Luke 22:15 - Chishemanituu Utayimuwin: Kaa Uskaach Testament

¹⁵ Chii iteu maak Jesus, “Naashch taapwe nichii pukuseyihtamihiikuun chechii wiichimiichisuumitakuch miyaaskaacheu makushaan eshkw ekaa utihchipayihch che ishi wawiisacheyihtamihiikuyaan.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᒌ ᐃᑌᐤ ᒫᒃ ᒌᓴᔅ, ᓈᔥᒡ ᑖᐺ ᓂᒌ ᐳᑯᓭᔨᐦᑕᒥᐦᐄᑰᓐ ᒉᒌ ᐐᒋᒦᒋᓲᒥᑕᑯᒡ ᒥᔮᔅᑳᒉᐤ ᒪᑯᔖᓐ ᐁᔥᒄ ᐁᑳ ᐅᑎᐦᒋᐸᔨᐦᒡ ᒉ ᐃᔑ ᐗᐐᓯᒉᔨᐦᑕᒥᐦᐄᑯᔮᓐ᙮

Luke 22:15 Iomraidhean Croise

Luke 12:50

Wesh naashch taapwe kata aayiman chekwaan che ishi nachishkamaan nuwach maak nimukushkaateyihten kamaa shaash miyaaupayihch e iteyihtamaan.

Luke 22:14

Iskutak maak wetihchipayiyich che miichisutwaau Jesus ekw maak uchischinuhamuwaakanh ekw kaa waweyapitwaau.

Luke 22:16

Chititinaawaau maak, namui miin nika uhchi miichin uu makushaan paatish utihchipayihche taan e ishi nisituhtaakanuuhch e ishi wiihtamaachemakahch uu makushewin anite Chishemanituu uchisheuchimaawinihch.”

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 17:1

Iskutak maak Jesus kaa chiishi ayimit, chii tastasaapuu kihchikiishikuhch ishi ekw kaa itwet, “Nuuhtaawii, ekw wetihchipayihch tipahiikan. Waapahtiiwe taan e ishpish chisteyihtaakusit Chikus ekw maak che waapahtiiwet taan e ishpish chisteyihtaakusuut chiya.

John 4:34

Jesus kaa itaat, “Chechii ihtuutamuch utiteyihtamuwin an kaa pechi itishahuut kaye chechii chiishihtaauch aniyuu kaa ishi nituweyimit chechii ihtuutamuch eukun an mwehch nimiichim e iteyihtamaan.