Luke 4:23 - Chishemanituu Utayimuwin: Kaa Uskaach Testament

²³ Ekw Jesus kaa itaat, “Cheshtinaash chika pechi iishinaawaau an kaa chii iinaanuuhch, ‘Nituhkuiin, miinuwaachihiisuu,’ kaye maak chika pechi iishinaawaau, ‘Taan kaa ishi pehtamaahch e maamishkaach ihtiyin anite Capernaum kaa ishinihkaatech ihtaawin ihtuutah kaye utah uu ihtaawin kaa uhchiyin.’

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᐁᒄ ᒌᓴᔅ ᑳ ᐃᑖᑦ, ᒉᔥᑎᓈᔥ ᒋᑲ ᐯᒋ ᐄᔑᓈᐙᐤ ᐊᓐ ᑳ ᒌ ᐄᓈᓅᐦᒡ, ᓂᑐᐦᑯᐄᓐ, ᒦᓄᐙᒋᐦᐄᓲ, ᑲᔦ ᒫᒃ ᒋᑲ ᐯᒋ ᐄᔑᓈᐙᐤ, ᑖᓐ ᑳ ᐃᔑ ᐯᐦᑕᒫᐦᒡ ᐁ ᒫᒥᔥᑳᒡ ᐃᐦᑎᔨᓐ ᐊᓂᑌ ᑲᐯᕐᓇᐅᒻ ᑳ ᐃᔑᓂᐦᑳᑌᒡ ᐃᐦᑖᐎᓐ ᐃᐦᑑᑕᐦ ᑲᔦ ᐅᑕᐦ ᐆ ᐃᐦᑖᐎᓐ ᑳ ᐅᐦᒋᔨᓐ᙮

Luke 4:23 Iomraidhean Croise

Matthew 13:54

Ekw anit aniyuu ihtaawiniyuu wehchiit ekute kaa ituhtet. Ekut anit kaa chiskutamaachet anite Jewa ayimiheukamikuhch, misiwe maak aniyuu kaa pehtaakut chii miskaashtaakuu e itituyich, “Taanite kaa uhchi ayaat uyuu kachehtaaweyihtamuwiniyuu, taanite kaa uhchi ayaat kaye aniyuu kaschihuwiniyuu chechii ihtuutahk aniyuu maamishkaach chekwaayuuh.

Matthew 4:13

Ekw anite Nazareth kaa uhchi chistuhtet. Ekw anite Capernaum kaa ishinihkaateyich ihtaawiniyuu, anite Galilee saakahiikanihch kaa ihtakuniyich ekute kaa nituu wiichit, anite Zebulun ekw maak Naphtali kaa ishinihkaateyikwaauh aschiih.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Mark 6:1

Chii nakatam Jesus aniyuu anit kaa ihtaat ekw kaa ituhtet anite aniyuu ihtaawiniyuu kaa nihtaauchinaakanuut, Nazareth kaa ishinihkaateyich. Chii wiicheukuu maak uchischinuhamuwaakanh.

Luke 2:39

Iskutak maak Jesus uniichihiikw kaa ishi ihtuutahkwaau misiwe kaa ishi wiishtaakanuyich anite Utipeyihchikeu utayimihewin wiishuweusinahiikaniyuu, kaau chii chiiweuch anite kaa uhchiitwaau Nazareth kaa ishinihkaateyich ihtaawiniyuu anite Galilee aschiihch.

Luke 2:51

Ekw kaa wiichewaat e chiiweyich anite Nazareth, chii pishichiheu maak chekwaayuu e itashumikut. Ukaawii maak chii kanuweyihtamiyuu utehiihch misiwe taan kaa ispayiyich.

Luke 4:16

Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu.

Luke 4:31

Ekw Jesus kaa ituhtet anite Capernaum kaa ishinihkaateyich ihtaawiniyuu anite Galilee aschiihch kaa ihtakuniyich, kaa chiskutamuwaat aweyuu mekwaach e Jewa ayimiheuchiishikaayich.

Luke 4:35

Jesus kaa nishkweushihaat aniyuu ahchaahkwa e itaat, “Ekaa chistuh. Wiiwiiskuu an naapeu.” Ekw an ahchaahkw kaa ihtuutawaat aniyuu naapeu anite chechii ishi pahchishiniyich e mihchetinaanuyich. Ekw kaa wiiwiiskawaat aniyuu naapeu ekaa uhchii wiyesh ihtuutuwaat chechii aahkuhaat.

Luke 6:42

Taanite chechii uhchi itat chiichishaan, ‘Nika wiihkuchihtaan chipishinuun, ekaa maak mechim chii waapahtaman an mistikw anite chiya chischiisikuhch kaa ihtakuhch.’ Chititeyimaauch awenichii chechii iteyimiskwaau e kuiskutaatisiyin ekaa maak kuiskutaatisiyin. Chiya kaa ayimihehkaasuyin, niishtam wiihkuchihtaah an mistikw chischiisikuhch kaa ihtakuhch, ekw maak chechii nihaapiyin. Ekw maak che wiihkuchihtaaut chiichishaan upishinuun.”

John 4:28

Ekw an iskweu kaa nakatahk aniyuu ukwaapikaakan, kaa chiiwet anite utihtaawinihch ekw kaa itaat aniyuu iinuuh anite kaa ihtaayich.

2 Corinthians 5:16

Namui maak ekw uschich e ishinawaakanuut awen nit ishi kanawaapamaanaan. Ekun kaa ishi kanawaapamachiht Christ peyakwaau. Namui ekw anite nit ishi kanawaapamaanaan.