Luke 4:27 - Chishemanituu Utayimuwin: Kaa Uskaach Testament

²⁷ Kaye maak mekwaach eshkw e chii pimaatisiit aniyaa uchischiwehiichesuu Elisha chii ihtaauch mihchetu awenichii anit Israel aschiihch, kaa maayaataniyich umichiiwaaspinewiniyuu e chii ayaatwaau. Namui maak waachi peyakw uhchi miinuwaachihaakanuuch uchii chechii payehchisiitwaau, mikw an naapeu Naaman kaa ishinihkaasut chii miinuwaahihaakanuut, anite maak Syria aschiihch ekute kaa uhchiit.” Eukw uyuu kaa itaat Jesus aniyuu iinuu kaa nituhtaakut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᑲᔦ ᒫᒃ ᒣᒀᒡ ᐁᔥᒄ ᐁ ᒌ ᐱᒫᑎᓰᑦ ᐊᓂᔮ ᐅᒋᔅᒋᐌᐦᐄᒉᓲ ᐁᓛᐃᔕ ᒌ ᐃᐦᑖᐅᒡ ᒥᐦᒉᑐ ᐊᐌᓂᒌ ᐊᓂᑦ ᐃᔅᕋᐁᓪ ᐊᔅᒌᐦᒡ, ᑳ ᒫᔮᑕᓂᔨᒡ ᐅᒥᒌᐙᔅᐱᓀᐎᓂᔫ ᐁ ᒌ ᐊᔮᑣᐤ᙮ ᓇᒧᐃ ᒫᒃ ᐙᒋ ᐯᔭᒄ ᐅᐦᒋ ᒦᓄᐙᒋᐦᐋᑲᓅᒡ ᐅᒌ ᒉᒌ ᐸᔦᐦᒋᓰᑣᐤ, ᒥᒄ ᐊᓐ ᓈᐯᐤ ᓀᒪᓐ ᑳ ᐃᔑᓂᐦᑳᓱᑦ ᒌ ᒦᓄᐙᐦᐃᐦᐋᑲᓅᑦ, ᐊᓂᑌ ᒫᒃ ᓯᕆᔮ ᐊᔅᒌᐦᒡ ᐁᑯᑌ ᑳ ᐅᐦᒌᑦ᙮ ᐁᐅᒄ ᐅᔫ ᑳ ᐃᑖᑦ ᒌᓴᔅ ᐊᓂᔫ ᐄᓅ ᑳ ᓂᑐᐦᑖᑯᑦ᙮

Luke 4:27 Iomraidhean Croise

Matthew 12:4

Aniyaa chisheuchimaau David chii piihcheu chisheayimiheukamikuhch ekw kaa muwaat aniyuu kaa payehchisiyich aaihkunaau, ekw kaa ashamaat uwiichewaakanh. Mikw maak ayimiheuchimaauch chii iteyihtaakusuuch chechii muwaawaakupanenich uyuu aaihkunaau, wesh eukun kaa itashteyich ayimihewin wiishuweusinahiikanihch. David maak namui uhchi waweshihaakanuu.

Matthew 8:3

Jesus maak chii taahtineu e itaat, “Chiwii wiichihiitin, payehchisiih.” Tiiwehch maak chii miinuwaatisiyuu an naapeu aniyuu kaa itaaspinet.

Luke 4:28

Anichii maak iinuuch anit aniyuu ayimiheukamikuyuu kaa ihtaatwaau iskutak kaa pehtawaatwaau Jesus uyuu e itweyich chii mista chishuwaasuuch.

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.