Luke 22:70 - Chishemanituu Utayimuwin: Kaa Uskaach Testament

⁷⁰ Ekw maak misiwe kaa kakwechimikut, “Eukw aa maak chiya Chishemanituu Ukusisa.” Chii nishkweushiheu maak e itaat, “Chititwenaawaau e aawiyaan Chishemanituu Ukusisa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷⁰ ᐁᒄ ᒫᒃ ᒥᓯᐌ ᑳ ᑲᑴᒋᒥᑯᑦ, ᐁᐅᒄ ᐋ ᒫᒃ ᒋᔭ ᒋᔐᒪᓂᑑ ᐅᑯᓯᓴ᙮ ᒌ ᓂᔥᑴᐅᔑᐦᐁᐤ ᒫᒃ ᐁ ᐃᑖᑦ, ᒋᑎᑗᓈᐙᐤ ᐁ ᐋᐎᔮᓐ ᒋᔐᒪᓂᑑ ᐅᑯᓯᓴ᙮

Luke 22:70 Iomraidhean Croise

Matthew 26:25

Ekw Judas an che wiyeshipachishtinaakupane Jesus kaa itwet, “Niya aa kaa iishiyin.” Ekw Jesus kaa itaat, “Ehe, eukun wesh kiipaa e itweyin.”

Matthew 26:64

Jesus chii iteu, “Ekun e itweyin. Mikw maak chiwiihtamaatinaawaau chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Matthew 27:11

Jesus maak chii uhchishkuukaapuushtaweu Pilate aniyuuh Rome chisheuchimaau aapachihaakanh. Ekw kaa kakwechimikut, “Chiya aa Jewa iinuuch uchisheuchimaamuwaau.” Jesus maak chii iteu, “Ekun e itweyin.”

Matthew 27:43

Taapweyimeu Chishemanituuh taapwe maak yaahch che wii wiichihiikuukwe Chishemanituu anuhchiish. Wesh chii iteu, ‘Niya Chishemanituu Ukusisa.’ ”

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Matthew 3:17

Ekw kaa pehtawaatwaau aweyuu anite uhchi kihchikiishikuhch e itweyich, “Eukuu Nikus kaa saachihiik kaye naashch taapwe kaa naniheyihtamihiit.”

Matthew 4:3

Ekw machimanituu kaa pechi nituwaapamikut, ekw kaa itikut, “Taapwe aahch e aawane Chishemanituu Ukusisa, iishich uchii asiniich chechii aaihkunaautwaau.”

Mark 14:62

Jesus chii iteu, “Ehe, eukw niya. Chika waapamaawaau Iinuu Ukusisa e apit anite Kaa Suuhkaatisiyich unihiiwiniihch itehche e ihtaayich. Kaye chika waapamaawaau pechi takushinite kihchikiishikw kaskawanishkuhch e uhchi nuukusit.”

Mark 15:2

Ekw Pilate kaa kakwechimaat Jesus, “Ewaa chiya Jewa iinuuch uchisheuchimaamuwaau.” Jesus chii iteu, “Ekun e itweyin.”

Luke 22:71

Chii itituuch maak, “Ekun ekw, shaash mitun chichii pehtawaanuu taan e itaachimitisut. Namui shaash nituweyihtaakun etituu chechii naanituu chischeyimaakanuut.”

Luke 23:3

Pilate maak chii kakwechimeu e itaat, “Chiya aa Jewa iinuuch uchisheuchimaamuwaau.” Jesus maak chii nishkweushiheu e itaat, “Ekun e itweyin.”

Luke 4:41

Mihchetu maak iinuuch chii wiiwiiskaakuuch machiahchaahkwa e ishi tepweyich, “Chiya taapwe Christ, Chishemanituu Ukusisa.” Jesus maak chii chistahamuweu aniyuu machiahchaahkwa chechii ayimiyich, wesh chii chischeyimikuu wiya e aawit Christ.

John 1:34

Nichii waapahten uu kaa ispayihch kaye chiwiihtamaatinaawaau eukw aniyuu Chishemanituu Ukusisa,” chii iteu John.

John 1:49

Nathanael kaa itaat, “Chischinuhamaachesuu, eukw chii taapwe Chishemanituu Ukusisa, eukw chiya Chisheuchimaau utah Israelihch.”

John 10:30

Niya ekw maak Nuuhtaawii nipeyakunaan.”

John 10:36

Niya maak, Uhtaawiimaau nichii wiyeyimikw kaye nichii pechi itishahuukw utah aschiihch. Taanite chechii uhchi itweyekw e paashtaamuyaan e itweyaan, eukw niya Chishemanituu Ukusisa.

John 18:37

Ekw Pilate kaa itaat, “Taapwe kiipaa chichisheuchimaaunaache.” Jesus maak chii iteu, “Chititwen e chisheuchimaawiyaan. Ekun wehchi pimaatisiyaan kaye ekun wehchi pechi takushiniyaan utah aschiihch chechii tipaatutamaan an taapwewin Chishemanituu e ihtaat kaa uhchipayihch. Tahtu awen taapwewinihch kaa ihtaat eukw an piyechi nituhtuut.”

John 19:7

Ekw anichii Jewa iinuuch kaa nishkweushihaatwaau Pilate e itaatwaau, “Nitayaanaan wiishuwewin, itashteu anit niwiishuwewinaahch chechii itashuwaanuyich chechii nipahaakanuut aniyuu e chii itwet wiya e aawit Chishemanituuh Ukusisa.”