Luke 5:11 - Chishemanituu Utayimuwin: Kaa Uskaach Testament

¹¹ Chii seschipitamuch maak uchiimaanuwaauh kaa nakatahkwaau misiwe chekwaayuu anit, ekw kaa wiichewaatwaau Jesus.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᒌ ᓭᔅᒋᐱᑕᒧᒡ ᒫᒃ ᐅᒌᒫᓄᐙᐤᐦ ᑳ ᓇᑲᑕᐦᒀᐤ ᒥᓯᐌ ᒉᒀᔫ ᐊᓂᑦ, ᐁᒄ ᑳ ᐐᒉᐙᑣᐤ ᒌᓴᔅ᙮

Luke 5:11 Iomraidhean Croise

Matthew 10:37

“Awen uste uhtaawiih maak ukaawiih saachihaate ishpishaat niya, namui tepicheyihtaakusuu chechii pechi nuushuushkuut. Kaye awen uste saachihaate ukusisa maak utaanisa ishpishaat niya, namui tepicheyihtaakusuu chechii pechi nuushuushkuut.

Matthew 19:27

Ekw Peter kaa itwet, “Kanawaapahta maa. Shaash misiwe chekwaan nichii nakatenaan chechii nuushuushkaataahch. Uu maak kaa ishi ihtuutamaahch chekwaayuu maak che miikuyaahch Chishemanituu.”

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 4:20

Tiiwehch maak chii nakateuch utahiipiiwaau ekw kaa ati wiichewaatwaau Jesus.

Matthew 4:22

tiiwehch maak chii nakatamuch aniyuu utuutuwaau kaye aniyuu uhtaawaau, ekw kaa ati wiichewaatwaau aniyuu Jesus.

Mark 10:21

Jesus chii kanawaapameu e saachihaat ekw kaa itaat, “Peyakw chekwaan eshkw namui chitayaan. Maachiih nituu ataawe misiwe taan e ishi ayaayin ekw an shuuliyaau kaa chistimaatisiitwaau che miyatwaau, ekw maak che ayaayin miisitisiiwin anite kihchikiishikuhch. Chii ihtuutamane maak uu ekw che pechi nuushuushkuwiyin.”

Luke 5:28

Kaa pisikuut Levi kaa nakatahk misiwe chekwaayuu kaa ishi ayaat ekw kaa papaawiichewaat Jesus.