Luke 3:7 - Chishemanituu Utayimuwin: Kaa Uskaach Testament

⁷ Mihchetu maak iinuuch chii nituwaapameuch John chechii siikahaahtaakutwaau ekw kaa itikutwaau, “Muyaam taapwe chinepukuch e iteyihtaakusiyekw. Chititeyihtenaawaau aa chechii ushimututamuwekw Chishemanituu niishtamihch utaahkuyuwesuwin, e siikahaahtaakuyekw ekaa maak wii kweskaatisiyekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᒥᐦᒉᑐ ᒫᒃ ᐄᓅᒡ ᒌ ᓂᑐᐙᐸᒣᐅᒡ ᒞᓐ ᒉᒌ ᓰᑲᐦᐋᐦᑖᑯᑣᐤ ᐁᒄ ᑳ ᐃᑎᑯᑣᐤ, ᒧᔮᒻ ᑖᐺ ᒋᓀᐳᑯᒡ ᐁ ᐃᑌᔨᐦᑖᑯᓯᔦᒄ᙮ ᒋᑎᑌᔨᐦᑌᓈᐙᐤ ᐋ ᒉᒌ ᐅᔑᒧᑐᑕᒧᐌᒄ ᒋᔐᒪᓂᑑ ᓃᔥᑕᒥᐦᒡ ᐅᑖᐦᑯᔪᐌᓱᐎᓐ, ᐁ ᓰᑲᐦᐋᐦᑖᑯᔦᒄ ᐁᑳ ᒫᒃ ᐐ ᑴᔅᑳᑎᓯᔦᒄ᙮

Luke 3:7 Iomraidhean Croise

Matthew 12:34

Taanite chechii uhchi itweyekw chekwaan e miyuuhtaakuhch e machaatisiyekw maak mwehch chinepukuch e iteyihtaakusiyekw. Taan e ishi ayimit awen ekut wehchi chischeyihtaakusit taan e ishitehet.

Matthew 23:33

“Chiyawaau chinepukuch kaye kaa ukusiitutaataakuch chinepukuch naashch kaa kaschihuuyekw nitamukw e ishi wiyeshimekuch awenichii, taanite chechii uhchi wiihkuchihuyekw ekaa chechii ituhteyekw machishkutehch.”

Matthew 3:6

Mushe chii wiihtamuch taan kaa ishi machituutamuwaakupanenich ekw maak kaa siikahaahtaakutwaau John anite Jordan siipiihch.

John 8:44

Machimanituu eukw wehtaawiyekw, aniyuu e ishi nituweyimitaakw chechii ishi machituutamuwekw eukun mikw waa ihtuutamekw. Muush chii nipahiiweu kaa ishpish ihtakuniyich uyuu aschiiyuu. Namui wiiskaat uhchi nituweyihtam kuiskw chechii ishi wiihtaakuniyich chekwaayuu wesh namui mitun ihtakuniyuu taapwewiniyuu anit e ihtaat. Muush nanatayuu wesh ekun chihchiwe e itaatisiit, eukw maak an taapwe weuhtaawiitutawaat aniyuuh kaa nanatayich.

ᐊᐸᔅᑕᓚᒡ 13:10

ekw kaa itaat, “Muyaam machimanituu utawaashiim e iteyihtaakusiyin, e uhkaataman misiwe kuiskutaatisiiwin. Ekun ekw ishpish wiyeshihiiwe kaye puunii ekw e wii wanaachihtaawat aniyuu taan e ishi nituweyihtahk Chishemanituu chechii itaatisiinaanuyich.

1 Thessalonians 1:10

eyuu maak e ashuwaapamekw Chishemanituuh Ukusiyuuh miin kaau chechii takushiniyich kihchikiishikuhch uhchi. Eukw uyuuh Ukusisa kaa wanishkaanaat nipuwinihch uhchi. Eukw maak uu Jesus kaa pimaachihiitahkw ekaa chechii waweshihiikuuhkw Chishemanituuh wiyaaskunicheu chiishikaayiche.

Hebrews 6:18

Wesh namui chika chii nanatayuu Chishemanituu. Wesh taan e ishi cheshtinaach itwet chekwaayuu ekun che ispayihch. Chii itweu maak uyuu chechii cheshtinaateyihtamuhkw ekaa wiiskaat aahchiiuh che uhchi iteyihtahk. Ekw maak iskutak naataashimututuuhkwe chechii pimaachihiitahkw, che yaayitihch chitaspeyimuwinuu e cheshtinaateyihtamuhkw taan kaa ishi naspich taapwet.

1 John 3:8

An awen kaa machipimaatisiit machimanituu kaa iteyihtaakusiyich iteyihtaakusuu. Wesh machimanituu muush chii pechi machituutam. Chishemanituu maak Ukusisa chii pechi takushiniyuu utah aschiihch chechii wanaachihtaawaayich misiwe utaapatisuwiniyuu machimanituu.