Luke 5:10 - Chishemanituu Utayimuwin: Kaa Uskaach Testament

¹⁰ Kaye aniyuu wiichinuutamesuu James ekw maak John, Zebedee ukusisa chii kushkweyihtamuch kaye wiyawaau. Jesus maak chii iteu aniyuu Simon, “Ekaawii sechisi. Wesh muyaam iinuuch e pitahuyaayekw eukun che ihtiyekw ekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁰ ᑲᔦ ᐊᓂᔫ ᐐᒋᓅᑕᒣᓲ ᒉᒥᔅ ᐁᒄ ᒫᒃ ᒞᓐ, ᓭᐱᑏ ᐅᑯᓯᓴ ᒌ ᑯᔥᑴᔨᐦᑕᒧᒡ ᑲᔦ ᐎᔭᐙᐤ᙮ ᒌᓴᔅ ᒫᒃ ᒌ ᐃᑌᐤ ᐊᓂᔫ ᓵᐃᒪᓐ, ᐁᑳᐐ ᓭᒋᓯ᙮ ᐌᔥ ᒧᔮᒻ ᐄᓅᒡ ᐁ ᐱᑕᐦᐅᔮᔦᒄ ᐁᐅᑯᓐ ᒉ ᐃᐦᑎᔦᒄ ᐁᒄ᙮

Luke 5:10 Iomraidhean Croise

Matthew 13:47

“Maau miin yaapach e ishinaakuhch kihchikiishikw chisheuchimaawin. Muyaam naapeuch e chii pachitahwaatwaau saakahiikanihch nanaahkuu maak e ishinaakusiyich namesa e pitahamiyich.

Matthew 14:27

Mikw maak tiiwehch Jesus chii ayimiheu e itaat, “Chiyaameyihtamukw, eukw wesin niya, ekaawii kushtaachikw.”

Matthew 20:20

Zebedee maak wiichiskweu chii pechi wiicheweu ukusisa, kaa pechi nituwaapamaatwaau Jesus ekw an iskweu kaa ati uchihchiihkunipayishtuwaat Jesus e wii nituweyihtamuwaat chekwaayuu.

Matthew 4:19

Ekw Jesus kaa itaat, “Aashtamukw pechi wiicheuk, chika ihtuutaatinaawaau iinuuch chechii pitahuyaayekw muyaam e ishi pitahuyaayekw namesach.”

Matthew 4:21

Miin maak chii ati chistuhteu Jesus, ekw miin kaa waapamaat niishu naapeu e wiichiiniihtuyich, James ekw maak John, Zebedee ukusiyuuh. Anite utuutiihch chii ihtaayuuh kaye aniyuu uhtaawiyuu, e weshtuutuwaatwaau utahiipiiwaau. Jesus kaa wiishaamaat,

Mark 1:17

Jesus chii iteu uyuu naapeu, “Aashtamukw pechi nuushuushkuukw. Chika ihtuutaatinaawaau iinuuch chechii pitahuyaayekw muyaam e ishi pitahuyaayekw namesach.”

Luke 5:7

Ekw kaa waashtenamuwaatwaau wiichinuutamesuu, kutachiyuu chiimaaniyuu kaa ihtaayich chechii pechi wiichihiikutwaau, ekw kaa pechi isichimeyich. Taapishkun maak aniyuuh chiimaan chii wii kushaapeuh kaa ishpish saakaschinetwaau namesach.

Luke 5:9

Chii kushkweyihtamihiikuuch Simon kaye aniyuu wiichinuutamesuu aniyuu kaa ishpish chii mistapitahuyaatwaau.

Luke 6:14

Eukunich maak uchii, Simon aniyuu Jesus Peter kaa ishinihkaataat, ekw maak Peter ushiim Andrew, kaye James ekw maak John, Philip ekw maak Bartholomew.

John 21:2

Maamuu chii ihtaauch uchii misiwe, Simon Peter, Thomas, an Kaa niishitwaau kaa ishinihkaataakanuut, Nathanael, an Cana kaa uhchiit anite Galilee aschiihch kaa ihtakuniyich, kaye aniyuu niishu Zebedee ukusisa ekw maak niishu kutakach chischinuhamuwaakanich.

ᐊᐸᔅᑕᓚᒡ 2:4

Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.

2 Corinthians 8:23

Uu maak Titus eukw uu waachaapatisiimit e wiichihiitakuch. Ekw anichii kutakach chiichishaanuuch umaamuuayimihaauh chii itishahukuuch. Chisteyihtaakuheuch maak Christ chekwaayuu e ihtuutahkwaau.

2 Timothy 2:26

Kaye chechii chischeyihtamiyich taanite chechii uhchi wiihkuchihuutwaau e chii nakwaatikutwaau machimanituu e chii ihtuutaakutwaau mikw chechii ishi nanihiihtuwaatwaau taan e itashumikutwaau.