Luke 3:8 - Chishemanituu Utayimuwin: Kaa Uskaach Testament

⁸ Chipaa kweskaatisiinaawaau ekw maak che nuukuhch taapwe mitun tekash e nakatamekw chimachaatisiiwinawaauh. Kaye ekaawii iteyihtamukw chechii ushimututamuwekw Chishemanituu utaahkuyuwesuwin mikw aniyaa Abraham e ihtaat e uhchiyekw. Chiwiihtamaatinaawaau, Chishemanituu chika chii ihtuutaweu uyeyuuh asiniih kaa itapiyich chechii uhchi ushihaat Abraham utawaashiimiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒋᐹ ᑴᔅᑳᑎᓰᓈᐙᐤ ᐁᒄ ᒫᒃ ᒉ ᓅᑯᐦᒡ ᑖᐺ ᒥᑐᓐ ᑌᑲᔥ ᐁ ᓇᑲᑕᒣᒄ ᒋᒪᒑᑎᓰᐎᓇᐙᐤᐦ᙮ ᑲᔦ ᐁᑳᐐ ᐃᑌᔨᐦᑕᒧᒄ ᒉᒌ ᐅᔑᒧᑐᑕᒧᐌᒄ ᒋᔐᒪᓂᑑ ᐅᑖᐦᑯᔪᐌᓱᐎᓐ ᒥᒄ ᐊᓂᔮ ᐁᑉᕋᐦᐊᒻ ᐁ ᐃᐦᑖᑦ ᐁ ᐅᐦᒋᔦᒄ᙮ ᒋᐐᐦᑕᒫᑎᓈᐙᐤ, ᒋᔐᒪᓂᑑ ᒋᑲ ᒌ ᐃᐦᑑᑕᐌᐤ ᐅᔦᔫᐦ ᐊᓯᓃᐦ ᑳ ᐃᑕᐱᔨᒡ ᒉᒌ ᐅᐦᒋ ᐅᔑᐦᐋᑦ ᐁᑉᕋᐦᐊᒻ ᐅᑕᐙᔒᒥᔫ᙮

Luke 3:8 Iomraidhean Croise

Matthew 21:43

Ekw Jesus kaa ati itaat, “Uu maak chii wii ishi wiihtamaatinaawaau, Chishemanituu uchisheuchimaawin kata iichenikanuu anit chiyawaau e ihtaayekw, ekw che aashuumiyaakanuutwaau anichii taapwe che nuukuhtaawaatwaau upimaatiisiwiniwaahch Chishemanituuh uchisheuchimaawiniyuu.

Matthew 3:8

Nuukuhtaakw taapwe e kweskaatisiyekw, e nakatamekw chimachaatisiiwinawaauh.

Matthew 3:9

Kaye ekaawii iteyihtamukw ekaa che uhchi waweshihiitaakw Chishemanituu e wanituutamekw mikw Abraham e ihtaat e uhchiyekw. Chiwiihtamaatinaawaau, Chishemanituu chika chii ihtuutuweu uyeyuu asiniih kaa itapiyich chechii uhchi ushihaat aweyuuh Abraham utawaashiimiyich.

Luke 13:25

Ekaa maak wehchi piihchewekwe, iskutak chipahwaate ishkwaahtem an kaa tipeyihtahk aniyuu waaskaahiikaniyuu, wiiwiitamihch niipuuyekwe e paahpawahiicheyekw chika itwenaawaau, ‘Utipeyihchikeu, pechi aapahamuunaan.’ Ekw maak che ishi nishkweushihiitaakw, ‘Namui chika uhchi aapahamaatinaawaau wesh namui chichischeyimitinaawaau, namui kaye nichischeyihten taanite wehchiyekw.’

Luke 13:26

Ekw maak che ishi nishkweushihekw, ‘Chichii wiichimiichisuumitinaan, chichii wiichiminihkwemitinaan kaye chichii ihtaan nitihtaawinaahch e chiskutamaacheyin.’

Luke 14:9

Chika chii pechi nituwaapamukw an awen taapishkun kaa wiishaamitaakw, chechii itisk, ‘Iichepih anit, ekw an uste kaa chisteyihtaakusit che ahaakanuut anit e uchimaaupinaanuyich anit kaa apuut.’ Ekw maak che pimaameyimuyin aahtapiyine.

