Luke 4:36 - Chishemanituu Utayimuwin: Kaa Uskaach Testament

³⁶ Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᑖᐺ ᒫᒃ ᒌ ᒥᔅᑳᑌᔨᐦᑕᒧᒡ ᒥᓯᐌ ᐊᓂᒌ ᑳ ᑲᓇᐙᐱᑣᐤ ᐁ ᐃᑎᑐᑣᐤ, ᒉᒄ ᐊᔨᒧᐎᓂᔫ ᐅᔦᔫ ᑳ ᐋᐸᒋᐦᑖᑦ᙮ ᑖᐺ ᓲᐦᒋᐸᔨᓂᔫ ᐅᑕᔨᒧᐎᓐ ᑲᔦ ᑖᐺ ᓄᐗᒡ ᐅᒋᒫᐌᔨᐦᑖᑯᓲ ᒥᒄ ᐁ ᐃᔑ ᐐᐎᔨᒡ ᒪᒋᐊᐦᒑᐦᑾ ᐁ ᐐᐐᑎᔑᐦᐙᑦ᙮

Luke 4:36 Iomraidhean Croise

Matthew 9:33

Iskutak maak Jesus kaa wiiwiitishihwaat aniyuuh machiahchaahkwa, ekw kaa kaschihut an naapeu e ayimit. Misiwe maak awenichii chii miskaateyihtamuch uyuu kaa ispayich. Chii iteuch maak, “Namui wiiskaat nuuhchi waapahtenaan maamishkaach chekwaan e ispayihch utah Israelihch.”

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 7:37

Misiwe maak aweyuu kaa pehtamiyich uyuu naashch chii miskaateyihtamihiikuyuu. Chii itweyuuh maak, “Misiwe chekwaayuu chii miyutuutam. Waawaach chii ihtuutamuweu ekaa kaa pehtamiyich chechii pehtamiyich kaye aniyuuh ekaa kaa nihtaaweyich chechii nihtaaweyich.”

Luke 2:18

Misiwe maak awenichii kaa pehtawaatwaau aniyuu maanishchaanishuiinuuh aniyuu kaa itaachimuyich naashch taapwe chii miskaateyihtamihiikuuch.

Luke 4:32

Misiwe chii miskaashtamuch anichii iinuuch aniyuu kaa ishi chiskutamaacheyich kaa ishpish suuhcheyihtaakuniyich utayimuwiniyuu.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.