Luke 4:18 - Chishemanituu Utayimuwin: Kaa Uskaach Testament

¹⁸ Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐅᑎᐯᔨᐦᒋᑫᐤ ᐅᑕᐦᒑᐦᑾ ᓂᐲᐦᒋᔥᑳᑯᔫ, ᐌᔥ ᐎᔭ ᓂᒌ ᐎᔮᐸᒧᒄ ᒉᒌ ᐐᐦᑕᒨᒀᐤ ᑳ ᒋᔅᑎᒫᑎᓰᑣᐤ ᒥᔻᒋᒧᐎᓂᔫ᙮ ᓂᒌ ᐯᒋ ᐃᑎᔕᐦᐆᒄ ᒉᒌ ᐐᐦᑕᒨᒀᐤ ᑳ ᒫᐦᒋᒀᐱᐦᑳᓱᑣᐤ ᒉᒌ ᐋᐱᐦᑯᓈᑲᓅᑣᐤ ᑲᔦ ᐊᓂᒌ ᐁᑳ ᑳ ᐙᐸᐦᑕᐦᒀᐤ ᒉ ᐙᐸᐦᑕᐦᒀᐤ᙮ ᑲᔦ ᐊᓂᒌ ᑳ ᓇᓀᐦᑳᑌᔨᒧᐦᐋᑲᓅᑣᐤ ᒉᒌ ᐸᒋᔥᑎᓈᑲᓅᑣᐤ᙮

Luke 4:18 Iomraidhean Croise

Matthew 11:5

Wiihtamuwaahkw maak e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich kaa maayaataniyich umichiiwaaspinewiniyuu, e chii miinuwaachihaakanuyich. Kaye e pehtamiyich aniyuu ekaa uhchii pehtamiyich. Kaye e chii wanishkaanaakanuyich aniyuu kaa nipiitwaau. Kaye miywaachimuwiniyuu e waawiihtamuwaakanuyich kaa chistimaatisiyich aweyuuh.

Matthew 12:18

Maau nitaapachihaakan kaa wiyeyimak, an kaa saachihak, kaye kaa naniheyihtamihiit. Nika miyaau Nitahchaahkwa ekw maak che wiihtamuwaat misiwe aweyuu nanaahkuu e itiskaanesiyich che wiyaaskunaakanuyich.

Matthew 12:20

Kaye namui chika uhchi pahchishimeu aniyuu chekaat kaa pahchishiniyich kaye chika wiichiheu e siihchimaat ekaa chechii puuniyich aniyuu kaa wii nuuhtipuuniyich. Namui maak chika uhchi puuniyuu paatish misiwe chekwaayuuh chii kuiskunaakuhtaate kaye maak chika tepiheu aniyuuh kaa wii nishkuushtaakut.

Matthew 4:16

Aat wanitipiskusiiwinihch e ishi pimaatisiitwaau chitiiniimuwaauch chii waapahtamuch e mista waashteyich. Mekwaach kaa ihtaatwaau anite e ukaashteyaayich anite e ihtakuniyich nipuwiniyuu, chii utihtihukuuch waashtewiniyuu.

Matthew 5:3

“Shaweyihtaakusuuch anichii kaa chistimaatisiitwaau anite ahchaahkuwinihch, wesh wiyawaau tipiyeusiyuuch kihchikiishikw chisheuchimaawiniyuu.

Luke 4:17

Ekw kaa miyaakanuut aniyuu masinahiikaniyuu aniyaa uchischiwehiichesuu Isaiah kaa ushtaayikupanen. Chii aapaham ekw kaa ayimihtaat anit kaa itashteyich,

Luke 6:20

Jesus chii kanawaapameu aniyuu kaa nuushunehukut, ekw kaa itaat, “Chishaweyihtaakusinaawaau chiyawaau kaa chistimaatisiyekw anuhchiish, wesh anite Chishemanituu uchisheuchimaawinihch chimasinaasunaawaau.

Luke 7:22

Ekw Jesus e nishkweushihaat chii iteu, “Chiiwekw, che wiihtamuwekw John taan kaa ishi waapahtamekw kaye taan kaa ishi pehtamekw. Wiihtamuwaahkw e waapahtamiitwaauh aniyuu ekaa uhchii waapahtamiyich, e pimuhteyich aniyuu ekaa uhchii pimuhteyitwaauh, kaye maak e payehchisiitwaauh aniyuu kaa ayaayich e maayaataniyich e umichiinaanuyich. Kaye e pehtamiyich aniyuu ekaa uhchii pehtamiyich. Kaye miin kaau e wanishkaayich aniyuu kaa nipiitwaau. Kaye miywaachimuwiniyuu e waawiihtamuwaakanuyich aniyuu kaa chistimaatisiyich.

John 1:41

Tiiwehch maak Andrew chii nituu naanituweyimeu aniyuu wiichishaanh Simon ekw kaa itaat, “Nichii miskuwaanaan aahchin Messiah.” Messiah e iinaanuuhch Christ iinaanuu e itweshtamuwaataakanuuhch.

John 12:46

Nichii takushin utah aschiihch chechii miiweyaan waashtewin. Ekw maak an awen che pechi taapweyimikwe namui chika uhchi ihtaau anite wanitipiskusiiwinihch.

John 3:34

An kaa pechi itishahukut Chishemanituu iteu taan e ishi miikut Chishemanituuh chechii itwet kaye mitun tekash piihchishkaakuu Chishemanituu Utahchaahkuyuuh.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

ᐊᐸᔅᑕᓚᒡ 4:26

Uchimaauch utah aschiihch chii ayeskuwiyuuch che nishkuushtuwaatwaau Chishemanituu kaye aniyuu kaa wiyaapamaayich.

ᐊᐸᔅᑕᓚᒡ 4:27

Eukun maak taapwe e ispayihch anuhchiish wesh chisheuchimaau Herod, kaye an uchimaau Pontius Pilate, ekw maak anichii Jewa iinuuch, kaye maak anichii ekaa Jewa kaa itiskaanesitwaau nishtuwiyuuch e nishkuushtuwaatwaau Jesus, aniyuu kaa wiyaapamaat kaa payehchisiyich chitaapachihaakanh.

Colossians 1:13

Chichii wiihkuchihiikunuu taan aniyuuh kaa ishi tipeyimikuuhk wanitipiskusiiwiniyuu miiskuch aniyuu naashch kaa saachihaat Uukusisa uchimaawiniyuu ekw chechii tipeyimikuuhk.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

1 Peter 2:9

Chiyawaau an kaa itiskaanesiyekw chichii wiyaapamikuwaau Chishemanituu kaye eukw chiyawaau maauch kaa niikaaneyihtaakusit chisheuchimaau utayimiheuchimaamh. Eukw chiyawaau kaa payehchisiitwaau kaa itiskaanesitwaau iinuuch, eukw chiyawaau Chishemanituu tipiiwe utiiniimih. Chiyawaau chichii wiyaapamikunaawaau chechii waawiihtamuwekw taan e ishi chisteyihtaakuniyikwaauh utayihtuwinh an kaa wiishaamitaakw wanitipiskusiiwinihch uhchi anite ishi umaamishkaach waashtewinihch.