Luke 24:47 - Chishemanituu Utayimuwin: Kaa Uskaach Testament

⁴⁷ Ekw maak chipaa waawiihtamuwaakanuuch misiwe e itiskaanesitwaau awenichii chechii kweskaatisiitwaau kaye chechii wepeyihtamuwaakanuutwaau umachihtwaawinawaauh niya pechi naashitwaawenich. Jerusalemihch maak niishtam chika uhchi mishihtepayuu uu che ishi waawiihtaakanuuhch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᐁᒄ ᒫᒃ ᒋᐹ ᐙᐐᐦᑕᒧᐙᑲᓅᒡ ᒥᓯᐌ ᐁ ᐃᑎᔅᑳᓀᓯᑣᐤ ᐊᐌᓂᒌ ᒉᒌ ᑴᔅᑳᑎᓰᑣᐤ ᑲᔦ ᒉᒌ ᐌᐯᔨᐦᑕᒧᐙᑲᓅᑣᐤ ᐅᒪᒋᐦᑣᐎᓇᐙᐤᐦ ᓂᔭ ᐯᒋ ᓈᔑᑣᐌᓂᒡ᙮ ᒉᕉᓴᓚᒥᐦᒡ ᒫᒃ ᓃᔥᑕᒻ ᒋᑲ ᐅᐦᒋ ᒥᔑᐦᑌᐸᔫ ᐆ ᒉ ᐃᔑ ᐙᐐᐦᑖᑲᓅᐦᒡ᙮

Luke 24:47 Iomraidhean Croise

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 9:13

Wii nisituhtamukw maa anite chihchi masinahiikanihch kaa itashtech, ‘Chishewaatisiiwin eukw netuweyihtamaan, namui wii e machishtawehamaanuuhch chekwaan.’ Namui anichii kaa kuiskutaatisiitwaau wehchi takushiniyaan. Nichii takushin chechii nituumakwaau umachihtwaauch chechii kweskaatisiitwaau.”

Luke 13:34

“Chiyawaau Jerusalemihch kaa ihtaayekw, kaa nipahekuch anichii uchischiwehiichesuuch kaye kaa paahpimusinaatahwekuch aniyuuh Chishemanituu kaa pechi itishahamaataakw, taan tahtwaau kaa wii maausikupititakuch anite ishi e ihtaayaan, muyaam pakahaahkwaan e ihtuutuwaat upakahaahkwaanishimh, shiipaa utatahkunihch e ishi maausikunaat e wii naanaakachihaat. Ekun maak mwehch kaa wii ihtuutaatakuch. Mikw namui kuuhchi pachishtinaawaau uu chechii ihtuutaatakuch.

ᐊᐸᔅᑕᓚᒡ 10:43

Chii tipaachimikuu misiwe aniyehkaanaan uchischiwehiichesuuh kaa itweyich, ‘misiwe awen kaa taapwehtahk chika wepeyihtamuwaakanuu umachihtwaawinh e ishpish suuhcheyihtaakuniyich utishinihkaasuwin.’ ”

ᐊᐸᔅᑕᓚᒡ 11:18

Uyuu maak e pehtawaatwaau e ishi wiihtamiyich namui uhchii nishkuushtuweuch. Chii chishtaachimeuch Chishemanituu e itwetwaau, “Chishemanituu chii nihiipayihtaau aniyuu iinuu ekaa Jewa kaa itiskaanesiitwaauh chechii kweskaatisiyich kaye chechii pimaachihuyich.”

ᐊᐸᔅᑕᓚᒡ 13:46

Mikw maak Paul ekw maak Barnabas aahch chii suuhcheyimuuch e itwetwaau, “Chishemanituu nichii nituweyimikunaan chiyawaau Jewa iinuuch niishtam chechii wiihtamaataahch utayimuwin. Mikw maak e aanuwehtamekw ekut wehchi nuukuhch ekaa tepicheyihtaakusiyekw chechii ayaayekw kaachiche pimaatisiiwin. Ekw maak che nakatitaahch, che nituu wiihtamuwachihtwaau Chishemanituu utayimuwiniyuu anichii ekaa Jewa kaa itiskaanesitwaau.

ᐊᐸᔅᑕᓚᒡ 2:38

Ekw Peter kaa itaat, “Kweskaatisiikw misiwe paahpeyakw e tashiyekw. Nakatamukw chimachihtwaawinawaauh ekw maak che siikahaahtaakuyekw Jesus Christ utishinihkaasuwinihch ati chechii uhchi wepeyihtamaakuyekw chimachihtwaawinawaauh. Chika miikuwaau maak Chishemanituu umiiwewin, eukw uyuu Kaa payehchisiyich Ahchaahkwa.

