Luke 23:9 - Chishemanituu Utayimuwin: Kaa Uskaach Testament

⁹ Iskutak piyesuwaakanuyich Jesus, Herod chineush memehch chii ishi kakwechimeu. Namui maak wiyesh uhchi ishi nishkweushihiikuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐃᔅᑯᑕᒃ ᐱᔦᓱᐙᑲᓄᔨᒡ ᒌᓴᔅ, ᐦᐁᕋᑦ ᒋᓀᐅᔥ ᒣᒣᐦᒡ ᒌ ᐃᔑ ᑲᑴᒋᒣᐤ᙮ ᓇᒧᐃ ᒫᒃ ᐎᔦᔥ ᐅᐦᒋ ᐃᔑ ᓂᔥᑴᐅᔑᐦᐄᑰ᙮

Luke 23:9 Iomraidhean Croise

Matthew 27:12

Ekw aniyuuh kaa niikaanishkuwaayich ayimiheuchimaauh ekw maak aniyuuh Jewa iinuuh kaa niikaanishkuwaayich nanaahkuu chii ishi mamachaachimikuu. Namui maak uhchi chistuu Jesus.

Matthew 27:14

Namui maak yaapach uhchi chistuu Jesus. Ekw aniyuu Rome chisheuchimaau aapachihaakan naashch kaa miskaateyimikut.

Matthew 7:6

“Ekaawii miyaahkuch atimuch chekwaayuu e chisteyihtaakuniyich. Kaye ekaawii ishiwepinamuwaahkuch kuuhkuushach e shuuliyaauniyikwaauh waweshihunh wesh mikw kata taahtahkushkaatamuch kaye chika aapamuushtaakuwaauch chechii ushikuhiitaakuch.”

Mark 15:5

Yaapach namui uhchi wii chistuu Jesus. Pilate maak nuwach chii miskaateyimeu ekaa chistuyich.

Luke 13:32

Chii iteu maak Jesus, “Nituu wiihtamuwaahkw an mahcheshuu Herod, niwiiwiitishihwaayuu machiahchaahkwa kaye nimiinuwaachihaayuu iinuuh anuhchiish kaa chiishikaach kaye waapahche ekun che ihtiyaan. Paatish miin ane chiishikaache ekw che chiishihtaayaan.

Luke 23:10

Anichii maak kaa niikaanapitwaau ayimiheuchimaauch kaye anichii kaa chiskutamaachetwaau wiishuwewiniyuu chii niipuuch anite suuhk e ayimitwaau nanaahkuu chekwaayuuh e ishi mamishimaatwaau Jesus.

John 19:9

Ekw miin kaau kaa piihchet anite chisheuchimaaukamikuhch ekw kaa kakwechimaat Jesus, “Taanite wehchiyin.” Namui uhchi chistuu Jesus.

ᐊᐸᔅᑕᓚᒡ 8:32

Chii ayimihtaau Chishemanituu utayimuwiniyuu anit kaa itashteyich, Mwehch maanishchaanish ekaa chistut e nituu nipahaakanuut chii ishinaakusuu, mwehch e apishiishit maanishchaanish ekaa kaa chistut e manituweshwaakanuut, ekun kaa ishinaakusit, namui wiyesh uhchi itweu.

1 Peter 2:23

Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.