Luke 19:40

Jesus chii iteu, “Chiwiihtamaatinaawaau, paasikwetwaawenich uchii iinuuch, chipaa chii ishinaakun uchii asiniich chechii maamihchimitwaau.”

Luke 19:9

Jesus maak chii iteu, “Anuhchiish uu kaa chiishikaach misiwe iinuuch kaa wiichitwaau utah chiichihch pimaachihaakanuuch. Chiya maak Zacchaeus kaye chii kuuhtiskaanesin anite Abraham e ihtaat.

Luke 5:21

Ekw anichii Phariseech kaye anichii wiishuwewiniyuu kaa chiskutamaachetwaau kaa ati ayimitutamuwaatwaau uyuu kaa itweyich e ititutwaau. Paashtaamuu uu naapeu e itwet, “Chiwepeyihtamaakuun chimachihtwaawin. Namui awen chika chii wepeyihtamuweu aweyuu umachihtwaawiniyuu, mikw Chishemanituu.”

John 8:33

Ekw kaa itaatwaau, “Aniyaa Abraham e ihtaat nichii uhchi aanische pimaatisiinaan, namui wiiskaat nuuhchi aapachihaakanitutaakunaan awen. Chekwaan maak wehchi itweyin chika aapihkunikunaawaau.”

John 8:39

Ekw anichii Jewa iinuuch kaa nishkweushihaatwaau e itaatwaau, “Abraham nuuhtaawiinaan.” Ekw Jesus kaa itaat, “Taapwe Abraham e ihtaat kaa uhchi aanische pimaatisiiwekwe aniyuu taan kaa ihtit Abraham ekun chipaa ihtinaawaau.

ᐊᐸᔅᑕᓚᒡ 26:20

Anite maak Damascus niishtam, ekw maak anite Jerusalemihch, ekw miin misiwe anite ihtaawinh Judea aschiihch kaa ihtakuhkwaauh kaye maak anite anichii ekaa Jewa kaa itiskaanesitwaau e ihtaatwaau nichii papaakacheskwen e itakwaau awenichii chechii kweskaatisiitwaau kaye chechii taapweyimaatwaau Chishemanituu, kaye maak chechii ihtuutahkwaau chekwaayuu anit chechii uhchi nuukuniyich taapwe e kweskaatisiitwaau.

Romans 4:16

Ekun maak wehchi ishinaakuhch taapwehtamuwinihch mikw chechii uhchi ayaakanuyich aniyuu Chishemanituu kaa itwet cheshtinaash che ihtuutamaachet. Ekw maak Chishemanituu ushaweyihchichewinihch ekut wehchi cheshtinaateyihtaakuniyich misiwe anichii kaa ishi aanische taapweyimaatwaau Chishemanituu mwehch kaa ishi taapweyimaayich Abraham kaye wiyawaau chechii ayaatwaau aniyuuh taan kaa itweyich Chishemanituuh cheshtinaash che ihtuutamaacheyich. Namui maak mikw anichii kaa miyaakanuutwaau Moses uwiishuwewiniyuu chika chii ayaauch uyuu. Anichii kaa taapweyimaatwaau Chishemanituuh mwehch Abraham kaa ishi taapweyimaayich eukunich kaye wiyawaau che ayaatwaau uyuu. Wesh misiwe e tashiihkw Abraham kuuhtaawiitutuwaanuu.

Romans 9:7

Kaye maak mikw pasch anichii Abraham e ihtaayich kaa uhchi aanische pimaatisiitwaau utiiniimitutaakuuch Chishemanituu. Weskach anite, Chishemanituu chii iteu Abrahamh, “Isaac e ihtaat chika uhchi aanische pimaatisiyuuch anichii awenichii kaa ititaan cheshtinaash che miitaan.”

Philippians 1:11

Chitayimiheshtamaatinaawaau muush chechii miyutuutawekuch awenichii wesh chikuiskutaatisiinaawaau. Christ chitihtuutaakuwaau chechii miyutuutawekuch awenichii. Ekw maak Chishemanituu che chisteyimaakanuut kaye che maamihchimaakanuut.