Luke 24:44 - Chishemanituu Utayimuwin: Kaa Uskaach Testament

⁴⁴ Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁴ ᐁᒄ ᑳ ᐃᑎᑯᑣᐤ, ᐁᐅᒄ ᒫᒃ ᐆ ᑳ ᐃᔑ ᐙᐐᐦᑕᒫᑕᑯᒡ ᐁᔥᒄ ᒣᒀᒡ ᐁ ᒌ ᐐᒉᐅᑕᑯᒡ ᑳ ᐃᑗᔮᓐ, ᒉᔥᑎᓈᔥ ᑲᑕ ᑎᐱᐸᔫ ᒥᓯᐌ ᐁ ᐃᔑ ᐋᔨᒨᒥᑯᔮᓐ ᐊᓂᑌ ᒧᓯᔅ ᐅᐐᔓᐌᐎᓂᐦᒡ ᑲᔦ ᐊᓂᑌ ᐅᒪᓯᓇᐦᐄᑲᓂᐙᐦᒡ ᐊᓂᔦᐦᑳ ᐅᒋᔅᒋᐌᐦᐄᒉᓲᒡ, ᑲᔦ ᑌᐱᑦ ᐅᓂᑲᒧᐎᓂᐦᒡ᙮

Luke 24:44 Iomraidhean Croise

Matthew 1:22

Eukun nihaau kaa ispayiyich taan kaa pechi itweyikupanenh Utipeyihchikeu uchischiwehiichesiimh kaa itweyich,

Matthew 16:21

Iskutak maak uyuu kaa ishi ayimihaat aniyuu uchischinuhamuwaakanh Jesus ekw kaa chihchi wiihtamuwaat e piyekastaakusit e itaat, “Nika ituhten anite Jerusalemihch, ekute maak anite che mistawaawiisacheyihtamihiitwaau anichii kaa niikaanishkuwaatwaau aniyuuh iinuuh, kaye anichii niikaanayimiheuchimaauch, kaye maak anichii kaa chiskutamaachetwaau wiishuwewiniyuu. Ekw maak che nipahiikuyaan, nishtu chiishikaau maak miin nika pimaatisiin.”

Matthew 26:54

Mikw maak an ihtiyaane, taanite chechii uhchi ispayihch an kaa itashtech Chishemanituu utayimuwinihch an chipaa ispayuu.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Mark 9:31

wesh mekwaach chii chiskutamuweu uchischinuhamuwaakanh. Chii iteu, “Naapeuh e ihtaayich kata ishi pachishtinaakanuu Iinuu Ukusisa chechii nipahiikut. Mikw maak nishtu chiishikaau ishpish ekw che wanishkaat nipuwinihch uhchi.”

Luke 21:22

Eukw maak uu che utihchipayihch iinuuch che waweshihaakanuutwaau aniyuu kaa ishi machituutahkwaau wesh eukuu kaa ishi niikaan wiihtaakuhch che ishi tipipayihch.

Luke 22:37

Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech, Chii asitachimaakanuu anite e chimutiskuunaanuyich. Uu maak kaa ishi tipaachimikuyaan taapwe kata ispayuu.”

Luke 24:46

E itaat, “Itashteu Christ yaaitei che wiisacheyihtamukupane, ekw maak kaau che wanishkaat nipuwinihch uhchi chii nishtuchiishikaayiche.

Luke 9:22

Ekw kaa itaat, “Iinuu Ukusisa iteyihtaakuniyuu chechii mistawaawiisacheyihtamiyich kaye chechii aatuweyimikuyich aniyuuh kaa niikaanapiitwaauh ayimiheuchimaauh, kaye aniyuuh kaa niikaanishkuwaayich iinuuh, kaye maak aniyuuh kaa chiskutamaacheyitwaauh wiishuwewiniyuu. Kata nipahaakanuu kaye, mikw maak nishtu chiishikaau ishpish kaau kata pimaatisiyuu.”

Luke 9:44

“Chischisikw yaaitei taan che ititakuch. Chika pachishtinaakanuuch iinuuch chechii ihtuutawaatwaau taan waa ihtuutuwaatwaau Iinuu Ukusisaan.”

John 3:14

Mwehch aniyuu kaa ihtit aniyaa Moses mekwaach pakwaatiskamikaahch kaa ihtaatwaau kaa chikamuhaat chinepukuhkaan mistikuhch misiwe aweyuu chechii waapamaayich, ekun mwehch che ihtuutuwaakanuyich Iinuu Ukusisa.

