Luke 3:2 - Chishemanituu Utayimuwin: Kaa Uskaach Testament

² Mekwaach maak kaye Annas ekw maak Caiaphas chii chisheayimiheuchimaauch. Eukw maak uyeyuu mekwaach John, Zechariah ukusisa anite pakwaatiskamikaahch chii ihtaau. ekute maak anite kaa wiihtamaakut Chishemanituu taan chipaa ishi kacheskweu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒣᒀᒡ ᒫᒃ ᑲᔦ ᐋᓇᔅ ᐁᒄ ᒫᒃ ᑳᔭᕙᔅ ᒌ ᒋᔐᐊᔨᒥᐦᐁᐅᒋᒫᐅᒡ᙮ ᐁᐅᒄ ᒫᒃ ᐅᔦᔫ ᒣᒀᒡ ᒞᓐ, ᓭᑲᕌᔭ ᐅᑯᓯᓴ ᐊᓂᑌ ᐸᒀᑎᔅᑲᒥᑳᐦᒡ ᒌ ᐃᐦᑖᐤ᙮ ᐁᑯᑌ ᒫᒃ ᐊᓂᑌ ᑳ ᐐᐦᑕᒫᑯᑦ ᒋᔐᒪᓂᑑ ᑖᓐ ᒋᐹ ᐃᔑ ᑲᒉᔅᑴᐤ᙮

Luke 3:2 Iomraidhean Croise

Matthew 11:7

Iskutak maak kaa chistuhteyich Johna uchischinuhamuwaakaniyuuh, Jesus chii aayimuumeu John anite e mihchetinaanuyich e itwet, “Iskutak kaa nituwaapamekw John anite pakwaatiskamikaahch kaa kacheskwet, awen kaa iteyimekw che waapamekw. Mwehch mashkushii taan e itaashtihch mikw anite e ishiiwech e ishi naweyaashtihch ekun e iteyihtaakusit awen naashch e nihiishaakuuchimaakanuut. Ekun aa kaa iteyimekw John e iteyihtaakusit.

Matthew 26:3

Ekw anichii kaa niikaanapitwaau ayimiheuchimaauch ekw maak anichii kaa niikaanishkuwaatwaau iinuuh kaa nishtuwiitwaau anite chisheayimiheuchimaau Caiaphas uchisheuchimaaukamikuwiihch.

Mark 1:2

Chii masinahamukupane aniyaanaa Isaiah kaa ishinihkaasut uchischiwehiichesuu uyuu e chii itweyikupanenh Chishemanituu, Niniikaanitishihwaau nitayimistamaachesiim, che niikaan ihtuutawaat aweyuu aschiihch kaa ihtaayich chechii ayeskuwiishtaaskwaau.

Luke 1:80

Uu maak awaash John chii ati suuhchinihtaauchuu wiiyuuhch kaye utahchaahkuhch. Ekw maak iskutak kaa chiishi nihtaauchit ekw muush pahkaan kaa wiichit, paatish wetihchipayiyich che kacheschimaat Israel iinuu. Anite maak chii papaa ihtaau pakwaatiskamikaahch anite ekaa nihtaauchiniyich chekwaayuu.

John 1:23

Ekw John kaa itwet, “Eukw an niya kaa chii tipaachimit aniyaanaa uchischiwehiichesuu Isaiah. Chii iteu, Chika takushinuu awen anite pakwaatiskamikaahch e uhtuhtet e ishi tepwet, Ayeskawiihkamuwaahkw Utipeyihchikeu umeskanaam anit che pimuhtet, kuiskumuhtaawaahkw.”

John 18:24

Ekw Annas kaa itishahwaat aniyuu Jesus anite Caiaphas chisheayimiheuchimaau e ihtaayich eshkw e maahkupisuyich.

ᐊᐸᔅᑕᓚᒡ 4:6

Kaa nachishkawaatwaau aniyuuh chisheayimiheuchimaau Annas kaa ishinihkaasuyich ekw maak aniyuuh uwaahkumaakaniyuuh. Ekut kaa ihtaayich kaye Caiaphas, John, ekw maak Alexander.