Luke 23:43 - Chishemanituu Utayimuwin: Kaa Uskaach Testament

⁴³ Jesus kaa itaat, “Chihchiwe chititin, anuhchiish chika ihtaanaanuu Paradise, anite e miyeyihtaakuhch e ihtaanuuhch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴³ ᒌᓴᔅ ᑳ ᐃᑖᑦ, ᒋᐦᒋᐌ ᒋᑎᑎᓐ, ᐊᓄᐦᒌᔥ ᒋᑲ ᐃᐦᑖᓈᓅ ᐸᕋᑕᐃᔅ, ᐊᓂᑌ ᐁ ᒥᔦᔨᐦᑖᑯᐦᒡ ᐁ ᐃᐦᑖᓅᐦᒡ᙮

Luke 23:43 Iomraidhean Croise

Luke 19:10

Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”

Luke 23:42

An maak chimutisk chii iteu aniyuu Jesus, “Chischisiitutuuh iskutak takushiniyine e chisheuchimaawiyin.”

John 14:3

Chiishihtaayaane maak anit che ihtaayekw, ekw che pechi nituwaapamitakuch ekw che chistuhtahiitakuch wesh chinituweyimitinaawaau chechii ihtaayekw anit e ihtaayaan.

John 17:24

“Nuuhtaawii, chiya chichii pechi miyin uchii, chinitutamaatin maak kaye wiyawaau eshkw chechii ihtaatwaau taanite che ihtaauch. Ekw maak che waapahtahkwaau nichisteyihtaakusuwiniyuu, aniyuu chisteyihtaakusuwiniyuu kaa pechi miyin wesh chichii saachihiin eshkw ekaa uhchi ushihtaayin uu aschii.

2 Corinthians 5:8

Taapwe maak chipaa suuhchitehenaanuu wesh uste chipaa miyeyihtenaanuu nakatamuhkw uyuuh chiiyuunuuh ekw maak chipaa ihtaanaanuu taanite e ihtaat Utipeyihchikeu.

Philippians 1:23

Taapishkun nimushteneyihten aniyuuh. Naashch taapwe niwii nakaten uu aschii, Jesus Christ e ihtaat chechii ihtaayaan. Eukw uu uste meywaashich.

Hebrews 7:25

Tekash chika chii pimaachiheu misiwe aweyuuh kaa taapweyimikut e naataayich Chishemanituuh. Wesh kaachiche pimaatisiyuu ekw maak muush chechii ayimiheshtamuwaat utiiniim.

Revelation 2:7

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii awenichii che shaakuuchistaatwaau machaatisiiwiniyuu nika miyaauch chechii miichitwaau miinsa anit uhchi pimaatisiyuu mistikuhch. Eukuu mistikw kaa ihtaat anite Chishemanituu unihtaauchihchikan aschiihch.”