Luke 23:39 - Chishemanituu Utayimuwin: Kaa Uskaach Testament

³⁹ Peyakw an chimutisk anit kaa chiistaaskuhwaakanuut kaye wiya chii maayeyimeu Jesus e itaat, “Namayeu aa maak chiya Christ. Wiichihiisuu, kaye maak niyaan, wiichihiinaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁹ ᐯᔭᒄ ᐊᓐ ᒋᒧᑎᔅᒃ ᐊᓂᑦ ᑳ ᒌᔅᑖᔅᑯᐦᐙᑲᓅᑦ ᑲᔦ ᐎᔭ ᒌ ᒫᔦᔨᒣᐤ ᒌᓴᔅ ᐁ ᐃᑖᑦ, ᓇᒪᔦᐤ ᐋ ᒫᒃ ᒋᔭ ᙭᙮ ᐐᒋᐦᐄᓲ, ᑲᔦ ᒫᒃ ᓂᔮᓐ, ᐐᒋᐦᐄᓈᓐ᙮

Luke 23:39 Iomraidhean Croise

Matthew 27:44

Kaye aniyuuh kaa aahkwaateyihtaakusiyich chimutiska kaa asich chiistaaskuhwaakanuyich ekun kaa ishi maayeyimikut.

Mark 15:32

Uu Christ, Israel iinuuch uchisheuchimaamuwaau, chipaa niishaahtawiyuu aniyuu aashiteyaahtikw e kanawaapamuhkw, ekw maak chipaa taapwehtenaanuu.” Anichii maak kutakach kaa chiistaaskuhwaakanuutwaau chii maayeyimeuch kaye wiyawaau Jesus.

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

Luke 23:37

Chii iteuch kaye, “Wiichihiisuu maak taapwe e aawane Jewa uchisheuchimaamuwaau.”

Luke 23:40

An maak kutak chimutisk kaa nishkweushihaat aniyuu wiichichimutiska e itaat, “Namui aa chikushtaau Chishemanituu. Chichii ishi wiyaaskunikunaanuu taapishkuuch wiya e ishi wiyaaskunaakanuut.