Luke 4:15 - Chishemanituu Utayimuwin: Kaa Uskaach Testament

¹⁵ Chii kachiskutamaacheu Jewa iinuuh utayimiheukamikuwiihch, misiwe maak aweyuu chii chishtaachimikuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᒌ ᑲᒋᔅᑯᑕᒫᒉᐤ ᒎᐗ ᐄᓅᐦ ᐅᑕᔨᒥᐦᐁᐅᑲᒥᑯᐐᐦᒡ, ᒥᓯᐌ ᒫᒃ ᐊᐌᔫ ᒌ ᒋᔥᑖᒋᒥᑰ᙮

Luke 4:15 Iomraidhean Croise

Matthew 13:54

Ekw anit aniyuu ihtaawiniyuu wehchiit ekute kaa ituhtet. Ekut anit kaa chiskutamaachet anite Jewa ayimiheukamikuhch, misiwe maak aniyuu kaa pehtaakut chii miskaashtaakuu e itituyich, “Taanite kaa uhchi ayaat uyuu kachehtaaweyihtamuwiniyuu, taanite kaa uhchi ayaat kaye aniyuu kaschihuwiniyuu chechii ihtuutahk aniyuu maamishkaach chekwaayuuh.

Matthew 4:23

Jesus maak misiwe anite Galilee e ishpishaayich chii ituhteu e chiskutamaachet anite Jewa ayimiheukamikuhch, e waawiihtahk miywaachimuwiniyuu Chishemanituu uchisheuchimaawiniyuu e aayimuutahk, kaye e miinuwaachihaat nanaahkuu aweyuuh misiwe nanaahkuu itaaspinewiniyuu e ayaayich.

Matthew 9:35

Jesus maak misiwe chii ituhteu anite nanaahkuu e utenaauniyich kaye anite nanaahkuu ihtaawinishihch, e chiskutamaachet Jewa ayimiheukamikuhch, kaye e kacheskwet e waawiihtahk miywaachimuwiniyuu e aayimuutahk Chishemanituu uchisheuchimaawiniyuu, kaye e miinuwaachihaat aweyuuh nanaahkuu itaaspinewiniyuu e ayaayich.

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Mark 1:27

Misiwe maak awen chii miskaateyihtamihiikuu uyuu kaa ispayiyich ekw kaa ititutwaau, “Chekwaan maak miin uu. Uschi chiskutamaachewin aa. E ayaat uu naapeu tipeyihchichewiniyuu waawaach machiahchaahkwa chechii pishichihiikut e wiishumaat.”

Mark 1:39

Ekw maak misiwe kaa papaa ituhtet aniyuu Galilee aschiiyuu e kacheskwet Jewa ayimiheukamikuhch. Kaye chii wiiwiitishihweu nanaahkuu machiahchaahkwa mihchetu aweyuuh kaa piihchishkuwaayich.

Mark 1:45

Kaa chistuhtet uu naapeu. Mikw maak yaapach chii waawiihtamuweu misiwe aweyuu. Uyuu maak e chii ihtit namui mechim uhchii piihcheyuu Jesus ihtaawinihch ekaa muushihaakanuyich. Ekw anite wiiwiitamihch aniyuu ihtaawiniyuu ekute mikw kaa ihtaat Jesus anite ekaa ihtaanuyich. Yaapach maak chii pechi nituwaapamikuu aweyuu nanaahkuu e uhtuhteyitwaau.

Luke 13:10

Peyakwaau e Jewa ayimiheuchiishikaayich, Jesus chii chiskutamaacheu anite ayimiheukamikuhch.

Luke 4:16

Ekw Jesus kaa utihtahk aniyuu ihtaawiniyuu Nazareth kaa ishinihkaateyich anit kaa nihtaauchinaakanuut. Aniyuu maak Jewa ayimiheukamikuyuu kaa chii ituhtet maan e Jewa ayimiheuchiishikaayich, ekute kaa piihchet. Chii pisikuu chechii ayimihtaat masinahiikaniyuu.