Luke 22:63 - Chishemanituu Utayimuwin: Kaa Uskaach Testament

⁶³ Ekw maak anichii kaa maakunawesitwaau kaa naanaakachihaatwaau Jesus chii maayeyimeuch kaye chii utaamuhweuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶³ ᐁᒄ ᒫᒃ ᐊᓂᒌ ᑳ ᒫᑯᓇᐌᓯᑣᐤ ᑳ ᓈᓈᑲᒋᐦᐋᑣᐤ ᒌᓴᔅ ᒌ ᒫᔦᔨᒣᐅᒡ ᑲᔦ ᒌ ᐅᑖᒧᐦᐌᐅᒡ᙮

Luke 22:63 Iomraidhean Croise

Luke 22:62

Kaa wiiwiit Peter kaa nituu maatut, chii mista maatuu maak.

John 18:19

Ekw an chisheayimiheuchimaau nanaahkuu kaa ishi kakwechimaat Jesus e wii nituu chischeyimaat aniyuu uchischinuhamuwaakaniyuuh kaye taan nahaau e ishi chiskutamaacheyich Jesus.

John 18:22

Iskutak maak Jesus kaa itwet uyuu, peyakw aniyuu kaa maakunawesiyich chii utaamuhkwehukuu e itikut, “Namui chika chii ishi ayimihaau chisheayimiheuchimaau.”

Hebrews 12:2

Kaye kanawaapamaataau Jesus, an kaa ihtuutaatahkw chechii taapwehtamuhkw. Wiya chiwiichihiikunuu wetaach chechii suuhchikaapuuyihkw chitaapwehtamuwinaahch paatish tekash chii nanihiiwehiihkwe Chishemanituu. Chii shaapushkam nipuwiniyuu asiteyaahtikuhch kaye namui mechim uhchi aapateyihtamihiikuu aat e chii maayeyimaakanuut kaye e chii nenehkaateyimuhaakanuut wesh mikw aniyuu taan che ishpish muuchicheyihtahk iskutak miyaaupayiche anit e nanehkaateyimut ekun aniyuu kaa maamituneyihtamihiikut. Ekw maak anuhchiish, wiya chuuchisheuchimaaminaanuu anite maak apuu Chishemanituu unihiiwiniihch iitehche.

1 Peter 2:23

Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.