Luke 21:8 - Chishemanituu Utayimuwin: Kaa Uskaach Testament

⁸ Jesus maak chii iteu, “Yaakwaamiikw ekaa awen chechii wiyeshimitaakw. Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, Eukw niya Christ. Mihchetu maak aweyuu chika wiyeshimeuch. Kaye maak chika itweuch, shaash peshunaakun che ispayihkwaau uyuu chekwaayuu. Ekaawii maak chika uhchi nuushuushkuwaawaauch uchii.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒌᓴᔅ ᒫᒃ ᒌ ᐃᑌᐤ, ᔮᒀᒦᒄ ᐁᑳ ᐊᐌᓐ ᒉᒌ ᐎᔦᔑᒥᑖᒄ᙮ ᐌᔥ ᒋᑲ ᒥᐦᒉᑑᒡ ᐊᐌᓂᒌ ᐁ ᑕᑯᔑᐦᒀᐤ ᓂᑎᔑᓂᐦᑳᓱᐎᓂᔫ ᐁ ᐋᐸᒋᐦᑖᑣᐤ ᐁ ᐃᑗᑣᐤ, ᐁᐅᒄ ᓂᔭ ᙭᙮ ᒥᐦᒉᑐ ᒫᒃ ᐊᐌᔫ ᒋᑲ ᐎᔦᔑᒣᐅᒡ᙮ ᑲᔦ ᒫᒃ ᒋᑲ ᐃᑗᐅᒡ, ᔖᔥ ᐯᔓᓈᑯᓐ ᒉ ᐃᔅᐸᔨᐦᒀᐤ ᐅᔫ ᒉᒀᔫ᙮ ᐁᑳᐐ ᒫᒃ ᒋᑲ ᐅᐦᒋ ᓅᔔᔥᑯᐙᐙᐅᒡ ᐅᒌ᙮

Luke 21:8 Iomraidhean Croise

Matthew 24:11

Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich.

Matthew 3:2

E itwet, “Kweskaatisiikw, wesh shaash peshunaakun an kihchikiishikw chisheuchimaawin.”

Matthew 4:17

Ekut maak kaa chihchipayihtaat Jesus e kacheschimaat aniyuu iinuu e itaat, “Kweskaatisiikw, nakatamukw chimachihtwaawinawaauh wesh shaash peshunaakun kihchikiishikw chisheuchimaawin.”

Luke 17:23

Chika ihtaauch maak awenichii che ititaakuch, ‘Maaut e ihtaat Iinuu Ukusisaan,’ maak, ‘Mwaanaa nete e ihtaat Iinuu Ukusisaan.’ Mikw maak ekaawii chika uhchi naanituwaapaminaawaau anite.

Luke 21:7

Anichii maak chischinuhamuwaakanich chii kakwechimeuch Jesus e itaatwaau, “Chischinuhamaacheu, taaishpish che ispayihch uu. Taanite chechii uhchi chischeyihtamaahch shaash e utihchipayihch e ispayihch uu.”

Luke 21:9

Pehtamekwe e nitupayinaanuuhch, maak e maasihiitunaanuuhch ekaawii chika uhchi sechisinaawaau. Wesh eukuu yaaitei niishtam che ispayihch, mikw maak namui eshkw chika uhchi utihchipayuu e ishkwaapayihch.”

John 5:43

Nichii takushin utah aschiihch Nuuhtaawii e chii pechi itishahuut yaapach maak namui chitaapateyiminaawaau. Kutak awen chii takushinit ekaa Chishemanituu uhchi pechi itashuwaat chipaa Nituhtaawawaau wiya.

John 8:24

Chichii wiihtamaatinaawaau che nipiyekw e chichishkamekw chimachaatisiiwinawaauh. Ekun maak taapwe che ishi nipiyekw e chichishkamekw chimachaatisiiwinawaauh, ekaa taapwehtamekwe eukun an niya taapwe e aawiyaan.”

