Luke 3:1 - Chishemanituu Utayimuwin: Kaa Uskaach Testament

¹ Aniyuu pepuniyich niyaayinushaap pipunh kaa ishpish chisheuchimaaut Tiberius kaa ishinihkaasut, Pontius Pilate mekwaach chii niikaanishkaacheu anite Judea aschiihch ekw Herod anite Galilee aschiihch kaa niikaanishkaachet ekw wiichishaan Herod, Philip kaa ishinihkaasuyich anite chii niikaanishkaacheyuu Iturea kaye Trachonitis kaa ishinihkaatekwaauh aschii. Ekw Lysanias kaa niikaanishkaachet anite Abilene kaa ishinihkaateyich aschiiyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐊᓂᔫ ᐯᐳᓂᔨᒡ ᓂᔮᔨᓄᔖᑉ ᐱᐳᓐᐦ ᑳ ᐃᔥᐱᔥ ᒋᔐᐅᒋᒫᐅᑦ ᑕᐃᐲᕆᔭᔅ ᑳ ᐃᔑᓂᐦᑳᓱᑦ, ᑆᓐᑎᔭᔅ ᐹᐃᓚᑦ ᒣᒀᒡ ᒌ ᓃᑳᓂᔥᑳᒉᐤ ᐊᓂᑌ ᒎᑎᔭ ᐊᔅᒌᐦᒡ ᐁᒄ ᐦᐁᕋᑦ ᐊᓂᑌ ᑲᓕᓖ ᐊᔅᒌᐦᒡ ᑳ ᓃᑳᓂᔥᑳᒉᑦ ᐁᒄ ᐐᒋᔖᓐ ᐦᐁᕋᑦ, ᕕᓕᑉ ᑳ ᐃᔑᓂᐦᑳᓱᔨᒡ ᐊᓂᑌ ᒌ ᓃᑳᓂᔥᑳᒉᔫ ᐃᑐᕆᔭ ᑲᔦ ᑦᕌᑯᓈᐃᑎᔅ ᑳ ᐃᔑᓂᐦᑳᑌᒀᐤᐦ ᐊᔅᒌ᙮ ᐁᒄ ᓚᐃᓴᓂᔭᔅ ᑳ ᓃᑳᓂᔥᑳᒉᑦ ᐊᓂᑌ ᐊᐱᓖᓐ ᑳ ᐃᔑᓂᐦᑳᑌᔨᒡ ᐊᔅᒌᔫ᙮

Luke 3:1 Iomraidhean Croise

Matthew 14:1

An maak mekwaach an chisheuchimaau Herod chii pehtam taan e itaachimaakanuyich Jesus,

Matthew 14:3

Wesh wiya Herod chii itashuwekupane chechii maakunaakanuyich aniyaa John, kaye chechii maahkupitaakanuyich, ekw maak chechii chipahwaakanuyich. Eukw wehchii ihtuutuwaat uyuu aniyuu wiichishaanh Philip wiichiskweuyuuh Herodias kaa ishinihkaasuyich e chii itikut uyuu chechii itashuwet.

Matthew 14:6

Iskutak maak chisheuchimaau Herod tepiskahk chii makusheu ekw aniyuu Herodias utaanisiyuu chii niimiyuu anit uhchishkuu e mihchetinaanuyich. Herod maak naashch chii nahiiwehiikuu aniyuu ishkwesha kaa ihtiyich.

Matthew 22:17

Ekw maak netuweyimitaahch chechii wiihtamuyaahch, itashteu aa wiishuwewinihch Rome chisheuchimaau chechii miyaakanuut aniyuu shuuliyaayuu kaa chiishiihkamiyich aweyuu.”

Matthew 27:2

Iskutak maak kaa mamechimaapihkaatamuwaatwaauh utihchiiyuuh, ekw kaa chistuhtahaatwaau. Anite maak aniyuu Rome chisheuchimaau aapachihaakan Pilate kaa ishinihkaasuyich e ihtaayich ekute kaa ituhtahaatwaau.

Mark 6:17

Wiya Herod chii itashuweche chechii maakunaakanuyich John kaye chechii maahkupitaakanuyich ekw maak chipahutuukamikuhch chechii chipahwaakanuyich. Wiichiskweu Herodias chii ihtuutamuweu uyuu wehchii ihtuutawaat John. Uyuu iskweu kaa wiichimaat Herod wiichiinuu Philip aniyuu chii wiichiskwewiyuu.

Mark 6:21

Chek maak chii nihiipayuu Herodias chechii ihtit taan kaa wii ihtit. Herod chii tipiskam. Chii wiishaameu misiwe aweyuu maauch niikaan kaa iteyihtaakusiyich e chisheuchimaau aapatisiyich. Chii wiishaameu kaye nitupayuu uchimaauh, kaye naapeuh kaa uchimaaweyihtaakusiitwaau anit Galilee aschiihch kaa ihtaayitwaauh.

Luke 13:31

Aniyuu maak mekwaach chii ihtaauch Phariseech e pechi nituwaapamaatwaau Jesus. Chii iteuch maak, “Maachiih iiches utah ihtaawinihch, aahchiiuh nete ituhte, wesin Chisheuchimaau herod chiwii nipahiikw.”

Luke 2:1

Mekwaach maak Caesar Augustus e chii chisheuchimaaut, chii itashuweu misiwe iinuuh anit Rome aschiihch kaa ihtaayich chechii tipachimaakanuyich kaye chechii masinahwaakanuyich.

Luke 23:24

Ekw Pilate nitawaach kaa itwet chechii ihtuutaakanuyich uyuu kaa ishi nituweyihtamiyich.

Luke 3:19

Mikw maak John iskutak kaa aanuweyimaat aniyuu chisheuchimaau Herod aniyuu e wiichimaayich wiichiinuu wiichiskweuyuuh, Herodias kaa ishinihkaasuyich, eyuu maak kaa aayimuutamuwaat misiwe chekwaayuu taan kaa ishi machituutamiyich,

Luke 9:7

Iskutak maak chisheuchimaau Herod piyehtahk taan e ihtiyich Jesus, naashch taapwe chii wawaaneyihtamihiikuu wesh chii ihtaauch iinuuch e papaamaachimutwaau e itwetwaau, John siikahaahtaacheu uu, miin kaau pimaatisiyuu.

ᐊᐸᔅᑕᓚᒡ 23:26

“Claudius Lysias niya, chii chisheuchimaau Felix chimasinahamaatin,

ᐊᐸᔅᑕᓚᒡ 24:27

Niishu pipunh maak ishpish ekw kutak aweyuu kaa miiskuchishkaakut an chisheuchimaau Felix. Porcius Festus chii ishinihkaasuyuuh aniyuu kaa miiskuchishkaakut. Ekw maak Felix mikw e wii nanihiiwehaat aniyuu Jewa iinuuh ekut anit chipahutuukamikuhch kaa nakataat aniyuuh Paul.

ᐊᐸᔅᑕᓚᒡ 26:30

Ekw an chisheuchimaau, kaye an mista chisheuchimaau, Bernice maak, ekw maak aniyuu kaa wiitapamikutwaau chii pisikuuch.

ᐊᐸᔅᑕᓚᒡ 4:27

Eukun maak taapwe e ispayihch anuhchiish wesh chisheuchimaau Herod, kaye an uchimaau Pontius Pilate, ekw maak anichii Jewa iinuuch, kaye maak anichii ekaa Jewa kaa itiskaanesitwaau nishtuwiyuuch e nishkuushtuwaatwaau Jesus, aniyuu kaa wiyaapamaat kaa payehchisiyich chitaapachihaakanh.