John 5:39

Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ.

John 5:46

Taapwe kaa taapwehtawekwe Moses kaye niya chipaa pechi taapwehtuunaawaau wesh niya aniyuu kaa pechi tipaachimit kaa masinahiichet.

ᐊᐸᔅᑕᓚᒡ 13:33

Chii wanishkaaneu Jesus nipuwinihch uhchi. Eukw uyuu Chishemanituu weskach kaa itaakupane aniyaa chiwaahkumaakanuuh che ihtuutahk, ekw maak mekwaach chiyaanuu e pimaatisiihkw e tipipayihch. Wesh chii itashteu anite David unikamuwinihch niishu piskitisinahiikan, Chiya Nikus, anuhchiish kaa chiishikaach niya Chuuhtaawii.

ᐊᐸᔅᑕᓚᒡ 13:40

Yaakwaamiikw maak ekaa chechii ispayiyekw taan kaa ishi masinahamuwaakupanenich aniyehkaanaanich uchischiwehiichesuuch taan kaa ishi masinahamuwaakupanenich che ispayiyich aweyuu, chii itasinahamuwaakupanenich,

ᐊᐸᔅᑕᓚᒡ 2:27

ekaa che uhchi nakatat nitahchaahkw anite kaa nipitwaau e ihtaatwaau, namui chika uhchi pachishtinaau kaa payehchisiit chitaapachihaakan chechii wiinisinit anite kaa nahiihkuwaakanuut.

ᐊᐸᔅᑕᓚᒡ 3:18

Chishemanituu chii miyeu aniyuuh uchischiwehiichesuuh chechii niikaan wiihtamiyich che wawiisacheyihtamiyich Christ aniyuuh kaa wiyaapamaat. Chishemanituu maak chii tipipayihtaau uyuu.

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

Hebrews 10:1

Nika aayimuuten etituu aniyuu Jewa wiishuwewinh. Anichii iinuuch uyuuh wiishuwewinh kaa nanaakatuweyihtamihiikutwaau ekut kaa uhchi chischeyihtahkwaau taan che ishpish miyutuutamuwaat Chishemanituu iinuu. Mikw maak namui tekash uhchi chischeyihtamihaakanuuch taan che ishi etituu miyutuutamaachet Chishemanituu anite niishtamihch Jesus uhchi. Namui awen tekash uhchii wepeyihtamuwaakanuu umachihtwaawin kaye namui awen tekash uhchi kuiskunaakusuu anite ishi Chishemanituu e ihtaayich mikw aniyuu e nipahaakanuyich awesiisa e machishtawehamaanuuhch eshikum pipun.

Hebrews 3:5

Moses maak chii utaapachihaakanitutaakuu Chishemanituuh, muush kuiskw chii ishi atushkuumeu utiiniimiyuu. Chii niikaan aayimuutamuweu taan che ishi wiihtamiyich Chishemanituu anite niishtamihch.

Hebrews 7:1

Uu Melchizedek weskach anite chii chisheuchimaau. Salem e ishinihkaateyich ihtaawiniyuu ekute kaa chisheuchimaaut. Chii atushkuweu Chishemanituu maauch kaa ispeyihtaakusiyich e ayimiheuchimaaut. Uu maak Melchizedek peyakwaau chii nituu nachishkaweu Abrahamh mwehch e pechi chiiweyich anuhchiish e chii miyu tepahaayich kaye e chii nipahaayich mihchetu chisheuchimaauh e chii nitupayihkahtaakuyich. Ekw uu Melchizedek kaa shaweyimaat Abrahamh.

Hebrews 9:8

Eukw maak uyuu e ishi chiskutamaakuyihkw Kaa payehchisiit Ahchaahkw uyuu uhchi. An eshkw mekwaach e ihtakuhch an niishtam kaa pischisaach namui awen chika chii piihcheu anite aniyuu maauch kaa payehchisiimakaniyich kaa ishinihkaateyich e pischisaayich.

1 Peter 1:11

Christ Utahchaahkuyuu chii piihchishkaakuuch kaye chii wiihtamaakuuch taan che ishi nanehkaateyimuyich Christ kaye maak che chisteyihtaakuhaakanuyich. Ekw maak kaa naanituu chischeyihtahkwaau aweyuu che aawiyich Christ kaye maak taaishpish che ispayiyich uyuu.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.