Luke 22:37 - Chishemanituu Utayimuwin: Kaa Uskaach Testament

³⁷ Wesh uu wehchi ititakuch kata tipipayuu taan kaa ishi niikaan aayimuumikuyaan anite Chishemanituu utayimuwinihch kaa itashtech, Chii asitachimaakanuu anite e chimutiskuunaanuyich. Uu maak kaa ishi tipaachimikuyaan taapwe kata ispayuu.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁷ ᐌᔥ ᐆ ᐌᐦᒋ ᐃᑎᑕᑯᒡ ᑲᑕ ᑎᐱᐸᔫ ᑖᓐ ᑳ ᐃᔑ ᓃᑳᓐ ᐋᔨᒨᒥᑯᔮᓐ ᐊᓂᑌ ᒋᔐᒪᓂᑑ ᐅᑕᔨᒧᐎᓂᐦᒡ ᑳ ᐃᑕᔥᑌᒡ, ᒌ ᐊᓯᑕᒋᒫᑲᓅ ᐊᓂᑌ ᐁ ᒋᒧᑎᔅᑰᓈᓄᔨᒡ᙮ ᐆ ᒫᒃ ᑳ ᐃᔑ ᑎᐹᒋᒥᑯᔮᓐ ᑖᐺ ᑲᑕ ᐃᔅᐸᔫ᙮

Luke 22:37 Iomraidhean Croise

Mark 15:27

Kaye maak niishu chimutiska chii chiistaaskuhweuch, peyakw anite Jesus unihiiwiniihch itehche chii akuchinuu ekw an kutak anite unimihchiiwiniihch itehche.

Mark 15:28

Chii tipipayuu maak taan kaa ishi niikaan masinahiikanuuhch anite weskach Jesus e chii aayimuumaakanuut. Itashteu Chishemanituu umasinahiikanihch, Chii asitinaakanuu anite aweyuuh kaa piikunamiyich wiishuwewinh e ihtaayich.

Luke 18:31

Ekw Jesus kaa chistuhtahaat aniyuu kaa niishushaapuyich uchischinuhamuwaakan taanite pahkaan chechii ihtaawaakupanenich, ekw kaa itaat, “Jerusalemihch chika ituhtenaanuu. ekute anite misiwe che tipipayihch an kaa ishi aayimaakanuut che ispayit Iinuu Ukusisa aniyuu taan kaa ishi masinahamuwaakupanenich aniyehkaanaanich uchischiwehiichesuuch.

Luke 22:22

Kata nipahaakanuu Iinuu Ukusisa aniyuu taan kaa ishi wiishtaat Chishemanituu che ihtuutuwaakanuyich. Mikw maak taapwe kata aahkwaach machipayuu an awen che wiyeshipachishtinaat Iinuu Ukusisaan.”

Luke 22:36

Ekw miin kaa itaat, “Anuhchiish maak ekw netuweyihtaakuhch yaaitei chechii ayaayekw shuuliyaawat kaye maak miiwat kaye maak awen ekaa ayaate nitupayuuhkumaaniyuu, che ataawet utakuhp chechii uhchi utinahk nitupayuuhkumaaniyuu.

Luke 22:52

Jesus kaa itaat aniyuuh kaa niikaanapitwaau ayimiheuchimaauh kaa nituwaapamikut, kaye kaa maakunawesuu aapatisiitwaau anite chisheayimiheukamikuhch, kaye maak aniyuuh kaa niikaanishkuwaayich iinuuh, “Chekwaan wehchi pechi nituwaapamiyekw taapishkuuch chimutisk kaa chii ihtuutawaakanuut e nituwaapamaakanuut e pechi ayaayekw nitupayuuhkumaanh kaye utaamahiikanaahtikw.

Luke 23:32

Chii niishuuch maak chimutiskach kaye wiyawaau e ituhtahaakanuutwaau anite che asichinipahaakanuutwaau Jesus nipahaakanuyichen.

Luke 24:27

Ekw Jesus kaa chihchi waawiihtamuwaat aniyuuh naapeuh misiwe taan kaa itasinahiikanuyich e aayimuumaakanuut anite Chishemanituu utayimuwinihch. Moses taan kaa itashtaayich e aayimuumikut chii uhchi chihchipayihtaau chek kaa utihtahahk taan kaa ishi masinahamiich e aayimuumikut aniyehkaanaan uchischiwehiichesuuh.

John 10:35

Chichischeyihtenaanuu kaachiche e taapwemakahch taan e itashtech Chishemanituu utayimuwinihch. Manituuch chii ishinihkaateu Chishemanituu aniyuuh kaa miyaakanuyich utayimuwin.

John 17:4

Nichii waapahtiiwen utah aschiihch taan e ishpish chisteyihtaakusiyin, e chii chiishihtaayaan an atushchewin kaa pechi miyin che ihtuutamaan.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

Galatians 3:13

Christ chichii naatamaakunuu taan kaa ishi nishuuwanaachimikuyihkw wiishuwewinihch uhchi ekw wii miiskuch kaa nishuuwanaachimaakanuut. Wesh itashteu Chishemanituu utayimuwinihch, Misiwe awen mistikuhch kaa akuyaakanuut nishuuwanaachimikuu Chishemanituu.