Luke 4:6 - Chishemanituu Utayimuwin: Kaa Uskaach Testament

⁶ Ekw kaa itikut, “Misiwe chika pachishtinamaatin chechii tipeyihchicheyin utah uyuuh chisheuchimaawinh kaye misiwe an miisitisiiwin chechii tipeyihtaman. Niya misiwe nichii pachishtinamaakuun, ekw maak mikw awen waa miyak nika chii miyaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᑳ ᐃᑎᑯᑦ, ᒥᓯᐌ ᒋᑲ ᐸᒋᔥᑎᓇᒫᑎᓐ ᒉᒌ ᑎᐯᔨᐦᒋᒉᔨᓐ ᐅᑕᐦ ᐅᔫᐦ ᒋᔐᐅᒋᒫᐎᓐᐦ ᑲᔦ ᒥᓯᐌ ᐊᓐ ᒦᓯᑎᓰᐎᓐ ᒉᒌ ᑎᐯᔨᐦᑕᒪᓐ᙮ ᓂᔭ ᒥᓯᐌ ᓂᒌ ᐸᒋᔥᑎᓇᒫᑰᓐ, ᐁᒄ ᒫᒃ ᒥᒄ ᐊᐌᓐ ᐙ ᒥᔭᒃ ᓂᑲ ᒌ ᒥᔮᐤ᙮

Luke 4:6 Iomraidhean Croise

Luke 4:7

Eukw maak uu misiwe che ishi tipiyeusiyin pechi nuuchiishtuyine mwehch e ishi nuuchiishtuwat Chishemanituu.”

John 12:31

Anuhchiish utihchipayuu chechii wiyaaskunaakanuutwaau awenich utah aschiihch kaa ihtaatwaau kaye anuhchiish ekw wetihchipayiyich chechii ishpishihaakanuut machimanituu, an kaa tipeyihchet utah aschiihch.

John 14:30

Namui shaash naashch chineush chika chii ayimihiitinaawaau, wesh machimanituu, an kaa tipeyihchiket utah aschiihch shaash pechi takushinuu. Mikw maak namui mitun nika chii uchimaahkahtaakw.

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

2 Corinthians 11:14

Namui maak chipaa uhchi miskaateyihtamihiikunaanuu uu wesh waawaach machimanituu mwehch waashtuweu enchil chika chii ishinaakuhiisuu.

Ephesians 2:2

Eukun kaa ishi pimaatisiyekw eshkw e chii nuushunehamekw taan e ihtinaanuuhch utah aschiihch kaye eshkw e chii nuushuushkuwekw an kaa uchimaahkahtahk chiishikuyuu, an ahchaahkw kaa ishi aapatisit e piihchishkuwaat aniyuuh aweyuuh ekaa kaa nanihiihtuwaayich Chishemanituuh.

1 Peter 1:24

Chishemanituu utayimuwin itashteyuu, Misiwe awen mwehch mashkushuu ishinaakusuu. Misiwe awen uchisteyihtaakusuwin mwehch waapukun nitawiin kaa nihtaauchihch ishinaakuniyuu. Nipiimakanh mashkushuuh ekw waapikunh paahpahchishtinh.

1 John 5:19

Chichischeyihtenaanuu Chishemanituu e utawaashiimituutaatahkw. Misiwe anichii utah aschiihch kaa ihtaatwaau tipeyimikuuch machimanituu.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.

Revelation 13:2

An maak machi awesiis nuushe mistapisuu chii ishinaakusuu. Usitih muyaam kaakuus misit chii ishinaakuniyuuh. Utuun mwehch mistatim mituuniyuu chii ishinaakuniyuu. Ekw an mista manichuush kaa miyaat aniyuuh machi awesiisa wiya tipiiwe umaskuusiiwin kaye wiya tipiiwe utipeyihchichewin. Chii miyeu chechii apiyich anite uchisheuchimaau tehtapuwinihch.

Revelation 13:7

Chii pachishtinaakanuu chechii maasihaat kaa taapwehtamiitwaauh kaye chechii tepihaat. Chii miyaakanuu tipeyihchewiniyuu chechii uchimaaututawaat misiwe e itiskaanesiyich aweyuuh kaye misiwe nanaahkuu e ishi ayimiyich kaye misiwe e ishi maamuuteushiyich.