Luke 24:27 - Chishemanituu Utayimuwin: Kaa Uskaach Testament

²⁷ Ekw Jesus kaa chihchi waawiihtamuwaat aniyuuh naapeuh misiwe taan kaa itasinahiikanuyich e aayimuumaakanuut anite Chishemanituu utayimuwinihch. Moses taan kaa itashtaayich e aayimuumikut chii uhchi chihchipayihtaau chek kaa utihtahahk taan kaa ishi masinahamiich e aayimuumikut aniyehkaanaan uchischiwehiichesuuh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁷ ᐁᒄ ᒌᓴᔅ ᑳ ᒋᐦᒋ ᐙᐐᐦᑕᒧᐙᑦ ᐊᓂᔫᐦ ᓈᐯᐤᐦ ᒥᓯᐌ ᑖᓐ ᑳ ᐃᑕᓯᓇᐦᐄᑲᓄᔨᒡ ᐁ ᐋᔨᒨᒫᑲᓅᑦ ᐊᓂᑌ ᒋᔐᒪᓂᑑ ᐅᑕᔨᒧᐎᓂᐦᒡ᙮ ᒧᓯᔅ ᑖᓐ ᑳ ᐃᑕᔥᑖᔨᒡ ᐁ ᐋᔨᒨᒥᑯᑦ ᒌ ᐅᐦᒋ ᒋᐦᒋᐸᔨᐦᑖᐤ ᒉᒃ ᑳ ᐅᑎᐦᑕᐦᐊᐦᒃ ᑖᓐ ᑳ ᐃᔑ ᒪᓯᓇᐦᐊᒦᒡ ᐁ ᐋᔨᒨᒥᑯᑦ ᐊᓂᔦᐦᑳᓈᓐ ᐅᒋᔅᒋᐌᐦᐄᒉᓲᐦ᙮

Luke 24:27 Iomraidhean Croise

Mark 4:34

Eukw uyuu pisikw kaa aapachihtaat e ayimihaat aweyuu. Mikw maak iskutak mikw wiyawaau e ihtaatwaau uchischinuhamuwaakanh ekut kaa chii waawiihtamuwaat taan e ishi chiishuwemakaniyikwaau uyuuh tipaachimuwinh.

Luke 24:25

Ekw anichii chischinuhamuwaakanich kaa itikutwaau Jesus, “Chiyawaau naapeutikw, taapwe ekaa kaa iteyihtamekw, taanite wehchi ekaa uhchii taapwehtawekuch taan kaa ishi niikaan wiihtahkwaau aniyehkaa uchischiwehiichesuuch.

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 1:45

Philip maak chii naanituwaapameu Nathanael ekw kaa itaat iskutak kaa miskuwaat, “Nichii miskuwaanaan aniyuu Moses kaa aayimuumaat anite wiishuwewinihch, kaye anichii uchischiwehiichesuuch kaa aayimuumaatwaau. Eukuu Jesus, Joseph ukusisa, anite Nazareth kaa uhchiit.”

John 12:41

Isaiah chii iteu uyuu wesh chii waapahtamuweu Jesus uchisteyihtaakusuwiniyuu, ekw maak kaa aayimuumaat.

John 5:37

Uhtaawiimaau an kaa pechi itishahuut kaye wiya nipechi tipaachimikw. Namui maak nihtaa kuuhchi pehtamuwaanaawaau upehtaakusuwin kaye namui nihtaa kuuhchi waapamaawaau.

John 5:39

Yaakwaau chinaanituu chischeyihtenaawaau Chishemanituu utayimuwin e iteyihtamekw ekut anit chechii uhchi chischeyihtamekw taanite chechii uhchi ayaayekw kaachiche pimaatisiiwin. Chishemanituu utayimuwinihch ekute tepaachimikuyaan niya e aawiyaan Christ.

ᐊᐸᔅᑕᓚᒡ 10:43

Chii tipaachimikuu misiwe aniyehkaanaan uchischiwehiichesuuh kaa itweyich, ‘misiwe awen kaa taapwehtahk chika wepeyihtamuwaakanuu umachihtwaawinh e ishpish suuhcheyihtaakuniyich utishinihkaasuwin.’ ”

ᐊᐸᔅᑕᓚᒡ 3:18

Chishemanituu chii miyeu aniyuuh uchischiwehiichesuuh chechii niikaan wiihtamiyich che wawiisacheyihtamiyich Christ aniyuuh kaa wiyaapamaat. Chishemanituu maak chii tipipayihtaau uyuu.

ᐊᐸᔅᑕᓚᒡ 3:22

Wesh aniyaa Moses chii itweu weskach e aayimuumaat Jesus, Chishemanituu, chika aapachiheu aweyuu anite niikaanihch che chischiwehiicheyich, muyaam niya e ishi aapachihiit, e chischiwehiicheyaan. Anit chiyawaau e itiskaanesiyekw, ekut che uhchiyich. Chika nituhtawaawaau kaye chika nanihiihtuwaawaau taan che ititaakw.

ᐊᐸᔅᑕᓚᒡ 3:24

“Samuel ekw maak anichii kutakach uchischiwehiichesuuch chii niikaan wiihtamuch uyuu anuhchiish kaa chiishikaakwaauh taan ispayiyich.

ᐊᐸᔅᑕᓚᒡ 7:37

Eukw uu Moses kaa itaakupane aniyuu iinuu anite Israel kaa uhchiyich, Chishemanituu chika itishahamaakuwaau aweyuu che uchischiwehiichesuyich muyaam niya kaa ishi pechi itishahuut, utah maak e uhchiyekw chika uhchiyuuh.

ᐊᐸᔅᑕᓚᒡ 8:35

Ekw Philip kaa wiihtamuwaat aniyuu naapeu miywaachimuwiniyuu Jesus e aayimuumakanuyich, anite e uhchi chihchipayihtaat aniyuu taan kaa ishi ayimihtaayich Chishemanituu utayimuwiniyuu.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.