Luke 22:34 - Chishemanituu Utayimuwin: Kaa Uskaach Testament

³⁴ Jesus maak chii iteu, “Chiwiihtamaatin Peter, eshkw ekaa chistute naapepakahaahkwaan anuhchiish che chiishikaach shaash nishtwaau chika nanatayin e itweyin ekaa chischeyimiyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³⁴ ᒌᓴᔅ ᒫᒃ ᒌ ᐃᑌᐤ, ᒋᐐᐦᑕᒫᑎᓐ ᐲᑕᕐ, ᐁᔥᒄ ᐁᑳ ᒋᔅᑐᑌ ᓈᐯᐸᑲᐦᐋᐦᒀᓐ ᐊᓄᐦᒌᔥ ᒉ ᒌᔑᑳᒡ ᔖᔥ ᓂᔥᑣᐤ ᒋᑲ ᓇᓇᑕᔨᓐ ᐁ ᐃᑗᔨᓐ ᐁᑳ ᒋᔅᒉᔨᒥᔨᓐ᙮

Luke 22:34 Iomraidhean Croise

Matthew 26:34

Jesus kaa itaat aniyuu Peter, “Chihchiwe chititin. Anuhchiish uu che tipiskaach nishtwaau chika itwen ekaa chischeyimiyin eshkw ekaa chistute naape pakahaahkwaan.”

Matthew 26:74

Peter maak chii iteu, “Taapwe wesin, namui nichischeyimaau an naapeu. Ekush nika waweshihiikw Chishemanituu nitamukw e itwewaane.” Ekut maak anit tiiwehch kaa uhchi chistut naapeu pakahaahkwaan.

Mark 14:30

Ekw Jesus kaa itaat, “Chihchiwe chititin, eshkw ekaa mechim niishwaau chistute naape pakahaahkwaan che utaakushich shaash nishtwaau chika itwen ekaa chischeyimiyin.”

Luke 22:33

Peter chii iteu, “Utipeyihchikeu, mitun nitayeskuwiyin chechii wiicheutaan chipahutuukamikuhch maak chechii nipiyaan kaye niya nipahiikuyine.”

Luke 22:35

Chii iteu maak Jesus, “Iskutak kaa chihchitishahuutakuch namui kuuhchi ayaanaawaau shuuliyaawat maak miiwat maak maschisinh. Chekwaan maak kaa nuuhtepayekw.” Chii iteuch maak, “Namui chekwaan.”

Luke 22:61

Ekw maak mekwaach e ayimit chii uhchi chistuyuu naapepakahaahkwaan. Utipeyihchikeuh maak chii kweschikaapuuyuuh kuiskw kaa kanawaapamikut Peter. Ekw maak Peter kaa uhchi chischisit taan kaa itikut Utipeyihchikeu, “Eshkw ekaa chistute naapeu pakahaahkwaan anuhchiish kaa chiishikaach nishtwaau chika itwen ekaa chischeyimiin.”

John 13:38

Jesus kaa itaat, “Taapwe aa shaash chitayeskuwiin chechii pachishtinamin chipimaatisiiwin niya uhchi. Chihchiwe chititin, eshkw ekaa mechim chistute naapepakahaahkwaan, shaash nishtwaau chika nanatayin e itweyin ekaa chischeyimiin.”

John 18:27

Miin maak yaapach Peter chii nanatayuu, “Namayeu niya,” chii iteu. Tiiwehch kaa uhchi pehtaakusiyich naapepakahaahkwaan.