Luke 24:30 - Chishemanituu Utayimuwin: Kaa Uskaach Testament

³⁰ Iskutak maak waachimiichisuumaat chii utineu aaihkunaau, chii nanaaskumuu kaye chii pahkweneu ekw kaa maatinamuwaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁰ ᐃᔅᑯᑕᒃ ᒫᒃ ᐙᒋᒦᒋᓲᒫᑦ ᒌ ᐅᑎᓀᐤ ᐋᐃᐦᑯᓈᐤ, ᒌ ᓇᓈᔅᑯᒨ ᑲᔦ ᒌ ᐸᐦᑴᓀᐤ ᐁᒄ ᑳ ᒫᑎᓇᒧᐙᑦ᙮

Luke 24:30 Iomraidhean Croise

Matthew 14:19

Ekw Jesus kaa itaat aniyuu iinuuh chechii apiyich anite mashkushiihch. Ekw kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii papihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinamuwaayich aniyuu iinuu.

Matthew 15:36

Kaa utinaat aniyuu niishwaashch aaihkunaau kaye aniyuu namesa, kaa nanaaskumaat Chishemanituu, kaa papahkwenaat aniyuu aaihkunaau kaye aniyuu namesa ekw kaa miyaat aniyuu uchischinuhamuwaakan chechii maatinamuwaayich aniyuu iinuu.

Matthew 26:26

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak maak kaa nanaaskumut ekw kaa papahkwenaat aniyuu aaihkunaau ekw kaa miyaat uchischinuhamuwaakan e itaat, “Utinaahkw uu, muwaahkw, eukuu niyuu.”

Mark 14:22

Aniyuu maak e miichisutwaau, Jesus chii utineu aaihkunaau ekw kaa nanaaskumaat Chishemanituu. Iskutak kaa nanaaskumut ekw kaa papahkwenaat aniyuuh aaihkunaau, ekw kaa maamiyaat misiwe paahpeyakw e tashiyich e itaat, “Utinaahkw uu, muwaahkw, eukuu niyuu.”

Mark 6:41

Ekw Jesus kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii pahpihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinaweyich. Kaye aniyuuh niishu namesa chii maatinamuweu chechii maatinamuwaayich misiwe aweyuuh anit kaa ihtaayich chechii miichisuyich.

Mark 8:6

Ekw Jesus kaa itashuwaataat aniyuuh iinuuh chechii waweyipihiisuyich anit mushtaskamach. Kaa utinaat aniyuu niishwaashch aaihkunaauh, kaa nanaaskumaat Chishemanituuh, ekw kaa pahkwenaat aniyuu aaihkunaau, kaa maamiyaat uchischinuhamuwaakanh chechii maatinaweyich. Ekun maak kaa ihtitwaau anichii chischinuhamuwaakanich.

Luke 22:19

Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.”

Luke 24:29

Chii aayihkamiheuch maak Jesus ekaa etituu chechii chistuhteyich, e itaatwaau, “Ekut utah ihtaah, wesh shaash utaakushuu, shaash wiipach kata tipiskaau.” Ekw Jesus kaa ati wiichewaat e chiiweyitwaau.

Luke 24:35

Ekw kaa wiihtahkwaau wiyawaau taan kaa ispayiyich mekwaach anite kaa pimuhtetwaau meskanaahch kaye maak aniyuu kaa pahkwenaayich aaihkunaau anit kaa uhchi chischeyimaatwaau e aawiyich Jesus.

Luke 9:16

Ekw Jesus kaa utinaat aniyuu niyaayin aaihkunaauh kaye aniyuu niishu namesa, ishpimihch kaa iitaapit e nanaaskumaat Chishemanituu. Kaa papahkwenaat aniyuuh aaihkunaauh ekw kaa miyaat aniyuu uchischinuhamuwaakanh chechii maatinamuwaayich aniyuu iinuuh.

John 6:11

Ekw Jesus kaa utinaat aniyuu aaihkunaau, kaa nanaaskumaat Chishemanituu kaa ati maamaatinamuwaat aniyuu uchischinuhamuwaakan ekw kaa ati maatinuweyich. Ekun kaa ihtuutuwaat kaye aniyuu namesa. Misiwe maak mikw waa ishpish miichisutwaau chii ishpish miichisuuch.

ᐊᐸᔅᑕᓚᒡ 2:42

Misiwe maak ekut muush kaa ihtaatwaau e chiskutamaacheyich aniyuuh Apastalh kaye chii pahkweneuch aaihkunaauh kaye chii maamuu ayimihaauch.

ᐊᐸᔅᑕᓚᒡ 2:46

Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau.

ᐊᐸᔅᑕᓚᒡ 27:35

Iskutak maak kaa itwet uyuu Paul, ekw kaa utinaat palet, kaa nanaaskumaat Chishemanituu uhchishkuu misiwe aniyuu naapeuh e ihtaayich, kaa pahkwenaat aniyuu palet, ekw kaa muwaat.