Luke 4:41 - Chishemanituu Utayimuwin: Kaa Uskaach Testament

⁴¹ Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴¹ ᒥᐦᒉᑐ ᒫᒃ ᐄᓅᒡ ᒌ ᐐᐐᔅᑳᑰᒡ ᒪᒋᐊᐦᒑᐦᑾ ᐁ ᐃᔑ ᑌᐺᔨᒡ, ᒋᔭ ᑖᐺ ᙭, ᒋᔐᒪᓂᑑ ᐅᑯᓯᓴ᙮ ᒌᓴᔅ ᒫᒃ ᒌ ᒋᔅᑕᐦᐊᒧᐌᐤ ᐊᓂᔫ ᒪᒋᐊᐦᒑᐦᑾ ᒉᒌ ᐊᔨᒥᔨᒡ, ᐌᔥ ᒌ ᒋᔅᒉᔨᒥᑰ ᐎᔭ ᐁ ᐋᐎᑦ ᙭᙮

Luke 4:41 Iomraidhean Croise

Matthew 26:63

Jesus maak namui uhchi chistuu. Ekw miin kaa itikut aniyuu chisheayimiheuchimaau, “Kuiskw maa pechi wiihtamunaan e pehtaask an pemaatisiit Chishemanituu, eukw aa chiya taapwe Christ, Chishemanituu Ukusisa.”

Matthew 4:3

Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

Matthew 8:16

Iskutak maak e ati utaakushiyich, ekw kaa peshuwaatwaau awenichii mihchetu aweyuuh kaa piihchishkaakuyich machiahchaahkwa anite Jesus e ihtaayich. Jesus maak chii itashumeu chechii wiiwiyich aniyuu machiahchaahkwa aniyuu kaa piihchishkaakuyich iinuuh, kaye maak misiwe chii miinuwaachiheu aniyuu kaa aahkusiitwaauh.

Matthew 8:29

Iskutak maak wiyaapamikut Jesus aniyuuh naapeuh tiiwehch chii uhchi aashihkweyuuh e itweyich, “Jesus, taan waa ishiihkuuyaahch, chiya Chishemanituu Ukusisa, shaash aa chiwii pechi wawiisacheyihtamihiinaan eshkw maak ekaa utihchipayihch anit che wawiisacheyihtamuwaauhchipane.” Ekun kaa itikut aniyuuh niishu naapeuh.

Matthew 8:4

Ekw Jesus kaa itaat, “Yaaitei, ekaawii mitun wiihtamuu awen paatishkaan chii nituuchischeyimiske ayimiheuchimaau itiske maak shaash e miinuwaatisiyin. Kaye chii pachishtinamane an miiwewin aniyaa Moses kaa itashuwet chechii miiwaanuyich iskutak e miinuwaachihaakanuut awen. Eukw maak uyeyuu uhchi che chischeyimiskwaau awenichii tekash e miinuwaatisiyuut.”

Mark 1:25

Jesus maak chii nishkuushtuweu e itaat, “Awash ekaa chistuh. Maachiih pechi wiiwiih anit uhchi an naapeu e ihtaat.”

Mark 1:32

An wetaakushich iskutak pehchishimut piisim, chii petuwaakanuu Jesus kaa aahkusiitwaau aweyuu kaye aniyuu machiahchaahkwa kaa piihchishkaakuyich.

Mark 1:34

Mihchetu maak uyuu kaa aahkusiitwaau chii miinuwaachiheu Jesus, misiwe nanaahkuu kaa itaaspineyitwaauh kaye chii wiiwiitishihweu machiahchaahkwa. Namui uhchi pachishtineu uyuu machiahchaahkwa chechii nishkweushihiikut, wesh chii chischeyimikuu.

Mark 3:11

Machiahchaahkuch maak michihpin wiyaapamaatwaau Jesus chii ihtuutaweuch aniyuuh aweyuuh kaa piihchishkuwaatwaau chechii pahchishiniyich uhchishkuu Jesus e ihtaayich ekw kaa uhchi tepwetwaau anichii machiahchaahkuch e itwetwaau, “Eukw chiya Chishemanituu Ukusisa.”

Luke 4:39

Jesus maak chii nawewiyuu anite ishi e ihtaayich aniyuu iskweu, ekw kaa itashuwaatahk aniyuu kaa chishiteunikusiinaanuyich chechii nakatikuyich. Tiiwehch maak chii nakatikuyuu, kaa wanishkaat an iskweu kaa ati papiminaat aweyuu.

John 20:31

Eukw uyuuh kaa masinahiikanuukwaau chechii taapwehtamekw eukw uyuuh Jesus Chishemanituu Ukusisa ekw maak taapweyimekwen che ayaayekw pimaatisiiwin.

James 2:19

Chitaapwehten aa mikw e peyakushit Chishemanituu. Miywaashuu uu e taapwehtaman. Kaye wiyawaau machiahchaahkuch taapwehtamuch uyuu, nanamipayuuch maak e ishpish sechisitwaau.