Luke 4:22 - Chishemanituu Utayimuwin: Kaa Uskaach Testament

²² Misiwe awenichii chii miyuhtamuch taan kaa ishi ayimiyich Jesus. Chii kushkuikuuch e ishpish kaschihuutaakusiyich, ekw kaa itwetwaau, taanite wehtinahk uyuu kaa itihtaakusit, “Namui aa eukun uyuu Joseph ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᒥᓯᐌ ᐊᐌᓂᒌ ᒌ ᒥᔪᐦᑕᒧᒡ ᑖᓐ ᑳ ᐃᔑ ᐊᔨᒥᔨᒡ ᒌᓴᔅ᙮ ᒌ ᑯᔥᑯᐃᑰᒡ ᐁ ᐃᔥᐱᔥ ᑲᔅᒋᐦᐆᑖᑯᓯᔨᒡ, ᐁᒄ ᑳ ᐃᑗᑣᐤ, ᑖᓂᑌ ᐌᐦᑎᓇᐦᒃ ᐅᔫ ᑳ ᐃᑎᐦᑖᑯᓯᑦ᙮ ᓇᒧᐃ ᐋ ᐁᐅᑯᓐ ᐅᔫ ᒞᓴᕝ ᐅᑯᓯᓴ᙮

Luke 4:22 Iomraidhean Croise

Luke 2:47

Misiwe maak aweyuu kaa pehtaakut naashch chii maamishkaateyihtamihiikuyuu ukachehtaaweyihtamuwin kaye aniyuu naashch e kaschihut e ishi nishkweushihtwaat chekwaayuu e kakwechimaakanuut.

Luke 2:48

Aniyuuh maak uniichihiikw kaa waapamikut chii kushkupayuu anite e miskaakut. Aniyuu maak ukaawii chii itikuu, “Nikus, chekwaan wehchi naashch aayimeyihtamihiyaahch, pisikw chichii naanituweyimitinaan kuuhtaawii e niishiyaahch.”

Luke 21:15

Wesh chika wiihtamaatinaawaau taan che itweyekw kaye kachehtaaweyihtamuwin chika miitinaawaau chechii kachehtaaweyihtamuuhtaakusiyekw ayimiyekwe, ekw maak anichii kaa uhkaatitaakuch namui chika chii aanuwehtamuch che itwewekw.

Luke 4:21

Ekw kaa itaat, “Uu kaa ishi pehtamekw e ayimihtaayaan e itashtech Chishemanituu utayimuwinihch utihchipayuu anuhchiish kaa chiishikaach.”

John 1:45

Philip maak chii naanituwaapameu Nathanael ekw kaa itaat iskutak kaa miskuwaat, “Nichii miskuwaanaan aniyuu Moses kaa aayimuumaat anite wiishuwewinihch, kaye anichii uchischiwehiichesuuch kaa aayimuumaatwaau. Eukuu Jesus, Joseph ukusisa, anite Nazareth kaa uhchiit.”

John 6:42

Ekw kaa itwetwaau, “Namayeu aa uu Jesus, Joseph ukusisa. Nichischeyimaanaan uhtaawiih kaye ukaawii. Chekwaayuu maak wehchi itwet kihchikiishikuhch e uhchiit.”

John 7:46

Ekw anichii kaa maakunawesuutwaau kaa nishkweushihaatwaau aniyuuh e itaatwaau, “Namui nihtaa awen uhchi ishpish miyu chiskutamaacheu e ishpish miyu chiskutamaachet uu naapeu.”

ᐊᐸᔅᑕᓚᒡ 6:10

Namui maak uhchii nishkuushihiikuu uyuuh Stephen wesh Kaa payehchisiyich Ahchaahkwa chii miikuu kachehtaaweyihtamuwiniyuu chechii kaschihut e ayimit.

Titus 2:8

Kuiskw ishi ayimh, ekw maak anichii kaa aataweyimiskwaau namui chika uhchi miskamuch taan chechii ishi nitawiin itaachimitahkwaau ekw maak che shaakweyimuhiisutwaau.