Luke 22:16 - Chishemanituu Utayimuwin: Kaa Uskaach Testament

¹⁶ Chititinaawaau maak, namui miin nika uhchi miichin uu makushaan paatish utihchipayihche taan e ishi nisituhtaakanuuhch e ishi wiihtamaachemakahch uu makushewin anite Chishemanituu uchisheuchimaawinihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᒋᑎᑎᓈᐙᐤ ᒫᒃ, ᓇᒧᐃ ᒦᓐ ᓂᑲ ᐅᐦᒋ ᒦᒋᓐ ᐆ ᒪᑯᔖᓐ ᐹᑎᔥ ᐅᑎᐦᒋᐸᔨᐦᒉ ᑖᓐ ᐁ ᐃᔑ ᓂᓯᑐᐦᑖᑲᓅᐦᒡ ᐁ ᐃᔑ ᐐᐦᑕᒫᒉᒪᑲᐦᒡ ᐆ ᒪᑯᔐᐎᓐ ᐊᓂᑌ ᒋᔐᒪᓂᑑ ᐅᒋᔐᐅᒋᒫᐎᓂᐦᒡ᙮

Luke 22:16 Iomraidhean Croise

Luke 12:37

Kata shaweyihtaakusuuch maak anichii aapachihaakanich miskaakutwaawenich aniyuu uchimaamuwaauh e chii ayeskuwiishtawaatwaau. Chiwiihtamaatinaawaau maak, an uchimaau kata ayeskuwiyuu wiya kweschiipan chechii ihtuutamuwaat taan kaa ishi ihtuutamaakut ekw maak che wiishaamaat chechii miichisuyich, mechim wiya chika wiishtuweu.

Luke 14:15

Chii ihtaayuuh naapeuh e wiitapimikut Utipeyihchikeu anit miichisunaahtikuhch. Peyakw maak aniyuu naapeuh, iskutak piyehtamiyich aniyuu kaa itwet, chii itikuu, “Nuwach shaweyihtaakusuuch anichii che miichisutwaau anite Chishemanituu uchisheuchimaawiniihch makushaanuuyiche.”

Luke 22:15

Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan.

Luke 22:18

Wesh chititinaawaau namui miin nika uhchi minihkwen shuuminaapuu paatish utihchipayihche Chishemanituu uchisheuchimaawin.”

Luke 22:30

chechii wiichimiichisuumiyekw kaye chechii wiichiminihkwemiyekw nimiichisuunaahtikuhch anite nuuchimaawinihch. Chika apinaawaau kaye chiyawaau chisheuchimaau tehtapuwinh ati che uhchi wiyaaskunekuch kaa niishushaap kaa itiskaanesitwaau Israel iinuuch.”

John 6:27

Ekaawii aapatisikw mikw e wii uhchistamaasuyekw miichim an che wiinipayihch, teyakuch wii uhchistamaasuk an miichim kaachiche che ihtakuhch. Iinuu Ukusisa chika miikuwaau miichimiyuu ekaa nihtaa che uhchi wiinipayihch. Wesh Chishemanituu Uhtaawiimaau chii nuukuhtaau taapwe e naheyimaat.”

ᐊᐸᔅᑕᓚᒡ 10:41

Namui kiipaa misiwe aweyuuh uhchi nuukushiishtaweu Jesus, mikw aniyuuh aweyuuh Chishemanituuh kaa wiyaapamikuyich chechii tipaachimikut. Kaye nichii wiichimiichisuumaanaan paatimaa kaa wanishkaat nipuwinihch uhchi.

Revelation 19:9

Ekw kaa pechi iishit enchil, “Masinaha uu, shaweyihtaakusuuch anichii kaa wiishaamaakanuutwaau e makushaanuyich aniyuu Maanishchaanisha uniipuu makushewiniyuu.” Ekw miin kaa ati itwet an enchil, “Eukw uyuu kaa itwet Chishemanituu, taapwemakaniyuu maak.”