Luke 3:12 - Chishemanituu Utayimuwin: Kaa Uskaach Testament

¹² Ekw maak anichii kaa maamushtinahkwaau chisheuchimaau shuuliyaayuu kaa itaapatisitwaau, chii pechi ituhteuch chechii siikahaahtuwaakanuutwaau, ekw kaa itaatwaau John, “Chiskutamaachesuu, taan nipaa ihtinaan niyaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐁᒄ ᒫᒃ ᐊᓂᒌ ᑳ ᒫᒧᔥᑎᓇᐦᒀᐤ ᒋᔐᐅᒋᒫᐤ ᔔᓕᔮᔫ ᑳ ᐃᑖᐸᑎᓯᑣᐤ, ᒌ ᐯᒋ ᐃᑐᐦᑌᐅᒡ ᒉᒌ ᓰᑲᐦᐋᐦᑐᐙᑲᓅᑣᐤ, ᐁᒄ ᑳ ᐃᑖᑣᐤ ᒞᓐ, ᒋᔅᑯᑕᒫᒉᓲ, ᑖᓐ ᓂᐹ ᐃᐦᑎᓈᓐ ᓂᔮᓐ᙮

Luke 3:12 Iomraidhean Croise

Matthew 5:46

Chekwaayuu chipaa uhchi miikw Chishemanituu chikaaniyuwiniyuu mikw saachihiitwaau anichii awenichii kaa saachihiiskwaau. Wesh ekun misiwaach e ihtitwaau anichii kaa machituutahkwaau.

Luke 18:13

Ekw maak an naapeu kaa maamuushtinahk chisheuchimaau shuuliyaayuu kaa itaapatisit, iskutak e ayimihaat waahyuusiis anit chii uhchikaapuu taanit kaa niipuyich aniyuu Pharisee namui kaye mechim uhchi tastasaapuu kihchikiishikuhch wesh chii kushikuteheu. Chii itweu, ‘Chishemanituu pechi chistimaacheyim e machituutamaan. Ekw Jesus miin kaa ati itwet iskutak kaa chiishi tipaachimut.’

Luke 3:10

Ekw maak anichii iinuuch chii kakwechimeuch John e ihtaatwaau, “Taan maak chechii ihtiyaahch.”

Luke 3:13

Chii iteu maak, “Atuch wii uste chipaa uhchi utinenaawaau shuuliyaau mikw an taan e ishpish nituweyihtaakunikupane.”

Luke 7:29

Misiwe maak aweyuu chii nituhtaakuu Jesus mechim aniyuu maauch kaa machaatisiitwaau kaa iteyimaakanuyich, aniyuu kiipaa kaa maamuushtinamiyich chisheuchimaau shuuliyaayuu kaa itaapatisitwaau. Eukunich uchii kaa nanihiihtamuwaakupanenich aniyuuh taan kaa ishi nituweyihtamiyich Chishemanituu, chii siikahaahtaakuwaakupanenich John.

ᐊᐸᔅᑕᓚᒡ 2:37

Iskutak maak anichii iinuuch piyehtahkwaau uyuu naashch chii misimeyihtamuch ekw kaa itaatwaau Peter ekw maak aniyuuh kutak Apastalh, “Niichishaanitikw, taan maak chechii ihtiihkw.”