Luke 4:1 - Chishemanituu Utayimuwin: Kaa Uskaach Testament

¹ Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐊᓂᑌ ᒫᒃ ᒌᓴᔅ ᑳ ᐅᐦᑐᐦᑌᑦ ᒞᕐᑕᓐ ᓰᐲᐦᒡ, ᒌ ᓵᑲᔅᒋᓀᔥᑳᑰ ᑳ ᐸᔦᐦᒋᓯᔨᒡ ᐊᐦᒑᐦᒄ, ᐁᒄ ᑳ ᐃᑐᐦᑕᐦᐄᑯᑦ ᐊᓂᑌ ᐸᒀᑎᔅᑲᒥᑳᐦᒡ᙮

Luke 4:1 Iomraidhean Croise

Matthew 3:16

Iskutak maak Jesus kaa siikahaahtuwaakanuut, e ati kapaat maak chii uhchi pekuchishkupayuu kihchikiishikuhch. Chii waapameu maak Chishemanituu Utahchaahkuyuuh e pechi aashiitutaakut mwehch umiimiiu e ishinaakusiyich kaye e tehutaakut.

Luke 2:27

Kaa payehchisiyich Ahchaahkwa maak chii ati chischinuhtahiikuu Simeon chechii piihchet anite chisheayimiheukamikuhch. Jesus maak uniichihiikw chii peshiikuu anite aniyuu chisheayimiheukamikuyuu. Wesh chii wii ihtuutamuch taan kaa ishi wiishteyich ayimihewin wiishuweusinahiikanihch an chipaa ihtuutaakanuukupane.

Luke 3:3

John maak misiwe chii aiituhteu aniyuu aschiiyuu peshuch Jordan siipiihch kaa ihtakuniyich e kacheschimaat aweyuuh chechii kweskaatisiyich kaye chechii siikahaahtuwaakanuyich Chishemanituu chechii wepeyihtamaakutwaau umachihtwaawinawaauh.

Luke 3:38

Cainan maak Enosh chii uhtaawiyuu ekw maak Enos, Seth chii uhtaawiyuu. Seth maak Adam chii uhtaawiyuu. Ekw maak Adam, Chishemanituu chii uhtaawiyuu.

Luke 4:14

Ekw Jesus kaau kaa ishi chiiwet anite Galilee aschiihch Ahchaahkwa suuhkaatisiiwiniyuu e saakaschineshkaakut. Chii katipaachimaakanuu maak misiwe e ispichiskamikaayich anite itehche.

Luke 4:18

Utipeyihchikeu Utahchaahkwa nipiihchishkaakuyuu, wesh wiya nichii wiyaapamukw chechii wiihtamuukwaau kaa chistimaatisiitwaau miywaachimuwiniyuu. Nichii pechi itishahuukw chechii wiihtamuukwaau kaa maahchikwaapihkaasutwaau chechii aapihkunaakanuutwaau kaye anichii ekaa kaa waapahtahkwaau che waapahtahkwaau. Kaye anichii kaa nanehkaateyimuhaakanuutwaau chechii pachishtinaakanuutwaau.

John 1:32

John maak chii wiihtam taan kaa ishi waapahtahk e itwet, “Nichii waapamaau Kaa payehchisiit Ahchaahkw muyaam kaa waapasit piyeshiish chii ishinaakusuu kihchikiishikuhch e uhchi pechi aashiitutaakut, ekun kaa itakushiyich anit e ihtaat.

John 3:34

An kaa pechi itishahukut Chishemanituu iteu taan e ishi miikut Chishemanituuh chechii itwet kaye mitun tekash piihchishkaakuu Chishemanituu Utahchaahkuyuuh.

ᐊᐸᔅᑕᓚᒡ 1:2

Eshkw maak ekaa uhchi nakatahk uyuu aschiiyuu Jesus Kaa payehchisiyich Ahchaahkwa uhchi chii wiishumeu Apastalh e wiihtamuwaat taan che ihtiyich.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 8:39

Iskutak maak kepaatwaau, Philip chii utinikuu Utipeyihchikeu Utahchaahkuyuu. Namui maak miin uhchi waapameu an naapeu aniyuu Philip, kaa ati chiiwet, e muuchicheyihtahk.