Luke 24:50 - Chishemanituu Utayimuwin: Kaa Uskaach Testament

⁵⁰ Iskutak maak kaa ishi chischinuhtahaat peshuch anite ihtaawiniyuu Bethany kaa ishinihkaateyich, ekw kaa uhpinischeyit e shaweyimaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵⁰ ᐃᔅᑯᑕᒃ ᒫᒃ ᑳ ᐃᔑ ᒋᔅᒋᓄᐦᑕᐦᐋᑦ ᐯᔓᒡ ᐊᓂᑌ ᐃᐦᑖᐎᓂᔫ ᐯᑕᓃ ᑳ ᐃᔑᓂᐦᑳᑌᔨᒡ, ᐁᒄ ᑳ ᐅᐦᐱᓂᔅᒉᔨᑦ ᐁ ᔕᐌᔨᒫᑦ᙮

Luke 24:50 Iomraidhean Croise

Matthew 21:17

Ekw Jesus kaa nakataat, kaa chistuhtet anit aniyuu ihtaawiniyuu ekw anite Bethanyihch ihtaawinihch kaa ituhtet, ekute anite kaa ihtaat peyakw tipiskaau.

Mark 10:16

Chii uhpineu paahpeyakw aniyuuh awaasha ekw kaa saaminaat kaye chii shaweyimeu e miywaachimaat.

Mark 11:1

Jesus ekw maak aniyuu uchischinuhamuwaakan anite Jerusalemihch chii wii ituhteuch. Iskutak e ati peshuwaapahtahkwaau chii utihtamuch aniyuuh ihtaawinh Bethany ekw maak Bethphage kaa ishinihkaateyikwaauh. Anite Olive wachiihch ekute kaa ihtakuhkwaauh uyuuh ihtaawinh. Ekut maak utah Jesus kaa niikaanitishihwaat niishu uchischinuhamuwaakanh e itaat,

Luke 24:51

Eshkw maak mekwaach e shaweyimaat ekut kaa uhchi nakataat, kihchikiishikuhch kaa ishi uhpiskaat.

ᐊᐸᔅᑕᓚᒡ 1:12

Ekw anichii apastalach kaa chistuhtetwaau anite aniyuu wachiyuu Olives kaa ishinihkaateyich kaau kaa chiiwetwaau anite Jerusalemihch. Wiyesh aapihtuu aschiiyuu tipahiikan chii ishpishinaakuniyiche uyuu ihtaawiniyuu anit kaa uhchi chistuhtetwaau.

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

1 Timothy 2:8

Nipukuseyimaauch misiwe naapeuch taanite e ati ihtaawaakwenich iskutak e ayimihaatwaau chechii uhpipayihtaatwaau utihchiiwaau mitun tekash e pachishteyimisutwaau Chishemanituu e ihtaayich. Mekwaach maak e ayimihaatwaau namui chipaa uhchi chichishkaakuuch chishuwaasuwiniyuu kaye namui chipaa uhchi ishinaakuniyuu achiyuu e chii chishuwaasiistuwaatwaau aweyuu.