Luke 22:61 - Chishemanituu Utayimuwin: Kaa Uskaach Testament

⁶¹ Ekw maak mekwaach e ayimit chii uhchi chistuyuu naapepakahaahkwaan. Utipeyihchikeuh maak chii kweschikaapuuyuuh kuiskw kaa kanawaapamikut Peter. Ekw maak Peter kaa uhchi chischisit taan kaa itikut Utipeyihchikeu, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶¹ ᐁᒄ ᒫᒃ ᒣᒀᒡ ᐁ ᐊᔨᒥᑦ ᒌ ᐅᐦᒋ ᒋᔅᑐᔫ ᓈᐯᐸᑲᐦᐋᐦᒀᓐ᙮ ᐅᑎᐯᔨᐦᒋᑫᐤᐦ ᒫᒃ ᒌ ᑴᔅᒋᑳᐴᔫᐦ ᑯᐃᔅᒄ ᑳ ᑲᓇᐙᐸᒥᑯᑦ ᐲᑕᕐ᙮ ᐁᒄ ᒫᒃ ᐲᑕᕐ ᑳ ᐅᐦᒋ ᒋᔅᒋᓯᑦ ᑖᓐ ᑳ ᐃᑎᑯᑦ ᐅᑎᐯᔨᐦᒋᑫᐤ, ᐁᔥᒄ ᐁᑳ ᒋᔅᑐᑌ ᓈᐯᐤ ᐸᑲᐦᐋᐦᒀᓐ ᐊᓄᐦᒌᔥ ᑳ ᒌᔑᑳᒡ ᓂᔥᑣᐤ ᒋᑲ ᐃᑗᓐ ᐁᑳ ᒋᔅᒉᔨᒦᓐ

Luke 22:61 Iomraidhean Croise

Matthew 26:34

Jesus kaa itaat aniyuu Peter, “Chihchiwe chititin. Anuhchiish uu che tipiskaach nishtwaau chika itwen ekaa chischeyimiyin eshkw ekaa chistute naape pakahaahkwaan.”

Matthew 26:75

Ekw Peter kaa uhchi chischisit taan kaa itikut Jesus, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiyin.” Ekw maak kaa wiiwiit kaa nituu maatut, suuhk e maatut.

Mark 5:30

Jesus maak tiiwehch chii chischeyihtam miinuwaachihiiweu suuhkaatisiiwiniyuu e chii wiiwiipayiniyich anit e ihtaat uhchi. Kaa kanawaapamaat misiwe aniyuu aweyuu ekw kaa itaat, “Awen kaa pechi taahtinahk nitakuhpiyuu.”

Luke 10:41

Utipeyihchikeu chii itikuu, “Martha, Martha naashch e mukushkaateyihtamihiikuyin mihchetu chekwaayuu.

Luke 22:34

Jesus maak chii iteu, “Chiwiihtamaatin Peter, eshkw ekaa chistute naapepakahaahkwaan anuhchiish che chiishikaach shaash nishtwaau chika nanatayin e itweyin ekaa chischeyimiyin.”

Luke 22:60

Peter maak chii iteu aniyuuh naapeuh, “Namui nichischeyihten chekwaan an kaa ayimitutaman.”

Luke 22:62

Kaa wiiwiit Peter kaa nituu maatut, chii mista maatuu maak.

Luke 7:13

Iskutak maak Utipeyihchikeu wiyaapamaat aniyuu iskweu, naashch chii chistimaacheyimeu ekw kaa itaat, “Ekaawii maatuh.”

Luke 7:19

Kaa itishahwaat uyuu chechii ishi kakwechimaayich Utipeyihchikeu, “Eukw aa chiya Christ an chipaa takushinikupane maak eshkw che ashuwaapamaauchihtipane kutak chechii takushihk.”

John 13:38

Jesus kaa itaat, “Taapwe aa shaash chitayeskuwiin chechii pachishtinamin chipimaatisiiwin niya uhchi. Chihchiwe chititin, eshkw ekaa mechim chistute naapepakahaahkwaan, shaash nishtwaau chika nanatayin e itweyin ekaa chischeyimiin.”

ᐊᐸᔅᑕᓚᒡ 5:31

Chishemanituu maak chii chisteyihtaakuheu Jesus unihiiwinihch itehche e chii apihaat, chechii uchimaawiyich kaye chechii pimaachihiiweyich, kaye chechii ihtuutawaat Israel iinuuh chechii kweskaatisiyich kaye chechii wepeyihtamuwaakanuyich umachihtwaawiniyuuh.

Ephesians 2:11

Chischisikw maa uu chiyawaau ekaa Jewa kaa itiskaanesiyekw taan kaa pechi ishinaakusiyekw anite pechi, chiyawaau “ekaa kaa chischinuwaachishwaakanuutwaau” kaa ishinihkaatitaakuch anichii naasch chihchiwe kaa iteyihtamihiikutwaau e chii chischinuwaachishwaakanuutwaau, wiiyuwaahch kaa maatishukutwaau kutak aweyuu;

Revelation 2:5

Chischisikw maa taan kaa ishpish saachihiyekw uskach. Ekun aa maak e ishpish saachihiyekw anuhchiish. Kweskaatisiikw kaye kaau ihtikw taan kaa chii ihtiyekw eshkw naashch e chii saachihiyekw. Wesh ekaa kweskaatisiyekwe nika takushin che utinamaan an chiwaashtenimaakanaahtikuwaau.