Luke 3:11 - Chishemanituu Utayimuwin: Kaa Uskaach Testament

¹¹ Kaa itaat, “Awen e niishiniikwen utakuhpa peyakw aniyuu chipaa miyeu aweyuu ekaa ayaayich, maak kaye miichimiyuu e ayaakwe chipaa ashameu aweyuu ekaa umiichimiyich.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᑳ ᐃᑖᑦ, ᐊᐌᓐ ᐁ ᓃᔑᓃᑴᓐ ᐅᑕᑯᐦᐸ ᐯᔭᒄ ᐊᓂᔫ ᒋᐹ ᒥᔦᐤ ᐊᐌᔫ ᐁᑳ ᐊᔮᔨᒡ, ᒫᒃ ᑲᔦ ᒦᒋᒥᔫ ᐁ ᐊᔮᑴ ᒋᐹ ᐊᔕᒣᐤ ᐊᐌᔫ ᐁᑳ ᐅᒦᒋᒥᔨᒡ᙮

Luke 3:11 Iomraidhean Croise

Matthew 25:40

Ekw Chisheuchimaau kaa itaat, ‘Chiwiihtamaatinaawaau, aniyuu taan kaa ishi ihtuutawekw peyakw an niichishaan ekaa mitun kaa aapateyihtaakusit kaa iteyimaakanuut, niya chichii ihtuutuunaawaau.’ ”

Luke 11:41

Kweskaatisiikw, puuniikw an e ihtiyekw mikw chiyawaau e wii ayaayekw chekwaan. Miyaahkuch anichii kaa chistimaatisiitwaau taan e ishi nituweyihtahkwaau. Ekw maak che payehchinaakuhkwaau chipimaatisiiwinawaau.”

Luke 18:22

Iskutak maak Jesus piyehtawaat uyuu e itweyich chii iteu, “Eshkw maak peyakw chekwaan miin nituweyihtaakun chechii ihtuutaman. Ataawe misiwe taan e ishi ayaayin, ekw an shuuliyaau kaa chistimaatisiitwaau che miitwaau. Ekw maak che ayaayin miisitisiiwin kihchikiishikuhch kaa ihtakuhch. Chii ihtuutamane maak uu ekw maak che pechi nuushuushkuwiyin.”

Luke 19:8

Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.”

John 13:29

Chii iteyihtamuch e itaakanuyich chechii nituu utinamiyich makushaaniyuu maak chechii nituu utinamuwaayich chekwaayuu aniyuu kaa chistimaatisiyich, wesh wiya Judas chii naanaakachihtaau aniyuu shuuliyaawatiyuu.

ᐊᐸᔅᑕᓚᒡ 10:2

Chii ayimihewaatisiyuu maak kaye misiwe anit e peyakuteusiit chii nuuchiishtuweuch Chishemanituu. Mistahii maak chii wiichiheu aniyuu kaa chistimaatisiyich Jewa iinuu. Kaye muush chii ayimihaau.

ᐊᐸᔅᑕᓚᒡ 10:31

Ekw kaa iishit, ‘Cornelius, Chishemanituu chii pehtam taan kaa ishi ayimihaayin kaye chii waapahtam taan kaa ishi wiichihiitwaau kutakach awenichii,’ nichii itikw.

ᐊᐸᔅᑕᓚᒡ 10:4

Chii mistakanuwaapameu maak aniyuu enchil e sechisit ekw kaa itaat, “Chekwaan, Utipeyihchikeu.” Ekw kaa itikut aniyuu enchil, “Chishemanituu chii naheyihtamihiikuu taan kaa ishi ayimihaayin, kaye taan kaa ishi miyu wiichihiitwaau kutakach awenichii, namui maak chika uhchi wanchischisiitutaakw.

Ephesians 4:28

Kaye maak an awen kaa kachemutit chipaa puuniyuu e kachemutit. Teyakuch chipaa aapatisuu kuiskw e ihtit e wii wiichihiisut kaye maak aapatisite ekute chechii uhchi wiichihaat kaa kachistimaatisiitwaauh aweyuuh.

1 Timothy 6:17

Chinituweyimitin maak Timothy, chechii wiihtamutwaau anichii kaa miisitisiitwaau ekaa chechii chihkaateyimishutwaau aniyuu e miisitisiitwaau kaye ekaa chechii aspeyimututahkwaau aniyuu ekaa kaa cheshtinaateyihtaakuniyich miisitisiiwiniyuu. Chischisuumach uste Chishemanituu chechii aspeyimututuwaatwaau an kaa miyu miitahkw misiwe chekwaayuu chechii miyeyihtamihiikuuhkw.

1 Timothy 6:18

Wiihtamuuch anichii kaa miisitisiitwaau chechii miyutuutamaachetwaau, miyutuutamaachewinihch chechii ishi miisitisiitwaau, chechii ishinaakusitwaau naashch kaa miyeyihtahkwaau e miiwetwaau kaye naashch kaa wehchipayiyich chechii papahkwenamuwaatwaau aweyuu taan e ishi ayaatwaau.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

James 1:27

An ayimihewin kaa iteyihtahk Chishemanituu kaa Uhtaawiimaaut e kuiskunaakuniyich kaye e payehchinaakuniyich maau e ishinaakuhch, ihtuutaakuu awen chechii miyu wiichihaat chiiyuusaanisha ekw maak kaa peyakuyitwaauh iskweuh mekwaach e aayimuhuyich kaye maak ihtuutaakuu awen ekaa mitun chechii wiinihiikuyich machaatisiiwiniyuu taan e ishi ihtakuniyich utah aschiihch.

James 2:14

Niichishaanitikw, taan ishi wiyaahpach awen e itwet, nitaapweyimaau Chishemanituu, ekaa maak miyutuutamuwaat aweyuu. Katachii pimaachihiikuu aa mikw e itwet, nitaapwehten.

1 John 3:17

Waapamaate awen e nuuhtepayiyich aweyuuh chekwaayuu, ekaa maak nuuhtepayit wiya chekwaayuu, ekaa maak chistimaacheyimaate, taanite chechii uhchi itwet e piihchishkaakut Chishemanituu usaachihiiwewiniyuu.

1 John 4:20

Chiishpin itwete awen, nisaachihaau Chishemanituu, ekaa maak saachihaat wiichishaan, nanatayuu. Wesh chiishpin ekaa siyaachihaakwe awen wiichishaanh taan aniyuuh wiyaapamaat taanite chechii uhchi saachihaat Chishemanituuh ekaa kaa waapamaat.