Luke 4:32 - Chishemanituu Utayimuwin: Kaa Uskaach Testament

³² Misiwe chii miskaashtamuch anichii iinuuch aniyuu kaa ishi chiskutamaacheyich kaa ishpish suuhcheyihtaakuniyich utayimuwiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³² ᒥᓯᐌ ᒌ ᒥᔅᑳᔥᑕᒧᒡ ᐊᓂᒌ ᐄᓅᒡ ᐊᓂᔫ ᑳ ᐃᔑ ᒋᔅᑯᑕᒫᒉᔨᒡ ᑳ ᐃᔥᐱᔥ ᓲᐦᒉᔨᐦᑖᑯᓂᔨᒡ ᐅᑕᔨᒧᐎᓂᔫ᙮

Luke 4:32 Iomraidhean Croise

Mark 1:22

Chii maamishkaateyihtamihiikuuch maak aniyuu taan kaa ishi chiskutamaacheyich, wesh awen naashch kaa uchimaaweyihtaakusit chii itihtaakusuu. Namui uhchi itihtaakusiyuuh wii aniyuu wiishuwewiniyuu kaa chiskutamaacheyitwaauh.

Luke 2:47

Misiwe maak aweyuu kaa pehtaakut naashch chii maamishkaateyihtamihiikuyuu ukachehtaaweyihtamuwin kaye aniyuu naashch e kaschihut e ishi nishkweushihtwaat chekwaayuu e kakwechimaakanuut.

Luke 4:33

Chii ihtaau maak anit ayimiheukamikuhch naapeu e piihchishkaakut machiahchaahkwa, chii ishi tepweu maak,

Luke 4:36

Taapwe maak chii miskaateyihtamuch misiwe anichii kaa kanawaapitwaau e ititutwaau, “Chekw ayimuwiniyuu uyeyuu kaa aapachihtaat. Taapwe suuhchipayiniyuu utayimuwin kaye taapwe nuwach uchimaaweyihtaakusuu mikw e ishi wiiwiyich machiahchaahkwa e wiiwiitishihwaat.”

John 6:63

Mikw Kaa payehchisiit Ahchaahkw miiweu kaachiche pimaatisiiwiniyuu, namui wii naapeu chika chii ihtuutam uyuu. Chichii wiihtamaatinaawaau maak taanite chechii uhchi ayaayekw uu Ahchaahkw pimaatisiiwin.

John 7:46

Ekw anichii kaa maakunawesuutwaau kaa nishkweushihaatwaau aniyuuh e itaatwaau, “Namui nihtaa awen uhchi ishpish miyu chiskutamaacheu e ishpish miyu chiskutamaachet uu naapeu.”

2 Corinthians 4:2

E waawiihtamaahch uu miywaachimuwin namui chekwaan nichiimuuch ihtinaan. Muush kuiskw kaye muushe niwiihtenaan chekwaan. Namui niwii wiyeshimaanaan awen chechii uhchi taapwehtahk. Namui kaye nichiikuunenaan kutach chekwaan e waawiihtamaahch Chishemanituu utayimuwin. Kuiskw niwiihtamuwaanaan misiwe awen taapwewiniyuu ekw maak che chischeyihtahkwaau taapwe chechii taapwehtahkwaau taan e ishi waawiihtamuchiht. Nichischeyimikunaan maak Chishemanituu e taapwewachiht.

1 Thessalonians 1:5

Iskutak kaa waawiihtamaataahch miywaachimuwin namui mikw nuuhchi ayiminaan maak eyuu chichii waapahtenaawaau suuhkaatisiiwin Kaa payehchisiit Ahchaahkw uhchi. Kaye maak eukw an kaa ihtuutaataakw tekash chechii taapwehtamekw e taapwemakahch taan kaa ishi wiihtamaataahch. Chichii chischeyiminaan taan kaa itaatisiyaahch anit e ihtaayekw kaa ihtaayaahch anit e chii uhchi wii wiichihiitaahch.

Titus 2:15

Chiskutamuuch uyuu chekwaayuu kaye aapachihtaa an tipeyihchichewin kaa miikuyin chechii kaachiichimitwaau, kaye chechii wiihtamuutwaau taanit e wanipayitwaau. Ekaawii awen chika uhchi wii aatuweyimukw.