Kaa Uskaach Testament

¹⁴ Jesus maak chii itashumeu e itaat, “Ekaawii wiihtamuu awen taan kaa ispayin. Maachiih, nituu nuukuhiisuu anuhchiish Jewa ayimiheuchimaau e ihtaat che waapamisk e chii miinuwaachihiikuyin. Kaye che pachishtinicheyin an chekwaan aniyaa Moses kaa itashuwet che pachishtinikaanuyich. Uu maak ihtiyine misiwe awen chika chischeyihtam taapwe tekash e chii payehchihiikuyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᒌᓴᔅ ᒫᒃ ᒌ ᐃᑕᔓᒣᐤ ᐁ ᐃᑖᑦ, ᐁᑳᐐ ᐐᐦᑕᒨ ᐊᐌᓐ ᑖᓐ ᑳ ᐃᔅᐸᔨᓐ᙮ ᒫᒌᐦ, ᓂᑑ ᓅᑯᐦᐄᓲ ᐊᓄᐦᒌᔥ ᒎᐗ ᐊᔨᒥᐦᐁᐅᒋᒫᐤ ᐁ ᐃᐦᑖᑦ ᒉ ᐙᐸᒥᔅᒃ ᐁ ᒌ ᒦᓄᐙᒋᐦᐄᑯᔨᓐ᙮ ᑲᔦ ᒉ ᐸᒋᔥᑎᓂᒉᔨᓐ ᐊᓐ ᒉᒀᓐ ᐊᓂᔮ ᒧᓯᔅ ᑳ ᐃᑕᔓᐌᑦ ᒉ ᐸᒋᔥᑎᓂᑳᓄᔨᒡ᙮ ᐆ ᒫᒃ ᐃᐦᑎᔨᓀ ᒥᓯᐌ ᐊᐌᓐ ᒋᑲ ᒋᔅᒉᔨᐦᑕᒻ ᑖᐺ ᑌᑲᔥ ᐁ ᒌ ᐸᔦᐦᒋᐦᐄᑯᔨᓐ᙮

Luke 5:14 Iomraidhean Croise

Matthew 10:18

Chika ituhtahiikunaawaau tipeyihchichesuuch kaye chisheuchimaauch e ihtaatwaau chechii uhchishkuukaapuushtawekuch an uhchi e nuushuushkuwiyekw. Chika nitaweyihtaakusinaawaau kuiskw chechii ishi aayimuumiyekw anit uhchishkuu e ihtaatwaau kaye uhchishkuu anichii ekaa Jewa kaa itiskaanesitwaau.

Matthew 12:16

Ekw Jesus kaa itashumaat ekaa chechii wiihtamuwaayich kutak aweyuu taan kaa ihtit.

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Matthew 9:30

Chii miinuwaachihaakanuuch maak ekw kaa waapahtahkwaau. Ekw Jesus kaa itashumaat ekaa chechii wiihtamuwaayich aweyuu.

Mark 1:44

“Nituhtuu maa che ititaan, ekaawii awen chika uhchi wiihtamuwaau taan kaa ispayin. Tiiwehch nituwaapam ayimiheuchimaau tekash che nituu chischeyimisk. Ekw che pachishtinaman an chipaa pachishtinen aniyaa Moses kaa itashuwet chipaa pachishtinikanuuyuu. Ekut che uhchi waapahtiiweyin taapwe ekw e payehtisiyin.” Ekw kaa chihchitishahwaat uyuuh naapeu.

Mark 6:11

Ekaa maak wii piihtakahiikuyekwe maak ekaa wii nituhtaakuyekwe, nakatamekwe an ihtaawin che pahpuusiteshimuyekw. Eukuu che ihtiyekw e nuukuhtaayekw e ayaakwaamimekuch anichii iinuuch anit kaa ihtaatwaau.”

Luke 17:14

Jesus maak iskutak wiyaapamaat chii iteu, “Maachiikw, nituwaapamaahkw ayimiheuchimaau, chechii chischeyimitaakw taapwe e miinuwaatisiyekw.” Mekwaach maak e ishpishipayitwaau e nituwaapamaatwaau ayimiheuchimaau, chii miinuwaatisiyuuch.

Luke 5:13

Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Luke 9:5

Utihtamekwe maak ihtaawin ekaa wii piihtakahiikuyekwe, nakatamukw an ihtaawin. Che pahpuusiteshimuyekw, e nuukuhtaayekw e yaakwaamimekuch ekaa uhchi utinahkwaau miywaachimuwiniyuu.”