Luke 4:5 - Chishemanituu Utayimuwin: Kaa Uskaach Testament

⁵ Ekw machimanituu kaa ituhtahaat Jesus anite e ishpatinaayich wachiyuu, chiishkam misiwe uchisheuchimaawin e tahtiniyikwaau kaa waapahtiyaat utah aschiihch e ishi ihtakuniyikwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵ ᐁᒄ ᒪᒋᒪᓂᑑ ᑳ ᐃᑐᐦᑕᐦᐋᑦ ᒌᓴᔅ ᐊᓂᑌ ᐁ ᐃᔥᐸᑎᓈᔨᒡ ᐗᒋᔫ, ᒌᔥᑲᒻ ᒥᓯᐌ ᐅᒋᔐᐅᒋᒫᐎᓐ ᐁ ᑕᐦᑎᓂᔨᒀᐤ ᑳ ᐙᐸᐦᑎᔮᑦ ᐅᑕᐦ ᐊᔅᒌᐦᒡ ᐁ ᐃᔑ ᐃᐦᑕᑯᓂᔨᒀᐤᐦ᙮

Luke 4:5 Iomraidhean Croise

Matthew 24:14

Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

Matthew 4:8

Ekw miin kaa wii kakwechihaat machimanituu aniyuu Jesus kaa ituhtahaat anite naashch e ishpaanaayich wachiyuu, kaa waapahtiyaat misiwe chisheuchimaawinh utah aschiihch kaa ihtakuniyikwaauh kaye taan e ishi ihtakuniyich miisitisiiwiniyuu anite.

1 Corinthians 15:52

Iskutak pehtaakuhche puutaachikan peyakwaau e piskaapit awen ekun che ishpish chishipayihch e kweschinaakuhiikuyihkw. Ekw maak anichii kaa nipitwaau che wanishkaanaakanuutwaau nipuwinihch uhchi kaachiche chechii pimaatisiitwaau. Ekw maak misiwe che kweschinaakuhiikuyihkw.

1 Corinthians 7:31

Anichii kaa uhtaapachihutwaau taan e itaapatisinaanuyich utah aschiihch anit chechii uhchi pimaachihiisutwaau ekaawii chika uhchi utamihiikuuch e atushkuwaatwaau Utipeyihchikeuh wesh uu aschii kaye taan e iteyihtaakuhch chika miyaaupayuu.

2 Corinthians 4:17

Namui naashch chekwaan iteyihtaakun taan e ishi nachishkamuhkw kaye maak an taan e ishi nachishkamuhkw namui chineush chika uhchi pimipayuu. Wesh Chiwiichihiikunaanuu chechii ayaayihkw kaachiche chisteyihtaakusuwin. Etituu maak mistahii iteyihtaakun uu ishpishaat taan e ishi nachishkamuhkw.

Ephesians 2:2

Eukun kaa ishi pimaatisiyekw eshkw e chii nuushunehamekw taan e ihtinaanuuhch utah aschiihch kaye eshkw e chii nuushuushkuwekw an kaa uchimaahkahtahk chiishikuyuu, an ahchaahkw kaa ishi aapatisit e piihchishkuwaat aniyuuh aweyuuh ekaa kaa nanihiihtuwaayich Chishemanituuh.

Ephesians 6:12

Wesh namui muhch iinuuch chimaasihaanuuch. Machiahchaahkuch kaa tipeyihchichetwaau chimaasihaanuuch kaye anichii naashch kaa suuhcheyihtaakusitwaau kaye anichii kaa niikaanishkahkwaau wanitipiskusiiwiniyuu utah aschiihch kaa ihtakuniyich. Chimaasihaanuuch kaye anichii mihchetu machiahchaahkuch anite ishpimihch kaa ihtaatwaau.