Luke 22:40 - Chishemanituu Utayimuwin: Kaa Uskaach Testament

⁴⁰ Iskutak maak tekushihkwaau anite Jesus chii iteu aniyuuh uchischinuhamuwaakanh, “Ayimihaakw ekaa chechii shaakuuchihiikuyekw kakwechihiiwewin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴⁰ ᐃᔅᑯᑕᒃ ᒫᒃ ᑌᑯᔑᐦᒀᐤ ᐊᓂᑌ ᒌᓴᔅ ᒌ ᐃᑌᐤ ᐊᓂᔫᐦ ᐅᒋᔅᒋᓄᐦᐊᒧᐙᑲᓐᐦ, ᐊᔨᒥᐦᐋᒄ ᐁᑳ ᒉᒌ ᔖᑰᒋᐦᐄᑯᔦᒄ ᑲᑴᒋᐦᐄᐌᐎᓐ᙮

Luke 22:40 Iomraidhean Croise

Matthew 6:13

Ekaawii maak ituhtahiinaan anite chechii kakwechihiikuyaahch. Pechi kanuweyiminaan taan waa ishi kakwechihiikuyaahch machimanituu. Wesh chiya chitipiyeusiyin chuuchimaawin kaye chiya chitayaan suuhkaatisiiwin kaye chisteyihtaakusuwin kaachiche kaye kaachiche. Eukw maak uyuu Jesus kaa ishi chiskutamaachet che ishi ayimihaanuyich.”

Luke 11:4

Wepeyihtamuunaan nimachihtwaawinaanh, wesh kaye niyaan niwepeyihtamuwaanaan misiwe awen kaa machituutuuyimiht. Ekaawii ituhtahiinaan anite chechii ishi kakwechihiikuyaahch.’ ”

Luke 22:46

Jesus maak chii iteu, “Taan e ihtiyekw wehchi nipaayekw. Wanishkaakw che ayimihaayekw ekaa chechii shaakuuchihiikuyekw kakwechihiiwewin.”

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.

Revelation 3:10

An e chii siipiiwesiyekw taan e ishi nachishkamekw muyaam kaa itashumitakuch chechii ihtiyekw, chika kanuweyimitinaawaau anit mekwaach pimipayihche e aayimuhutwaau awenichii, anit mekwaach che nituu chischeyimaakanuutwaau misiwe awenichii utah aschiihch kaa ihtaatwaau.