John 8:28

Ekw Jesus kaa itaat, “Iskutak chiistaaskuhwekwe Iinuu Ukusisa ekw che chischeyimiyekw eukw niya e aawiyaan. Chika chischeyihtenaawaau kaye ekaa ihtuutamaan chekwaan paatish kaa itashumit Nuuhtaawii chechii ihtuutamaan. Mikw aniyuu taan e itashumit uhtaawiimaau chechii wiihtamuch eukw aniyuu che wiihtamuch.

1 Corinthians 6:9

Ekaawii wiyeshihiisukw. Chichischeyihtenaawaache anichii awenich kaa machaatisiitwaau namui chika uhchi miikuuch Chishemanituu anite uchimaawiniihch chechii ihtaatwaau. Maak anichii awenich misiwe wiinisuwinihch kaa ishi pimaatisiitwaau, kaye anichii kaa nuuchiishtuwaatwaau manituuhkaan, kaye anichii kaa wanituutuwaatwaau uwiichimaakanawaauh kaye anichii kaa chiishiihkuwaakanuutwaau naapeuch e wiihpemaakanuutwaau kaye maak anichii naapeuch kaa wiihpemitutwaau, kaye iskweuch kaa wiihpemitutwaau.

Ephesians 5:6

Yaakwaamiistuwaahkuch maak ekaa chechii wiyeshimitaakuch anichii kaa sasuuskuutaatwaau uyeyuu itaatisiiwiniyuu wesh nitamukw chika ishi chischinuhtahiikuwaauch. Uyuu e itaatisiitwaau anichii ekaa kaa nanihiihtuwaatwaau Chishemanituuh eukw uyuu wehchi utitahukutwaau utaahkuyuwesuwiniyuu.

2 Thessalonians 2:3

Yaakwaamiikw ekaa mitun chechii wiyeshihiitaakuch awenichii. Eshkw ekaa utihchipayihche an e chiishikaach mihchetu awenichii maahchishtai chika suuhcheyimutuweuch Chishemanituuh. Kaye kata nuukuhaakanuu an awen kaa maayaatisiit ekaa mitun kaa aapateyihtamuwaat Chishemanituuh uwiishuwewiniyuu, eukw uyuu Chishemanituu anite machi ishkutehch che itishahwaat chechii wanaatisiyich.

2 Timothy 3:13

ekw anichii kaa machaatisiitwaau kaye anichii nitamukw kaa ishi chiskutamaachetwaau wetaach etituu kata iteyihtaakusuuch, e wiyeshimaatwaau aweyuu kaye wiyawaau e wiyeshimaakanuutwaau.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.

2 John 1:7

Mihchetu kaa wiyeshihiiwetwaau shaash papaamaachimuuch utah aschiihch e aanuwehtahkwaau taapwe e chii takushiniyich Jesus muhch naapeu e chii iteyihtaakusiyich. Uyuu maak e iteyihtaakusit awen eukw uu kaa suuhcheyimututawaat Christ kaye muush kaa wiyeshihiiwet.

Revelation 1:3

Chika shaweyihtaakusuu an awen che ayimihtaat uyuu taan e itashteyich utah anit chechii uhchi pehtamiyich kutak aweyuuh. Anichii kaa pehtahkwaau kaye kaa nanihiihtahkwaau taan e itashteyich anit kaye wiyawaau chika shaweyihtaakusuuch. Wesh shaash peshunaakun che uhtihchipayihch misiwe chechii ispayihch taan kaa ishi waapahtiikuyaan.

Revelation 12:9

Ekw kaa niihchiwepinaakanuut an mista maanichuus kihchikiishikuhch uhchi. Eukw maak an chinepukw weskach anite kaa ihtaat, Machimanituu maak Satan kaa ishinihkaataakanuut. Eukw uu kaa chii wiyeshihaat misiwe aweyuu utah aschiihch. Anite maak aschiihch chii ishuwepinaakanuu kaye misiwe aniyuu utenchilamh.