Luke 24:20 - Chishemanituu Utayimuwin: Kaa Uskaach Testament

²⁰ Chii pachishtinikuu kaa niikaanapitwaau ayimiheuchimaauh kaye aniyuuh iinuuh kaa niikaanishkuwaatwaau chechii nishuuwanaachimaakanuut. Kaa niskumutwaau chechii nipahaakanuyich ekw maak kaa chiistaaskuhwaatwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᒌ ᐸᒋᔥᑎᓂᑰ ᑳ ᓃᑳᓇᐱᑣᐤ ᐊᔨᒥᐦᐁᐅᒋᒫᐤᐦ ᑲᔦ ᐊᓂᔫᐦ ᐄᓅᐦ ᑳ ᓃᑳᓂᔥᑯᐙᑣᐤ ᒉᒌ ᓂᔔᓈᒋᒫᑲᓅᑦ᙮ ᑳ ᓂᔅᑯᒧᑣᐤ ᒉᒌ ᓂᐸᐦᐋᑲᓄᔨᒡ ᐁᒄ ᒫᒃ ᑳ ᒌᔅᑖᔅᑯᐦᐙᑣᐤ᙮

Luke 24:20 Iomraidhean Croise

Matthew 23:33

“Chiyawaau chinepukuch kaye kaa ukusiitutaataakuch chinepukuch naashch kaa kaschihuuyekw nitamukw e ishi wiyeshimekuch awenichii, taanite chechii uhchi wiihkuchihuyekw ekaa chechii ituhteyekw machishkutehch.”

Matthew 27:20

Anichii maak kaa niikaanishkuwaatwaau ayimiheuchimaauh ekw maak anichii Jewa iinuuh kaa niikaanishkuwaatwaau chii shaakuuchimeuch aniyuuh iinuuh anit kaa ihtaayich chechii kakwechimaayich Pilate Barabbas chechii pachishtinaayich ekw Jesus chechii nipahaakanuyich.

Mark 15:1

Wiipach wiyaapaniyich anichii kaa niikaanapitwaau ayimiheuchimaauch chii nishtuuneuch aniyuuh kaa niikaanishkawaayich iinuuh ekw maak aniyuuh wiishuwewiniyuu kaa chiskutamaacheyitwaauh ekw maak misiwe aniyuu kaa maamuupishtamiyich e wiyeyihtaakanuyich chekwaayuu ekw kaa wiyeyihtahkwaau taan che ihtitwaau. Chii maahkupiteuch Jesus ekw anite Pilate e ihtaayich kaa ituhtahaatwaau.

Luke 22:66

Iskutak maak piyetaapaniyich anichii kaa niikaanishkuwaatwaau iinuuh kaye anichii kaa niikaanapitwaau ayimiheuchimaauch ekw maak anichii kaa chiskutamaachetwaau wiishuwewiniyuu chii nishtuwiyuuch. ekute maak anite kaa ituhtahaakanuut Jesus che nituu chischeyimaakanuut taan chechii ishi wiyaaskunaakanuut.

Luke 23:13

Pilate chii nishtuuneu aniyuuh kaa niikaanapitwaau ayimiheuchimaauh, Jewa iinuuh kaa niikaanishkuwaayich kaye aniyuuh iinuuh anit kaa ihtaayich chechii ayimihaat.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

1 Thessalonians 2:15

Anichii Jewa kaa itiskaanesitwaau eukw anichii kaa nipahaatwaau Utipeyihchikeu Jesus ekw maak aniyuuh uchischiwehiichesuuh. Kaye niyaan maak nichii nanehkachihiikunaanich. Naashch taapwe namui naheyimikuuch Chishemanituuh. Kaye maak misiwe aweyuuh uhkaateuch.