ᐊᐸᔅᑕᓚᒡ 20:21

e wiihtamuukwaau taapishkun Jewa kaye Greek kaa itiskaanesitwaau e nituweyihtaakusitwaau chechii kweskaatisiitwaau Chishemanituu e naataatwaau kaye chechii taapweyimaatwaau Chitipeyihchikeminuu Jesus Christ.

ᐊᐸᔅᑕᓚᒡ 26:18

Chititishahutin anite e ihtaatwaau chechii nisituhtamihiitwaau taan e ishinaakuniyikwaauh upimaatisiiwinawaauh. Chischeyihtahkwaawenich maak ekw che nakatahkwaau wanitipiskusiiwiniyuu ekw waashtewiniyuu che naatahkwaau. Kaye maak che nakatamuwaatwaau machimanituu usuuhkaatisiiwiniyuu teyakuch Chishemanituuh usuuhkaatisiiwiniyuu chechii naatamuwaatwaau. Ekw maak taapweyimitwaawenich che wepeyihtamuwaakanuutwaau umachihtwaawinawaauh. Ekw maak che masinaasutwaau kaye wiyawaau anite mesinaasuyich Chishemanituu utiimiih aniyuuh kaa wiyaapamaat.’ ”

ᐊᐸᔅᑕᓚᒡ 26:20

Anite maak Damascus niishtam, ekw maak anite Jerusalemihch, ekw miin misiwe anite ihtaawinh Judea aschiihch kaa ihtakuhkwaauh kaye maak anite anichii ekaa Jewa kaa itiskaanesitwaau e ihtaatwaau nichii papaakacheskwen e itakwaau awenichii chechii kweskaatisiitwaau kaye chechii taapweyimaatwaau Chishemanituu, kaye maak chechii ihtuutahkwaau chekwaayuu anit chechii uhchi nuukuniyich taapwe e kweskaatisiitwaau.

ᐊᐸᔅᑕᓚᒡ 28:28

Ekw Paul kaa itwet, “Che wii chischeyihtamekw maak Chishemanituu e itishahukuyaahch chechii waawiihtamaahch chechii pimaachihaakanuutwaau kaye anichii ekaa Jewa kaa itiskaanesitwaau awenichii. Chika nituhtamuch maak uchii wii.”

ᐊᐸᔅᑕᓚᒡ 3:19

Kweskaatisiikw, mihchiiweyihtamukw taan kaa ishi machituutamekw. Naataahkw Chishemanituu chechii wepeyihtamaataakw chimachihtwaawinawaau. Ekw maak Utipeyihchikeu che ihtuutaataakw miin chechii suuhkamahchihuyekw chitahchaahkuwaahch.

ᐊᐸᔅᑕᓚᒡ 4:12

Mikw Jesus e ihtaat uhchipayuu pimaachihiiwewin. Namui uhchi miyeu Chishemanituu kutak aweyuu utah aschiihch chechii pimaachihiiweyich, mikw Jesus.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

Romans 5:20

Iskutak kaa pachishtinahk Chishemanituu uwiishuwewin ekut kaa uhchi chischeyihtahkwaau awenichii e ishpish weyuuch machituutahkwaau. Mikw maak taanit kaa weyuuch machituutaakanuuhch Chishemanituu ushaweyihchichewin etituu chii aapatisiimakaniyuu.

Ephesians 1:6

Iteyihtaakuniyuu maak chechii maamihchimaakanuut e chisteyihtaakuniyich taan e ishpish shaweyimitahkw. Maamihchimaataau sehchei e chii miitahkw Ukusisa naashch kaa saachihaat.

Ephesians 3:8

Aat maak niya maauch nuuhtaash e iteyihtaakusiyaan e iteyihtaakusitwaau kaa taapwehtahkwaau, yaapach niya nichii shaweyimikw Chishemanituu e chii miit chechii waawiihtamuumach aniyuuh ekaa Jewa kaa itiskaanesiitwaauh taan e ishpish naaspich weyuutaniyich kaye e ishpish ekaa nihtaa puunipayiyich taan waa ishi shaweyimitahkw Chishemanituu Christ e ihtaayich uhchi.

Colossians 1:27

Chishemanituu maak chii iteyihtamihiikuu chechii chischeyihtamiyich ekw utiiniimh aniyuu ekaa uhchi chischeyihtamihaat anite utaahch. Nuwach maak maamishkaateyihtaakuniyuu uyuu waa ishi chischeyihtamihaat misiwe aweyuu. An maak ekaa nihtaa kaa uhchi pechi chischeyihtaakunuuhch eukw Christ e piichishkaataakw chitehiiwaahch wesh ekut wehchi cheshtinaateyihtamihiikuyekw taapwe che utihtamekw misiwe taan e ishi miyu ayeskuushtamaataakw Chishemanituu.

1 John 2:12

Chimasinahamaatinaawaau, apishtawaashitikw, chimachihtwaawinawaau e chii wepeyihtamaakuyekw wiya Jesus Christ uhchi.