Luke 5:12 - Chishemanituu Utayimuwin: Kaa Uskaach Testament

¹² Mekwaach maak Jesus e ihtaat anite peyakw aniyuu ihtaawiniyuu chii ihtaau naapeu anit umichiiwaaspinewiniyuu e maayaataniyich e ayaat misiwe e ispichishtit. Iskutak maak wiyaapamaat Jesus chii utihtipayihuu anite e ihtaayich, ekw naashch kaa nituweyimaat chechii wiichihiikut, e itaat, “Utipeyihchikeu, wii pechi wiichihiine chika chii ihtuuten chechii payehtisiyaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᒣᒀᒡ ᒫᒃ ᒌᓴᔅ ᐁ ᐃᐦᑖᑦ ᐊᓂᑌ ᐯᔭᒄ ᐊᓂᔫ ᐃᐦᑖᐎᓂᔫ ᒌ ᐃᐦᑖᐤ ᓈᐯᐤ ᐊᓂᑦ ᐅᒥᒌᐙᔅᐱᓀᐎᓂᔫ ᐁ ᒫᔮᑕᓂᔨᒡ ᐁ ᐊᔮᑦ ᒥᓯᐌ ᐁ ᐃᔅᐱᒋᔥᑎᑦ᙮ ᐃᔅᑯᑕᒃ ᒫᒃ ᐎᔮᐸᒫᑦ ᒌᓴᔅ ᒌ ᐅᑎᐦᑎᐸᔨᐦᐆ ᐊᓂᑌ ᐁ ᐃᐦᑖᔨᒡ, ᐁᒄ ᓈᔥᒡ ᑳ ᓂᑐᐌᔨᒫᑦ ᒉᒌ ᐐᒋᐦᐄᑯᑦ, ᐁ ᐃᑖᑦ, ᐅᑎᐯᔨᐦᒋᑫᐤ, ᐐ ᐯᒋ ᐐᒋᐦᐄᓀ ᒋᑲ ᒌ ᐃᐦᑑᑌᓐ ᒉᒌ ᐸᔦᐦᑎᓯᔮᓐ᙮

Luke 5:12 Iomraidhean Croise

Matthew 26:6

Bethanyihch chii ihtaau Jesus, anite Simon wiichiihch. Uu Simon e maayaataniyich aahkusuwiniyuu usakaahch chii ayaakupane weskach.

Matthew 9:28

Jesus maak chii piihcheu waaskaahiikanihch ekw anichii naapeuch ekaa kaa waapahtahkwaau kaa nituwaapamaatwaau ekw Jesus kaa itaat, “Chitaapwehtenaawaau aa chechii miinuwaachihiitakuch.” Ekw kaa itikut, “Ehe, Utipeyihchikeu.”

Mark 5:23

Chii nitutamuweu Jesus e itaat, “Shaash chekaat nipuu nitaanish. Chiwiishaamitin chechii pechi saaminat chechii miinuwaatisiit ekw maak namui kata uhchi nipuu.”

Luke 17:16

Iskutak maak tekushihk chii uchihchiihkunapayihuu uhchishkuu Jesus e ihtaayich e nanaaskumaat. Uu maak naapeu Samaria aschiihch chii uhchiyuu.

Luke 5:13

Jesus maak chii shuwanischeyuu kaa taahtinaat e itaat, “Chiwii wiichihiitin. Payehchisiih.” Tiiwehch maak chii miinuwaatisiyuu aniyuu kaa itaaspinet an naapeu.

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.