Luke 5:1 - Chishemanituu Utayimuwin: Kaa Uskaach Testament

¹ Peyakwaau Jesus mekwaach e niipuut yaayeu saakahiikanihch Gennesaret e ishinihkaateyich, mihchetu maak iinuu e maakushkaakut e nituhtamiyich Chishemanituu utayimuwiniyuu,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐯᔭᒀᐤ ᒌᓴᔅ ᒣᒀᒡ ᐁ ᓃᐴᑦ ᔮᔦᐤ ᓵᑲᐦᐄᑲᓂᐦᒡ ᑫᓀᓴᕃᑦ ᐁ ᐃᔑᓂᐦᑳᑌᔨᒡ, ᒥᐦᒉᑐ ᒫᒃ ᐄᓅ ᐁ ᒫᑯᔥᑳᑯᑦ ᐁ ᓂᑐᐦᑕᒥᔨᒡ ᒋᔐᒪᓂᑑ ᐅᑕᔨᒧᐎᓂᔫ,

Luke 5:1 Iomraidhean Croise

Matthew 11:12

Kaa ishpish chihchipayihtaat maak John siikahaahtaacheu e kacheskwet, ute maak ishi anuhchiish, muush wii sasuuhcheyimutaakanuu kihchikiishikw chisheuchimaawin, kaye kaa aahkwaateyihtaakusitwaau awenichii naashch suuhk e maasihchetwaau wiyawaau e wii maakunamaasutwaau.

Matthew 14:34

Chii aashuuhamuch maak aniyuu saakahiikaniyuu ekw anite Gennesaret kaa ishinihkaateyich ihtaawiniyuu kaa misakaatwaau.

Mark 3:9

Jesus chii iteu uchischinuhamuwaakanh chechii ayeskuushtaayich utiyuu chek nituweyihtaakuniyiche chechii puusit wesaa siihchiskaakute aweyuu.

Mark 4:1

Peyakwaau miin e chiskutamaachet Jesus yaayeu Galilee saakahiikanihch, chek chii ati mihchetiyuu aweyuu e pechi nituhtaakut. Ekw kaa puusit utiyuu, kaa akumut anit saakahiikanihch. Ekw aniyuu mihchetu aweyuu kaa pechi takushiniyich e wii nituhtaakut anite yaayeu chii ihtaayuuh.

Mark 5:24

Jesus maak chii wiicheweu uyuu naapeu. Mihchetu aweyuu chii wiicheukuu e kakataaushkaakut e ishpish mihchetiyich.

Mark 6:53

Chii aashuuhamuch aniyuu saakahiikaniyuu chek kaa misakaatwaau nete Gennesaret kaa ishinihkaateyich. Kaa maahkupitahkwaau aniyuu utuutuwaau.

Luke 12:1

Mekwaach maak an e ihtinaanuuhch, mihchetwaau chishemitaahtumitanuu iinuuch chii waaskaaniipuuch e nituhtawaatwaau Jesus. Aniyuu e ishpish mihchetitwaau mitun chii katahkusiteskaatituuch. Niishtam maak Jesus chii iteu uchischinuhamuwaakan, “Yaakwaamiishtuwaahkuch Phariseech aniyuu e iteyihtaakusitwaau wesh ayimihehkaasuuch. Mwehch palet uhpisikan kaa iteyihtaakuhch ekun e iteyihtaakuniyich aniyuu e ihtitwaau.

Luke 5:2

Chii uhchi waapahtam niishu chiimaanh anit yaayeu, e chii nakatamiikupanen kaa nuutameseyich chechii nituu chishtaapuuyaayich utahiipiyuuh.

Luke 8:22

Peyakwaau Jesus chii iteu uchischinuhamuwaakanh, “Nete maa ishi aashuuhahtaau akaamihch.” Ekw kaa mushaauhahkwaau.

Luke 8:23

Naanaache maak kaa muushaaweyaasitwaau ekw kaa nipaat Jesus. Chek sischikuuch kaa chiishtiniyich anit saakahiikanihch. E maamisichihtiyich kiskanh chii puusipahiituyuu utuutuwaahch. Chek nuwach kaa kushtaatikuniyich anit e ihtaatwaau.

Luke 8:33

Anichii maak machiahchaahkuch, iskutak kaa wiiwiiskuwaatwaau aniyuu naapeu ekw aniyuu kuuhkuushah kaa aashuupiihchishkuwaatwaau. Ekw anichii kuuhkuushach kaa yaamitaauhchipahiitutwaau anite ishi saakahiikanihch, kaa nishtaapaawetwaau.

Luke 8:45

Ekw Jesus kaa itwet, awen kaa pechi taahtinit. Namui maak awen uhchi chistuu ekw Peter kaa itaat, chischinuhamaachesuu, mihchetuuch awenichii e siihchiskaashkwaau. Yaapach maak e itweyin awen kaa pechi taahtinit.

John 1:40

Simon Peter maak wiichishaanh, Andrew kaa ishinihkaasuyich eukw an peyakw kaa pehtawaat John aniyuu e itweyich kaye wiya maak chii ati wiicheweu Jesus.

John 6:1

Paatimaa anite Jesus chii aashuuham Galilee saakahiikaniyuu. Tiberias saakahiikan chii ishinihkaataakanuu kaye uu Galilee saakahiikan.

Hebrews 13:7

Miin kutach chekwaan, maamituneyimaahkuch maa anichii maauch niishtam kaa wawiihtamaataakuch Chishemanituu utayimuwiniyuu, anichii kaa niikaanishkahkwaau ayimiheukamikuyuu. Maamituneyimaahkuch taan kaa itaatisiitwaau kaye kaa ishi puunipimaatisiitwaau eshkw e taapweyimaatwaau Jesus. Ekun an che wii wiichihiikuyekw chechii taapwehtamekw taan kaa ishi taapwehtahkwaau.