Luke 22:52 - Chishemanituu Utayimuwin: Kaa Uskaach Testament

⁵² Jesus kaa itaat aniyuuh kaa niikaanapitwaau ayimiheuchimaauh kaa nituwaapamikut, kaye kaa maakunawesuu aapatisiitwaau anite chisheayimiheukamikuhch, kaye maak aniyuuh kaa niikaanishkuwaayich iinuuh, “Chekwaan wehchi pechi nituwaapamiyekw taapishkuuch chimutisk kaa chii ihtuutawaakanuut e nituwaapamaakanuut e pechi ayaayekw nitupayuuhkumaanh kaye utaamahiikanaahtikw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁵² ᒌᓴᔅ ᑳ ᐃᑖᑦ ᐊᓂᔫᐦ ᑳ ᓃᑳᓇᐱᑣᐤ ᐊᔨᒥᐦᐁᐅᒋᒫᐤᐦ ᑳ ᓂᑐᐙᐸᒥᑯᑦ, ᑲᔦ ᑳ ᒫᑯᓇᐌᓲ ᐋᐸᑎᓰᑣᐤ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ, ᑲᔦ ᒫᒃ ᐊᓂᔫᐦ ᑳ ᓃᑳᓂᔥᑯᐙᔨᒡ ᐄᓅᐦ, ᒉᒀᓐ ᐌᐦᒋ ᐯᒋ ᓂᑐᐙᐸᒥᔦᒄ ᑖᐱᔥᑰᒡ ᒋᒧᑎᔅᒃ ᑳ ᒌ ᐃᐦᑑᑕᐙᑲᓅᑦ ᐁ ᓂᑐᐙᐸᒫᑲᓅᑦ ᐁ ᐯᒋ ᐊᔮᔦᒄ ᓂᑐᐸᔫᐦᑯᒫᓐᐦ ᑲᔦ ᐅᑖᒪᐦᐄᑲᓈᐦᑎᒄ᙮

Luke 22:52 Iomraidhean Croise

Matthew 26:47

Eshkw maak mekwaach e ayimit Jesus chii uhchi takushiniyuuh peyakw aniyuu kaa niishushaapuyich uchischinuhamuwaakan Judas kaa ishinihkaasuyich. Chii pechi wiicheukuyuu mihchetu aweyuuh e chii pechi itishahukutwaau kaa niikaanapitwaauh ayimiheuchimaauh kaye aniyuuh iinuuh kaa niikaanishkuwaayitwaauh. Chii pechi tahkunamuch maak nitupayuuhkumaan kaye utaamihiikanaahtikw.

Matthew 26:55

Ekw Jesus kaa itaat aniyuu iinuu, “Muyaam taapwe kaa aahkwaatisiit chimutisk e ihtuutuuyekw e pechi nituwaapamiyekw e tahkunamekw shimaakanishiyuu muuhkumaan kaye utaamahiikanaahtikw. Wesh shaash chipaahchii maakunaawaau anite chisheayimiheukamikuhch kaa chii ihtaayihkw eshikum chiishikaau e chiskutamaacheyaan, namui maak nihtaa kuuhchi kakweteyihtenaawaau chechii maakuniyekw.”

Luke 22:37

Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech, Chii asitachimaakanuu anite e chimutiskuunaanuyich. Uu maak kaa ishi tipaachimikuyaan taapwe kata ispayuu.”

Luke 22:4

Judas maak chii nakateu Jesus ekw kaa nituwaapamaat aniyuu kaa niikaanapiitwaau ayimiheuchimaau kaye aniyuu kaa naanaakachihtaayich Jewa chisheayimiheukamikuyuu kaa nituu aayimuutamuwaat taanite chechii uhchi wiyeshipachishtinamuwaat Jesus.

Luke 22:51

Jesus maak chii iteu, “Ekun.” Ekw maak kaa taahtinamuwaat uhtaukaayuu aniyuuh aapachihaakanh, kaa miinuwaachihtaawaat.

Luke 22:53

Aat eshikum chiishikaau e chii ihtaayihkw chisheayimiheukamikuhch namui wiiskaat kuuhchi kuchihtaanaawaau chechii maakuniyekw. Ekw maak wetihchipayihch chechii ihtuutamekw taan waa ihtuutamekw mekwaach e suuhcheyihtaakuhch wanitipiskusiiwin.”

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.

ᐊᐸᔅᑕᓚᒡ 5:26

Ekw maak an shimaakanisha kaa uchimaahkahtuwaat, kaye aniyuu ushimaakanishiim kaa nituwaapamaatwaau aniyuu apastalh kaa peshuwaatwaau miin anite kaa nishtuwiinaanuyich. Chiyaam chii ituhtaheuch anite aniyuu apastalh wesh chii kushteuch aniyuu iinuu chechii nipahiikutwaau e pimushinaatahukutwaau.