Luke 23:51 - Chishemanituu Utayimuwin: Kaa Uskaach Testament

⁵¹ kaye wiya chii ashuwaapahtamukupane Chishemanituu uchisheuchimaawiniyuu chechii utihchipayiyich kaye chii wiichihiiweu Jewa iinuu e niikaanishkuwaakanuyich. Namui maak uhchi naheyihtamukupane taan kaa ishi wiyeyihtamiyich che ihtuutawaayich Jesus kaye namui uhchi niskumuu chechii ihtuutawaakanuyich aniyuu taan kaa ihtuutawaakanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵¹ ᑲᔦ ᐎᔭ ᒌ ᐊᔓᐙᐸᐦᑕᒧᑯᐸᓀ ᒋᔐᒪᓂᑑ ᐅᒋᔐᐅᒋᒫᐎᓂᔫ ᒉᒌ ᐅᑎᐦᒋᐸᔨᔨᒡ ᑲᔦ ᒌ ᐐᒋᐦᐄᐌᐤ ᒎᐗ ᐄᓅ ᐁ ᓃᑳᓂᔥᑯᐙᑲᓄᔨᒡ᙮ ᓇᒧᐃ ᒫᒃ ᐅᐦᒋ ᓇᐦᐁᔨᐦᑕᒧᑯᐸᓀ ᑖᓐ ᑳ ᐃᔑ ᐎᔦᔨᐦᑕᒥᔨᒡ ᒉ ᐃᐦᑑᑕᐙᔨᒡ ᒌᓴᔅ ᑲᔦ ᓇᒧᐃ ᐅᐦᒋ ᓂᔅᑯᒨ ᒉᒌ ᐃᐦᑑᑕᐙᑲᓄᔨᒡ ᐊᓂᔫ ᑖᓐ ᑳ ᐃᐦᑑᑕᐙᑲᓄᔨᒡ᙮

Luke 23:51 Iomraidhean Croise

Matthew 27:57

Iskutak maak e ati utaakushich chii takushinuu naapeu Joseph e ishinihkaasut. Naashch chii miisitisiyuu uu naapeu. Anite maak ihtaawiniyuu Arimathea kaa ishinihkaateyich ekute kaa uhchiit. Chii nuushuushkuweu kaye wiya Jesus.

Mark 15:43

Aniyuu maak e chiishikaayich ekut kaa chii ayeskuwiihkaakanuuhch miyaaskaacheu makushewin ekw an miin e chiishikaach eukw aniyuu utayimiheuchiishikaamuwaau Jewa iinuuch. Ekw Joseph kaa ati nituwaapamaat Pilate ekaa mitun kushtaachit, kaa kakwechimaat chechii miyaakanuut Jesus wiiyuuyuu.

Luke 2:25

Mekwaach maak anit Jerusalemihch chii ihtaau naapeu, Simeon e ishinihkaasut. Chii kuiskupimaatisiyuu kaye chii ayimihewaatisiyuu. Kaye chii peshuweyimeu aniyuu kaa petaachimaakanuyich upimaachihiiweu chechii pimaachihaayich Israel iinuuh. Kaye maak Kaa payehchisiyich Ahchaahkw chii chichishkaakuu.

Luke 2:38

Mekwaach maak anit e ihtaayich Jesus uniichihiikuyuu chii uhchi piihcheu uu chisheishkwesh. Chii nanaaskumeu Chishemanituu iskutak wiyaapamaat aniyuu awaasha. Ekw kaa aayimuutamuwaat aniyuu awaasha aniyuuh iinuuh anit Jerusalemihch kaa ihtaayitwaauh aniyuu kaa ashuwaapamaayich upimaachihiiweu chechii pimaachihaayich Israel iinuuh.

Luke 23:42

An maak chimutisk chii iteu aniyuu Jesus, “Chischisiitutuuh iskutak takushiniyine e chisheuchimaawiyin.”

Luke 23:52

Chii nituwaapameu Pilate kaa nitutamuwaat Jesus wiiyuuyuu.