Luke 4:8 - Chishemanituu Utayimuwin: Kaa Uskaach Testament

⁸ Ekw Jesus kaa itaat, “Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐁᒄ ᒌᓴᔅ ᑳ ᐃᑖᑦ, ᐃᑕᔥᑌᐤ ᒋᔐᒪᓂᑑ ᐅᑕᔨᒧᐎᓂᐦᒡ, ᒥᒄ ᐅᑎᐯᔨᐦᒋᑫᐤ ᒋᒋᔐᒪᓂᑑᒥᐙᐤ ᓅᒌᔥᑐᐙᐦᒄ ᑲᔦ ᒥᒄ ᐎᔭ ᐊᑐᔥᑯᐙᐦᒄ᙮

Luke 4:8 Iomraidhean Croise

Matthew 16:23

Ekw Jesus kaa kweschikaapuushtawaat aniyuu Peter, kaa nishkweushihaat e itaat, “Machimanituu, maachiih iiches nete. An taan e iteyihtamihiikuyin chekwaayuuh taapaa Chishemanituu e ihtaat uhchipayuu naapeu e ihtaat uhchipayuu. Maachiih iiches nete machimanituu.”

Matthew 4:10

Mikw maak Jesus chii nishkweushiheu e itaat, “Chiya machimanituu, maachiih iiches nete. Itashteu Chishemanituu utayimuwinihch, Mikw Utipeyihchikeu Chichishemanituumiwaau nuuchiishtuwaahkw kaye mikw wiya atushkuwaahkw.”

Luke 4:4

Jesus maak chii nishkweushiheu e itaat, “Chishemanituu utayimuwin itashteu, Namui mikw aaihkunaahch chika chii uhchi pimaatisiyuu awen.”

Luke 4:7

Eukw maak uu misiwe che ishi tipiyeusiyin pechi nuuchiishtuyine mwehch e ishi nuuchiishtuwat Chishemanituu.”

James 4:7

Pachishteyimitisuustuwaahkw Chishemanituu. Nishkuushtuwaahkw machimanituu ekw maak che usimitaakw.

1 Peter 5:9

Nishkuushtuwaahkw maak machimanituu. Yaaichikaapuukw chitaapwehtamuwinawaach ishi wesh chichischeyihtenaawaau anichii chiichishaanuwaauch kaa taapwehtahkwaau ekun kaye wiyawaau e ishi nachishkahkwaau nanehkaachihiiwewiniyuu utah aschiihch muyaam kaye chiyawaau kaa ishi nachishkamekw.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.

Revelation 22:9

Mikw maak nichii itikw, “Ekaa pechi nuuchiishtuuh. Wesh kaye niya nitatushkuwaau Chishemanituu mwehch chii e ihtiyin kaye maak mwehch e ihtitwaau chiichishaanich, anichii kaa chischiwehiichetwaau ekw maak anichii kaa nanihiihtahkwaau taan e itashteyich utah masinahiikanihch. Chishemanituu eukw nuuchiishtuu.”