Luke 24:36 - Chishemanituu Utayimuwin: Kaa Uskaach Testament

³⁶ Mekwaach maak e aayimuumaatwaau Jesus, chii uhchi nuukusiyuu mekwesiinuu anit e ihtaatwaau. Ekw kaa itikutwaau, “Chiyaameyihtamukw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁶ ᒣᒀᒡ ᒫᒃ ᐁ ᐋᔨᒨᒫᑣᐤ ᒌᓴᔅ, ᒌ ᐅᐦᒋ ᓅᑯᓯᔫ ᒣᑴᓰᓅ ᐊᓂᑦ ᐁ ᐃᐦᑖᑣᐤ᙮ ᐁᒄ ᑳ ᐃᑎᑯᑣᐤ, ᒋᔮᒣᔨᐦᑕᒧᒄ᙮

Luke 24:36 Iomraidhean Croise

Matthew 10:13

Anichii maak awenichii kaa ihtaatwaau anit waaskaahiikanihch naheyimitaakwenich, taapwe chika shaweyimaakanuuch ekw maak ekaa naheyimitaakwenich, namui chika uhchi shaweyimaakanuuch.

Mark 16:14

Paatimaa maak, Jesus chii nuukushiishtaweu aniyuu peyakushaap mekwaach e maamuumiichisuyich miichisuunaahtikuhch. Chii aanuweyimeu maak aniyuu e aanuwehtamiyich kaye e miskauteheyich, ekaa uhchi wii taapwehtawaayich aniyuu chischinuhamuwaakanh aniyuuh kaa waapamikuyich paatimaa kaa wanishkaanaakanuut.

Luke 10:5

“Taanite an che piihtakahiikuwekwe waaskahiikan niishtam chika itaawaauch anichii anit kaa ihtaatwaau che wii ihtakuhch chiyaameyihtamuwin anit.

John 14:27

“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw.

John 16:33

Chichii wiihtamaatinaawaau uu chechii uhchi ayaayekw chiyaameyihtamuwin anite niya e ihtaayaan. Chikaa nanekaateyimuhiikunaawaau utah aschiihch. Suuhk wii suuhchitehekw, wesh shaash nichii shaakuuchihaau an kaa tipeyimaat aniyuu aweyuu ekaa kaa aapateyimaayich Chishemanituu.”

John 20:26

Yaanaaneu chiishikaau maak ishpish ekw miin kaa nishtuwiitwaau anichii chischinuhamuwaakanich. Thomas maak kaye wiya ekut kaa ihtaat. Chii aataapishkahwaakanuuch chishtuhkanihch yaapach maak Jesus chii pechi piihcheu kaa pechi uhchishkuukaapuushtawaat.

ᐊᐸᔅᑕᓚᒡ 1:3

Iskutak kaa chiishi nanehkaateyimut Jesus aashiteyaahtikuhch kaa nipit mihchetwaau chii nuukushiishtaweu aniyuu Apastalh nemitanuu chiishikaauh ishpish, e wii cheshtinaateyihtamihaat taapwe miin kaau e pimaatisiit, kaye chii aayimuutamuweu Chishemanituu uchisheuchimaawiniyuu.

1 Corinthians 15:5

Aayimuuteu kaye e chii nuukushiishtawaat Peter. Chek miin aniyuuh kaa niishushaapuyich kaa nuukushiishtawaat aniyuuh wiya wechiihch kaa wiyaapamaat chechii nuushuushkaakut.

1 Corinthians 15:7

James miin chii nuukushiishtaweu. Misiwe kaye aniyuu apastal kaa itaapatisiyich chii nuukushiishtaweu.

2 Thessalonians 3:16

Nitayimihaanaan Utipeyihchikeu wiya e ihtaat wehchipayiyich chiyaameyihtamuwiniyuu, muush chiyaameyihtamuwiniyuu chechii miitaakw mikw taan e ispayiwekw. Utipeyihchikeu muush chika wii wiicheukuwaau.

Revelation 1:4

Niya John. Chiyawaau umaamuuayimihaauch chimasinahamaatinaawaau anite kaa ihtaayekw aniyuuh niishwaashch ayimiheukamikuh Asia kaa ishinihkaatech aschii. Chishemanituu, an anuhchiish kaa ihtaat kaye muush kaa pechi ihtaat, kaye an che takushihk chika shaweyimikuwaau kaye chika miikuwaau chiyaameyihtamuwiniyuu. Kaye anichii niishwaashch ahchaahkuch uhchishkuu Chishemanituu uchisheuchimaau tehtapuwiniihch kaa ihtaatwaau chika shaweyimikuwaauch kaye chika miikuwaauch chiyaameyihtamuwiniyuu.