Luke 22:19 - Chishemanituu Utayimuwin: Kaa Uskaach Testament

¹⁹ Chii utineu maak aaihkunaau, chii nanaaskumuu maak kaye chii pahkweneu ekw kaa maamiyaat, e itaat, “Eukw uu niyuu e ishi miiwaanuuhch chiyawaau uhchi, muwaahkw uu aaihkunaau, uu maak ihtuutamukw e chischisiitutawiyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒌ ᐅᑎᓀᐤ ᒫᒃ ᐋᐃᐦᑯᓈᐤ, ᒌ ᓇᓈᔅᑯᒨ ᒫᒃ ᑲᔦ ᒌ ᐸᐦᑴᓀᐤ ᐁᒄ ᑳ ᒫᒥᔮᑦ, ᐁ ᐃᑖᑦ, ᐁᐅᒄ ᐆ ᓂᔫ ᐁ ᐃᔑ ᒦᐙᓅᐦᒡ ᒋᔭᐙᐤ ᐅᐦᒋ, ᒧᐙᐦᒄ ᐆ ᐋᐃᐦᑯᓈᐤ, ᐆ ᒫᒃ ᐃᐦᑑᑕᒧᒄ ᐁ ᒋᔅᒋᓰᑐᑕᐎᔦᒄ᙮

Luke 22:19 Iomraidhean Croise

Matthew 14:19

Ekw Jesus kaa itaat aniyuu iinuuh chechii apiyich anite mashkushiihch. Ekw kaa utinaat aniyuu niyaayin aaihkunaau kaye aniyuu niishu namesa, ishpimihch kaa ishi tastasaapit e nanaaskumaat Chishemanituu. Chii papihkwepiteu misiwe aniyuuh aaihkunaauh, ekw kaa miyaat uchischinuhamuwaakan chechii maatinamuwaayich aniyuu iinuu.

Matthew 15:36

Kaa utinaat aniyuu niishwaashch aaihkunaau kaye aniyuu namesa, kaa nanaaskumaat Chishemanituu, kaa papahkwenaat aniyuu aaihkunaau kaye aniyuu namesa ekw kaa miyaat aniyuu uchischinuhamuwaakan chechii maatinamuwaayich aniyuu iinuu.

Luke 22:17

Chii utinam minihkwaakaniyuu, kaa nanaaskumaat Chishemanituu ekw kaa itaat uchischinuhamuwaakanh, “Utinamukw uu, minihkwekw misiwe e tashiyekw.

Luke 22:20

Eukun yaapach kaa ihtuutahk e utinahk aniyuu minihkwaakaniyuu, iskutak kaa chiishi miichisutwaau. Chii iteu, “Uu shuuminaapuu eukw nimihkw, chiyawaau uhchi che ishi shiikanikaatech chechii uhchi miikuyekw e uskaach niskumuwin.”

Luke 24:30

Iskutak maak waachimiichisuumaat chii utineu aaihkunaau, chii nanaaskumuu kaye chii pahkweneu ekw kaa maatinamuwaat.

John 6:23

Kutak maak utih chii pechi naatakaamepayuuh anite Tiberias e uhchipayihkwaauh.

John 6:51

Niya maak an pimaachihiiweu aaihkunaau kihchikiishikuhch kaa uhchi pachishtinaakanuut. Awen maak che muwaakwe uyuu aaihkunaau kaachiche pimaatisiiwiniyuu chika ayaau. An maak aaihkunaau che miiweyaan eukw uu niyaas anit chechii uhchi ayaatwaau awenich pimaatisiiwiniyuu.” Eukw uyuu Jesus kaa itwet.

1 Corinthians 10:16

An e kuuminiyuyihkw chinanaaskumaanuu Chishemanituu Christ umihkw e chii siikahiikaateyich nesht upimaatisiiwin e chii patishtinahk Christ. Wesh an shuuminaapuu kaa minihkweyihkw nesht an aaihkunaau kaa utinahk ekut nuukuhtaayihkw Christ e chii nipistamaatahkw ati chechii uhchi wepeyihtamaakuyihkw chimachihtwaawinuuh.

1 Corinthians 10:4

Kaye maak misiwe chii minihkweuch aniyuu nipiiyuu Chishemanituu kaa miikutwaau asiniihch kaa uhchipayiyich. Iinaanuu maak e chii papaa nuushuushkaakutwaau aniyuuh asiniih, mikw maak namui mikw asiniih aniyuu, Christ aniyuuh kaa papaawiicheukutwaau.

Galatians 1:4

Jesus tekash chii pachishteyimisuu chechii nipahaakanuut chechii wiihkuchihiitahkw taan e ishi tipeyimikuuhkw machaatisiiwiniyuu anuhchiish taan e ishi ihtakuniyich utah aschiihch. Eukw uyuu kaa ishi nituweyihtamiyich Kuuhtaawinuuh Chishemanituuh chechii ihtit.

Galatians 4:25

Mwehch uu ihtaawin utah aschiihch anuhchiish kaa ihtakuhch Jerusalem kaa ishinihkaatech eukuu Hagar. Aniyuuh Jewa ayimiheu wiishuwewinh maahchikwaapihkaatikuuch anichii anit Jerusalemihch kaa ihtaatwaau.

Ephesians 5:2

Saachihaahkuch awenichii, mwehch taan kaa ishpish saachihiitahkw Christ. Kaa pachishtinahk upimaatisiiwin chiyaanuu uhchi muyaam e wiihchimaasteyich pachishtinichewiniyuu ekw maak machishtawehamaawiniyuu ekun kaa iteyihtamihiikuyich Chishemanituu. Chii naheyihtamihiikuyuuh maak.

1 Thessalonians 5:18

Mikw taan che ispayuwekwe muush nanaaskumukw. Wesh eukw uyuu e ishi pukuseyimitaakw Chishemanituu chechii ihtuwekw e wiicheumekw Christ Jesus.

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

1 Peter 2:24

Wiya tipiiwe wiiyuuhch chii ishi utinam chimachihtwaawinuuh kaa chiistaaskuhwaakanuut aashiteyaahtikuhch, miiskuch chiyaanuu ekaa chechii piihchishkaakuyihkw machihtwaawin. Chii ihtuutam chimachihtwaawinuuh chechii ati ishinaakusuuhkw muyaam e nipiikw machihtwaawinihch ishi ekw maak kuiskutaatisiiwinihch chechii ishi pimaatisiyuuhkw. Aniyuu taan kaa ishi papasistehwaakanuut ekut kaa uhchi miinuwaatisiyuuhkw.