Luke 23:3 - Chishemanituu Utayimuwin: Kaa Uskaach Testament

³ Pilate maak chii kakwechimeu e itaat, “Chiya aa Jewa iinuuch uchisheuchimaamuwaau.” Jesus maak chii nishkweushiheu e itaat, “Ekun e itweyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐹᐃᓚᑦ ᒫᒃ ᒌ ᑲᑴᒋᒣᐤ ᐁ ᐃᑖᑦ, ᒋᔭ ᐋ ᒎᐗ ᐄᓅᒡ ᐅᒋᔐᐅᒋᒫᒧᐙᐤ᙮ ᒌᓴᔅ ᒫᒃ ᒌ ᓂᔥᑴᐅᔑᐦᐁᐤ ᐁ ᐃᑖᑦ, ᐁᑯᓐ ᐁ ᐃᑗᔨᓐ᙮

Luke 23:3 Iomraidhean Croise

Matthew 27:11

Jesus maak chii uhchishkuukaapuushtaweu Pilate aniyuuh Rome chisheuchimaau aapachihaakanh. Ekw kaa kakwechimikut, “Chiya aa Jewa iinuuch uchisheuchimaamuwaau.” Jesus maak chii iteu, “Ekun e itweyin.”

Mark 15:18

Ekw aayaahch kaa ihtuutawaatwaau muyaam e chisteyimaatwaau e ihtuutawaatwaau. Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.”

Mark 15:2

Ekw Pilate kaa kakwechimaat Jesus, “Ewaa chiya Jewa iinuuch uchisheuchimaamuwaau.” Jesus chii iteu, “Ekun e itweyin.”

Mark 15:32

Uu Christ, Israel iinuuch uchisheuchimaamuwaau, chipaa niishaahtawiyuu aniyuu aashiteyaahtikw e kanawaapamuhkw, ekw maak chipaa taapwehtenaanuu.” Anichii maak kutakach kaa chiistaaskuhwaakanuutwaau chii maayeyimeuch kaye wiyawaau Jesus.

Luke 22:70

Ekw maak misiwe kaa kakwechimikut, “Eukw aa maak chiya Chishemanituu Ukusisa.” Chii nishkweushiheu maak e itaat, “Chititwenaawaau e aawiyaan Chishemanituu Ukusisa.”

Luke 23:38

Chii chikamuhtaakanuyikupane maak masinahiikanishiyuu utaashiteyaahtikumihch anit ishpimiishiish Jesus ustikwaanihch e itashteyich, “Eukw uyuu Jewa iinuuch uchisheuchimaamuwaau.”

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 18:29

Eukw maak uyuu wehchii wiiwiit Pilate, kaa nituwaapamaat ekw kaa kakwechimaat, taan e ishi ataameyihtaakusit uu naapeu.

John 19:3

Chii maayeyimeuch mwehch e maamihchimaatwaau e itaatwaau, “Eukw chiya Jewa iinuuch uchisheuchimaamuwaauh.” Kaye chii utaamihkwehweuch utihchiiwaau e aapachihtaatwaau.

1 Timothy 6:13

Chishemanituu chii pachishtinam misiwe chekwaayuu kaa pimaatisiimakaniyich. Christ Jesus tekash chii chischeyihtaakuhuu awen wii anit kaa uhchishkuukaapuushtawaat Pontius Pilate. Taapishkun Chishemanituu ekw maak Christ Jesus e pehtuutwaau, uu chiwiishi siihchimitin,