Luke 3:13 - Chishemanituu Utayimuwin: Kaa Uskaach Testament

¹³ Chii iteu maak, “Atuch wii uste chipaa uhchi utinenaawaau shuuliyaau mikw an taan e ishpish nituweyihtaakunikupane.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᒌ ᐃᑌᐤ ᒫᒃ, ᐊᑐᒡ ᐐ ᐅᔅᑌ ᒋᐹ ᐅᐦᒋ ᐅᑎᓀᓈᐙᐤ ᔔᓕᔮᐤ ᒥᒄ ᐊᓐ ᑖᓐ ᐁ ᐃᔥᐱᔥ ᓂᑐᐌᔨᐦᑖᑯᓂᑯᐸᓀ᙮

Luke 3:13 Iomraidhean Croise

Matthew 7:12

“Taan e ishi nituweyimatwaau awenichii chechii ihtuutamaaskwaau ekun ihtuutamuuch. Eukw uu taapishkun e ishi chiskutamaachemakahch wiishuwewin kaye ekun kaa ishi waawiihtahkwaau uchischiwehiichesuuch.”

Luke 19:8

Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.”

Luke 3:12

Ekw maak anichii kaa maamushtinahkwaau chisheuchimaau shuuliyaayuu kaa itaapatisitwaau, chii pechi ituhteuch chechii siikahaahtuwaakanuutwaau, ekw kaa itaatwaau John, “Chiskutamaachesuu, taan nipaa ihtinaan niyaan.”

Luke 3:14

Ekw maak shimaakanishach kaye ekun kaa ishi kakwechihcheyimutwaau, “Niyaan maak wii taan nipaa ihtinaan.” John chii iteu, “Ekaawii aayihkamihii awen chechii miisk shuuliyaayuu kaye ekaawii nitawiin ishi mamishim awen. Chipaa naheyihtenaawaau an e ishpish tipahamaakuyekw.”

1 Corinthians 6:10

Kaye maak anichii kaa kachemutitwaau, nesht anichii muush kaa mushteneyihtahkwaau chekwaayuuh, anichii kaa wiihchipetwaau, nesht anichii nitamukw kaa itaachimaatwaau kutak aweyuuh, kaye maak kaa chimutitwaau, namui waachi peyakw uchii chika uhchi aanische ayaauch Chishemanituu uchisheuchimaawiniyuu.

Ephesians 4:28

Kaye maak an awen kaa kachemutit chipaa puuniyuu e kachemutit. Teyakuch chipaa aapatisuu kuiskw e ihtit e wii wiichihiisut kaye maak aapatisite ekute chechii uhchi wiichihaat kaa kachistimaatisiitwaauh aweyuuh.

Hebrews 12:1

Maamituneyimaataauch maa anichii kaa mihchetitwaau awenichii naashch kaa waapahtiiwetwaau e taapweyimaatwaau Chishemanituu. Uyuu e chii ihtitwaau kaye chiyaanuu ekun chipaa ihtinaanuu. Ekw maak an uhchi kaye chiyaanuu puunihtaataau misiwe aniyuu chekwaayuu e wanaahiikuyihkw chechii itaatisiihkw aniyuu taan e ishi nituweyimitahkw Chishemanituu chechii itaatisiihkw. Kaye misiwe wepinihtaau aniyuu machihtwaawinh kaa wii tipeyimikuyihkw, ekw maak che pimipahtaayihkw anite e kakwechiskatuhutunaanuuhch anite ahchaahkuwinihch ishi paatish chii utihtamuhkwe anite netaweyimitahkw Chishemanituu chechii ispahtaauhkw.