Luke 23:47 - Chishemanituu Utayimuwin: Kaa Uskaach Testament

⁴⁷ An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁷ ᐊᓐ ᒫᒃ ᔑᒫᑲᓂᔔᒋᒫᐤ ᐃᔅᑯᑕᒃ ᑳ ᐙᐸᐦᑕᐦᒃ ᑖᓐ ᑳ ᐃᔅᐸᔨᔨᒡ, ᒌ ᒋᔥᑖᒋᒣᐤ ᒋᔐᒪᓂᑑ ᑲᔦ ᒌ ᐃᑗᐤ, ᒉᔥᑎᓈᔥ ᑖᐺ ᒌ ᑯᐃᔅᑯᑖᑎᓰᒉ ᐆ ᓈᐯᐤ᙮

Luke 23:47 Iomraidhean Croise

Matthew 27:51

Iskutak maak nepit an aakuuyekahiikan anite chisheayimiheukamikuhch kaa ihtakuhch mitun tekash chii tetaau taaschipayuu. Tekash e iskwekach chii ishi taaschipayuu. Aschii kaye chii aayaahchipayuu. Kaye asiniich chii taaschipayuuch.

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 9:8

Iskutak maak anichii awenich anit kaa ihtaatwaau wiyaapahtahkwaau taan kaa ispayiyich chii sechisuuch ekw kaa maamihchimaatwaau Chishemanituu e miyaayich aweyuuh suuhkaatisiiwiniyuu.

Mark 15:39

An maak shimaakanishuuchimaau kaa uhchishkuukaapuushtawaat Jesus iskutak wiyaapamaat shaash e nipiyich, chii itweu, “eukw uyuu taapwe kaa aawiyich Chishemanituu Ukusisa.”

Luke 23:41

Chiyaanuu maak ishinaakun chechii chiistaaskuhukuyihkw taan kaa ishi machituutamuhkw. Uu maak naapeu namui uhchi machituutam.”

John 19:7

Ekw anichii Jewa iinuuch kaa nishkweushihaatwaau Pilate e itaatwaau, “Nitayaanaan wiishuwewin, itashteu anit niwiishuwewinaahch chechii itashuwaanuyich chechii nipahaakanuut aniyuu e chii itwet wiya e aawit Chishemanituuh Ukusisa.”