Luke 21:9 - Chishemanituu Utayimuwin: Kaa Uskaach Testament

⁹ Pehtamekwe e nitupayinaanuuhch, maak e maasihiitunaanuuhch ekaawii chika uhchi sechisinaawaau. Wesh eukuu yaaitei niishtam che ispayihch, mikw maak namui eshkw chika uhchi utihchipayuu e ishkwaapayihch.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐯᐦᑕᒣᑴ ᐁ ᓂᑐᐸᔨᓈᓅᐦᒡ, ᒫᒃ ᐁ ᒫᓯᐦᐄᑐᓈᓅᐦᒡ ᐁᑳᐐ ᒋᑲ ᐅᐦᒋ ᓭᒋᓯᓈᐙᐤ᙮ ᐌᔥ ᐁᐅᑰ ᔮᐃᑌᐃ ᓃᔥᑕᒻ ᒉ ᐃᔅᐸᔨᐦᒡ, ᒥᒄ ᒫᒃ ᓇᒧᐃ ᐁᔥᒄ ᒋᑲ ᐅᐦᒋ ᐅᑎᐦᒋᐸᔫ ᐁ ᐃᔥᒀᐸᔨᐦᒡ᙮

Luke 21:9 Iomraidhean Croise

Luke 21:10

Miin kaa ati itwet, “Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiitwaauh. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich.

Luke 21:28

Iskutak maak chihchipayihche e ispayihkwaau uyuu chekwaayuu, suuhk ishpimihch iitaapikw, wesh shaash peshunaakun che pimaachihiikuyekw.”

Luke 21:8

Jesus maak chii iteu, “Yaakwaamiikw ekaa awen chechii wiyeshimitaakw. Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, Eukw niya Christ. Mihchetu maak aweyuu chika wiyeshimeuch. Kaye maak chika itweuch, shaash peshunaakun che ispayihkwaau uyuu chekwaayuu. Ekaawii maak chika uhchi nuushuushkuwaawaauch uchii.