Luke 24:39 - Chishemanituu Utayimuwin: Kaa Uskaach Testament

³⁹ Pechi kanawaapahtamukw maa nitihchii kaye nisit chechii uhchi cheshtinaahuyekw mitun taapwe niya e aawiyaan. Pechi nituu memetininikw wesh chiipai taapaa ayaau wiyaasuwiniyuu maak uskanh taan e ishi waapamiyekw niya e ishi ayaayaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᐯᒋ ᑲᓇᐙᐸᐦᑕᒧᒄ ᒫ ᓂᑎᐦᒌ ᑲᔦ ᓂᓯᑦ ᒉᒌ ᐅᐦᒋ ᒉᔥᑎᓈᐦᐅᔦᒄ ᒥᑐᓐ ᑖᐺ ᓂᔭ ᐁ ᐋᐎᔮᓐ᙮ ᐯᒋ ᓂᑑ ᒣᒣᑎᓂᓂᒄ ᐌᔥ ᒌᐸᐃ ᑖᐹ ᐊᔮᐤ ᐎᔮᓱᐎᓂᔫ ᒫᒃ ᐅᔅᑲᓐᐦ ᑖᓐ ᐁ ᐃᔑ ᐙᐸᒥᔦᒄ ᓂᔭ ᐁ ᐃᔑ ᐊᔮᔮᓐ᙮

Luke 24:39 Iomraidhean Croise

Luke 23:46

Jesus maak chii ishi tepweu, “Nuuhtaawii, chiya e ihtaayin nipachishteyimaau nitahchaahkw chechii kanuweyimat.” Iskutak maak uyeyuu kaa itwet ekw kaa nipit.

Luke 24:38

Ekw kaa itikutwaau Jesus, “Chekwaan wehchi naashch mukushkaateyihtamekw kaye wehchi mista aanuwehtamekw.

Luke 24:40

Iskutak Jesus kaa chiishi ayimit chii waapahtiyeu utihchii kaye usith.

John 20:20

Iskutak maak kaa chiishi waachiyemaat aniyuu uchischinuhamuwaakanh ekw kaa waapahtiyaat utihchii kaye uhpimeyuu. Nuwach maak chii sichiyeyihtamuch e chii waapamaatwaau utipeyihchikemuwaau.

John 20:25

Aniyuu maak e wiihtamaakut aniyuuh kutak chischinuhamuwaakanh e chii waapamaayich Jesus, namui uhchi taapwehtaweu. Chii iteu, “Namui nika uhchi taapwehten paatish chii taahtinamuche utihchiih anit kaa chiistaaskuhwaakanuut kaye paatish chii taahtinake anit uspakaahch.”

John 20:27

Kaa itaat aniyuu Thomas, “Taahtinh nitihchii kaye ute uhpimeyuu pechi taahtinh, ekun ekw ishpish aanuwehta, taapwehta ekw.”

ᐊᐸᔅᑕᓚᒡ 1:3

Iskutak kaa chiishi nanehkaateyimut Jesus aashiteyaahtikuhch kaa nipit mihchetwaau chii nuukushiishtaweu aniyuu Apastalh nemitanuu chiishikaauh ishpish, e wii cheshtinaateyihtamihaat taapwe miin kaau e pimaatisiit, kaye chii aayimuutamuweu Chishemanituu uchisheuchimaawiniyuu.

1 Thessalonians 5:23

Ninitutamuwaau Chishemanituu an kaa miiwet chiyaameyihtamuwiniyuu mitun tekash chechii payehchihiitaakw. Ninitutamuwaau chitahchaahkuwaauh, kaye chimituneyihchikanawaauh kaye maak chiiyuuwaauh chechii kanuweyihtaakuhkwaau ekaa mitun chekwaan chechii ishi ataameyihtaakuhkwaauh iskutak takushihke Chitipeyihchikeminuu Jesus Christ.

Hebrews 12:9

Kaye maak, eshkw e chii awaashiiwiihkw, Chuuhtaawiinuuch chichii kuiskunikunuuch yaapach maak chichii chisteyimaanuuch. Ishinaakun maak Chishemanituu etituu chechii chisteyimahkw ishpish wii Kuuhtaawiinuuch. Ekw maak chihchiwe pimaatisiiwin che ayaayihkw.

1 John 1:1

Chimasinahamaatinaan e aayimuumachiht an shaash kaa ihtaat eshkw ekaa mitun chekwaayuu uhchi ihtakuniyich. Nichii pehtawaanaan, muhch nichii waapamaanaan, kaye nichii taahtinaanaan. Chitaayimuutamaatinaan an kaa miiwet pimaatisiiwiniyuu aniyuu uhchi taan kaa ishi waawiihtahk.